What's ur sexiest quality

YOUR EASYGOING NATURE

Your keen listening skills and helpful, loving spirit make you appear to be the ideal partner—in crime, play, and love. And who wouldn’t be attracted to that? You’re the kind of person who makes others feel like you really care about who they are. As a result, people feel safe enough to reveal themselves to you and trust you with their hearts. The plus sides to your sexy quality are lots of friends and love interests who can’t get enough of you. The downside is that there’s not enough of you to go around, so you have to turn some people down, which is never fun—especially for the easy-goer who’d rather keep everything light and fun. Fortunately, you even know how to shut someone down in a relaxed, kind way.

سياسة الخازوق الموجه

تانى تانى.. راجعين ياقلبى تانى
للنار.. والعذاب من تاااانى
وتانى تانى تانى.. راجعين للحيرة تانى
-------------------------------------
الحمار بيمشى فى السكة مرة واحده بيحفظها... وانا بقع فى نفس البلاعه تسعين مره ومبتعلمش... مفيش فايده.. ان امش محصلة حتى الحمار

سلامتك يا دماغى

Migraine is a neurological disease, of which the most common symptom is an intense and disabling episodic headache. Migraine headaches are usually characterized by severe pain on one or both sides of the head and are often accompanied by photophobia (hypersensitivity to light), phonophobia (hypersensitivity to sound) and nausea. The word migraine is French in origin and comes from the Greek hemicrania (as does the Old English term megrim). Literally, hemicrania means "only half the head."

ولازال الصداع مستمرا

قلت ادور على الصداع وبلاويه واللى بيجرى فيه لقيت الصداع اشكال وانواع وانا مكنتش اعرف حاجه مثيره للاهتمام الحقيقه واللى عندى اسمه مايجرين... وفى صداع الايسكريم... وصداع الاحم السيكس.. وصداع السخونية... والصداع اللى بسبب ادوية الصداع... وطبعا حبيب قلبى صداع الجيوب الانفيه والنبى اخويا التوام بيلازمنى زى ضلى فى تغيير الفصول.... وانواع اخرى

* Rebound headache
* Ictal headache
* Ice cream headache
* Thunderclap headache
* Vascular headache
* Toxic headache
* Coital cephalgia (also known as: sex headache)
* Sinus headache

رحمتك يارب

طب قنّاص ماهر يِنِشّ التعبان اللى فى دماغى رصاصه...

يا رفاعىىىىىىىىىىى

فى صداع فى دماغى عمال بتلوى زى تعبان بيلف حوالين مخى من جوه بيعصره.. والصداع بتاعى مالوش دوى... لا نوم بينفع ولا مسكن بيشفع.. مالوش علاج الا الصبر... والنبى شوفولى رفاعى يجى يحوى التعبان اللى سارح فى مخى ده...

غير مصرح بحمل بروز واطوال

الصيف دخل والحر هوف هوف.. وتبعا انا مبستحملش الحر عشان انا ديليكات خالس... المهم انا فى الصيف متعوده بلبس فى قدمى الكريمه (او التى كنت احسبها كذلك) اى حاجه مفتوحه وكعبها واطى فيما يعرف باسم شبشب او صندل عشان مبستحملش اى حاجه مقفوله ولا اى حاجه بيتلبس تحتها شراب الا فى الشديد الاوى (لو نازله اتسنكح فى مكان مليان تراب والا ميه فى الارض بلبس صندل من اللى بيتلبس تحتيه شراب).. طبعا بقى نظرا لانى بشتغل فى شركه مرموقه فى هذا البلد البائس فلا يجوز بأننا نلبس لبس غير رسمى Formal يعنى.. وحسب ماقالوا فى بلاد الخواجات ان الفورمال هو كل ماليس هو جينز (باعتبار انه مفهوم ان ماحدش بيروح الشغل بهدوم النوم ولا شورتات النادى).. يشاء الله تعالى انى اقرر يوم انزل من بيتنا شيك وهدومى مغسوله وكماااااااااااااان مكويه على غير العادة (سامحنى يارب).. وكملت التطقيمه بشنطه حريمى (استغفرك ربى واتوب اليك) وشبشب بصباع على الموده (على غير العاده بس لقيته شبشب جيد التهويه فاشتريته)... رئيستى فى الشغل (اللى بتيجى كل يوم ببنطلون جينز) شافت الشبشب جالها انهيار عصبى ( مع انه مابيبانش انه شبشب وانا واقفه بس هى شافتنى وانا قاعده) وجالها نوبة عياط وقعدت تقول شبشب لأ شبشب لأ... لازم تكون جزمه مقفولة... وعشان خاطرك بس هسيبك تلبسى سابوه (عند امها طبعا).. ياستى يهديكى يرضيكى البشر فى جميع ارجاء الكوكب بيروحوا الشغل باى حاجه فى رجلهيهم ماعدا شبشب زنوبه.... ودى ابداااااااا فورمال فورمال........ يا ماما مين قالك ان ده مش فورمال.. الله الوطن الفورمال.... وانا مروحه سبحانك يارب عديت من قدام فندق ابن ناس اوى فى الزمالك فى اول الزمالك...... الميريديان باين والامعرفش سمه ايه (زهايمر سورى نفيسه) شفت راجل محترم اوى شكله مهم كده ولابس بنطلون كتان ولابس جزمه منغير شراب وقميص ساده وماسك فى ايده دوسيهات وماشى جمبه واحد لابس بدله (شكله مصرى)... تشوف الاتنين ماشيين جمب بعض واحد ماشى مرتاح والتانى ماشى مركز مع جاكتة البدله الىل الهوا عمال يمطوحها شمال ويمين وهو عمال يجرى ورى كل جنب شويه عشان يلمه على صدرع.. عديتهم لقيت واحده ست اموره كده (مش من هنا طبعا) شايله لابتوب وشويه ورق ولابسه بنطلون كتان برده بوسط حزام وشبشب (كان شيك اوى ولونه بيج)..... سخسخت من الضحك.. فى اوروبا والدول المتقدمه مفهومهم عن الفورمال لا بدله ولا نيله اهه والناس اخر طعامه وشكلهم افنديه رايحه تشتغل مش ولاد شغاله يعنى... كان نفسى اصورهم واورى الصور لرئيستى عشان تفهم ان الحوار مش لبس ماهى بتلبس جينز وشكلها مبيفرقش عن شكلها اما بتطقم... فى جميع الاحوال مبتبقاش محتاج تشوفها شايله جردل ميه وخيشه عشان تعرف هى بتشتغل ايه... بعدها بيومين عملت فيها خدعه مكتشتفتهاش لغاية دلوقتى.... لبست الشبشب ابو صباع (هو بعينه) وتحتيه لبست شراب بصوابع (مع انى بكره ابوهم الشرابات دى بس اهو نص العما) ولغايه دلوقتى اديلنا داخلين فى شهر اهه مقضياها شبشب بصباع وشراب بصوابع ولغايه دلوقتى لسه مكتشفتش مع انها بتشوفنى فى اليوم سبعين مره... هو تقريبا والله اعلم.. يظهر يعنى.. ان مش الشبشب هو اللى مش فورمال.... انا اللى صوابع رجلى مش فورمال

نكتة قبيحة

ياترى الحاجات شايفانا ازاى وبتقول علينا ايه ؟؟.. يعنى زى مانا شايفه الحيطه اللى قدامى وبقول عليها فاضيه وممله هى شايفانى ازاى وبتقول عليه ايه؟؟ وعلى اللى قعد قدامها قبلى واللى هيقعد قدامها بعدى.. دايما الفكره دى بتيجى على بالى بس باشكال مختلفه... مؤخرا سمعت نكته عن واحد لقى خاتم سحرى دعكه طلعله عفريت قاله تطلب ايه... قاله نفسى اشوف مؤخرات حريمى عريانه كتير وابقى ابيض.. العفريت حوله كبانيه.. بم بارابارم بم بم.... هى نكته بايخه مش دى القضيه بس القضيه انها ضربت فى دماغى فكره بنت لذينه... ياترى الكبانيهات رايها فينا ايه؟؟ طيب لو بصينا اوسع شويه وقلنى كرسى .. كرسى بيقعد عليه ناس كتير اوى ورى بعض.. زى كرسى فى محطة مترو... اعتقد هيبقى شىء مسلى جدا لو ثبتنا كاميرة فيديو قدام احد كراسى المترو لمدة يوم عمل للمترو من 6 الصبح لحد 12 بالليل... هنشوف العجب... واحده تقعد بعدين تقوم يقعد مكانها واحد.. واحد مهموم.. واحده مجنونه... واحد مبسوط.. واحده متضايقه... واحد وشه قاسى... واحده بتفكر... تعبيرات وشوش مختلفه.. وشوش اشكال والوان... Body Language للصبح ... ده غير المواقف اللى هنشوفها والناس بتتسابق على كرسى مين اللى هيلحق الأول.. والىل قاعده وواخده ابنها على حجرها واللى قااعده وجمبها واحد بيشاغلها... يوووه ياما... نفسى بجد اروح ومعايا كاميرا ديجيتال مخبياها واصور الناس بجد.. بس اكيد مش هقدر يوم بحاله.. يمكن قريب اعملها ساعتين تلاته اروح اترصد كرسى واتدبىء اللى يقعدوا عله اتابعهم.. وارجع بحصيله ارميها على البلوج

مزبلة التاريخ

الأيام بقت عشوائية بشكل غريب.. وبقت متسربعه.. الواحد مبيلحقش يعمل اى حاجه ويلاقى نفسه تصبحوا على اخير واشوفكم بكره.. ويصحى من النوم يلاقى حواجبه مرفوعه وعينيه مدلدله عشان مالحقش ينام.. وبالرغم من كده تلاقى اليوم بتاع يومين تلاته فى بعض عشان اللى حصل الصبح مالوش علاقه باللى حصل اخر النهار واللى حصل فى النص مالوش دعوه باى حاجه تمت لكوكب الارض بصله.. تبص على وشك فى المرايه تلاقيه متنح وحواجبك لسه مرفوعه وتبص فى وشوش الناس تلاقى عينيهم زايغه مش ثابته كانهم بيدوروا على حاجه لاهم عارفينها ولا انت شايفها... تنزل الشارع تلاقى الناس بتجرى وتلاقى نفسك بتجرى ولا انت عارف هم بيجروا ليه ولا انت بتجرى ليه بس اهوكله بيجرى وكله بيخبط فى بعضه.. ابتسم يا عزيزى انه زمن البرطعه ويجب عليك تقمص دور مهرة السبق... وكله عايز يبقى المهرة الرابحة... وتروح تركب تلاقى الناس كتير وكله عايز يركب والغريبه ان اللى بيزاحم اللى بيبقى لسه جاى حالا... بيتهيالى عشان بيبقى لسه فيه نفس عشان الناس اللى واقفه من قبله عاده بتكون فرهدت خاصه وان الحر داخل بشناعه... وتلاقى واحد افندى محترم يفصل منك اتنين بالطول واتنين بالعرض بيزاحم اى حد يقدر يتغلب عليه.. وواحد بيعدى الشارع وطالع يجرى قبل العربيات ماتهجم عليه والعربيات طالعه تجرى ناحيته كان كل واحد سايق عربيه خارج من بيتهم الصبح بنية انه يدوس الراجل اللى بيعدى... وشويه عيال فاضيه واقفين بيعاكسوا اى حاجه مؤنثه تعدى من قدامهم انشاله تكون عربية بطاطا.. وناس شكلها غريب ولابسه هدوم غريبه وكله ضارب جيل... الشعب كله بقى مسفلت شعره بالجيل.. وتلاقى واحده ماشيه كل شويه تشد فى البلوزه عشان تتاكد انها مبينه بروز صدرها كويس.. وواحد تانى واقف على الرصيف لوحده بلا هدف شادد الجينز الديرتى بايده الشمال لتحت عشان البوسكر يبان من ورى وحاطط ايده التانيه على المجانص كما لو انهم هيتسرقوا منه لو شال ايده.. وواحده ست عجوزه واقفه قدامهم على الرصيف مش لاقيه حد يعديها ولو طلبت من واد والا بنت منهم يعدوها مابينوبهاش غير التريقة.. وواحد ماشى بعربيه فجاه قرر انه مش عاجبه الشراع راح واخده بالعرض عشان يطلع من يو تيرن عدىوياويله يا سواد ليله اللى يتجرا ويحك فى عربيته.. وعيل صغير هدومه متوسخه جاى عايز شلن عشان يفطر مع ان الساعه سته.. وناس رايحه وناس جايه.. ناس يتصرخ وكلاكسات عربيات.. واصوات اغانى وبياعين.. وكله بيجرى.. وتلاقى نفسك فجأه اتسمرت فى وسط المشهد ونفسك كل حاجه تقف ثانيه واحده عشان تقف وتلف بعينيك فى الحاجات دى كلها وتسخسخ على روحك من الضحك وتبص للسما يمكن تلمح المركبه الفضائيه اللى رمتك هنا من سنين قررت تيجى تاخدك... شوفت مره فيلم بطوله كيرت راسل كانوا بيرموا المحكوم عليهم بالاعدام والزباله بتاعه الكوكب فى كوكب تانى.. كتير اوى وانا واقفه فى الشاعر وسط المشاهد المشابهه اقعد افكر ياترى انا عملت ايه فى كوكبى الاصلى عشان يرمونى هنا

نفسى اصحى الصبح مالاقينيش... الاقى نفسى اختفيت... ابقى عفريته اسماعيل يس مثلا... او الاقى نفسى بقيت تفاحه متدلدلة من شجرة

hehe the androgyne within

AQUARIUS!!!!!!!!!!

Your Brain is 53% Female, 47% Male

Your brain is a healthy mix of male and female You are both sensitive and savvy Rational and reasonable, you tend to keep level headed But you also tend to wear your heart on your sleeve

What Gender Is Your Brain?

new personality test hehehe

You Have A Type B+ Personality

You're a pro at going with the flow You love to kick back and take in everything life has to offer A total joy to be around, people crave your stability. While you're totally laid back, you can have bouts of hyperactivity. Get into a project you love, and you won't stop until it's done You're passionate - just selective about your passions

Do You Have a Type A Personality?

انىىىىىى اعترض :(

الحياه كده مش نافعه.. عايزه كيبورد فيها CTRL+Zعشان اعمل Undo

فاصل نكت سخيفه

كل امّا اعدّى من قّدام محل فى شارع الازهر يقولولى اتفضلى يا عروسه... ترَالّا لااا لالّا .. اضحك فى سرى واقول حلاوة ترَالّا لااا لالّا.. بعد ماوصلت لآخر محل افتكرت انى مش عروسه حلاوه ترَالّا لااا لالّا.... وانى انا انا انا ابريق الشاى ترَالّا لااا لالّا... ايدى كده.. وبوزى كده.. اصب الشاى وارجع كده ترَالّا لااا لالّا .. وبعد مارجع كده اكتشف ان الشاى منزلش ترَالّا لااا لالّا.. والخرم مسدود والميه بتغلى ترَالّا لااا لالّا.. ودماغى بتغلى ترَالّا لااا لالّا.... ومخى بيبَكبَك بَك بَك بَك بَك ترَالّا لااا لالّا... هو ايه الفرق بين واحد بيغرق وبين ميه بتغلى فى بّراد؟؟؟؟.. الاتنين بيقولوا بَك بَك بَك ترَالّا لااا لالّا ... بس انا مبقولش حاجه ولا ببَك بَك بَك بَك ترَالّا لااا لالّا... بغلى بس ترَالّا لااا لالّا.. بغلى من سكات ترَالّا لااا لالّا ... بس ليه بقى؟؟؟؟ ترَالّا لااا لالّا... ماحدش عايز يقولى عشان انا عروسة.. حلاوة... ترَالّا لااا لالّا لالالالالا لم لم

هىهىهى انا طلعت مناخوليا يادى الوكسه!!!!!!!!!!!!!

Your Quirk Factor: 81%

You're beyond quirky... You're downright bizarre. You've lost touch with social norms and what's appropriate. And you're loving every minute of it!

How Quirky Are You?

لازلت بعد اشعر بالوحدة.. نفس الوحدة.. فلا عيون تبصرنى ولا كف يحتوينى.. ولم تزل لعناتى الاخرى تصاحبنى.. لاننى فقط لا استطيع ان اتفتت.. فلأننى وحيدة.. ولأن لا احد يبصرنى فلا احد يدرك دمعى ولن يلملم احدهم اجزائى المتنثارة اذا ما تفتت فى لحظة ضعف.. لذلك فالضعف والانهيار يعدان ترف لا املكه ولا يستطيع احخد ان يوفره لى.. اغبطكم يا من تبكون.. يا من تتفتتون.. يا من تسكنون صدور وترتاحون فوق اكتاف خلقت لاجلكم.. فلتبكوا كلما اردتم وتمتعوا بانفلات اعصابكم فى احضان الآخرين.. فلا شىء يحرق مثل الدموع الخفية والصراخ المغلف بالضحكات مدوية

تاج محرج جداااا

تارا بعتت تاج فى الجون... جه فى وقته املناسب تماما.. عشرين سبب يخلونى احب الدنيا؟؟؟ ولو انها دنيا بنت دنيا عايزه الحرق بس هحاول اعد يمكن اوصل... يانب اوصن للميتين يانب
1-الشيكولاته
2-الورق والاقلام
3-الورق والالوان (بالذات الوان الفحم والباستيل وورق الكرافت)
4-المصاصة واللبان
5-مسدسات الميه
المراجيح
البسكليته البسكليته البسكليتااااااااااااه
الخيول
القطط
صحابى
بابا وماما واخواتى ( مع انى معظم الوقت بحس انى مبطيقهمش.. ويمكن فعلا مبطيقهمش بس هم احد اسباب حبى للحياة.. واحيانا احد اسباب كرهى ليها)
الاقلام والولّاعات (بحبهم اوى حتى لو مش بستخدمهم)
الشوربة
كوبرى قصر النيل
الزمالك
الكتب القديمة
الصلصال
الاسكوبيدو
العيال الصغيرين
الراديو
المزيكا
الرقص
السيما
الشخبطة
المتحف الاسلامى
الحسين ومصر القديمة (وكل الحتت اللى فها ريحة اتقادم الزمن)
الافلام والمسرحيات الابيض والاسود
الكمبيوتر طبعا
الاوده بتاعتى
الهوا (حتى لو ملوث ومليان عفار بحب الهوا)
الشورتات البوكسر
الفانلات الحمالات
الشباشب والكوتشيات
البنطلونات اللى بدكه ووسط استيك
عصير القصب
الكريب (بالذات كريب النوتيلا او كريب الموز من عند جوردانوس)
العزف على المندولين (او الالات الى بعرف اعزفها)
تجربة الحاجات الجديدة
عمل الحاجات وفكها وعملها تانى (زى شغل الخرز والكروشية)
اللعب بالصمغ
مراة البواب بتاعتنا (الست دى كل اما بشوفها بحس ان فى امل وان الدنيا لسة بخير)
الفطير (المعمول كويس)
تأكيل الناس والحيوانات (احد متع الحياة بالنسبالى انى احط لحد الاكل فى بقه بغض النظر عن النوع والسن)
اختراع اكلات
تربية العصافير
الكوارع والحمام والمومبار
المطرة (وياسلام على البلبطة تحت المطر)
اللغوصه (فى اى حاجه ممكن اللغوصه فيها حتى لو كانت شوية الوان واللا حبة دقيق ومية)
المانجة
حاسة اللمس
----------------------
انا تعبت من كتر العد دول طلعوا بتاع خمسين حاجه.. لو ركزت شويه هطلع بحاجات اكتر بس تارا كانت عايزه عشرين بس... مشعارفه لو عديت الحاجات اللى بكرهها هيطلعوا قد ايه

نسوان عايزة الحرق

اكيد اللى كتب كلمات الاغنية دى يا مؤذى يا نكدى يا سادى يا اما كان متجوز واحدة ست مصرية
"بس اما تيجى وانا احكيلك عاللى جرى.. وامسح دموعى فى منديلك عاللى جرى"

هلوسة

كان نفسى ابقى بلياتشو فى سيرك بتاع غجر، مش بلياتشو فى قصر السلطان..عشان اتنطط بين بلاد الله واخلى الناس تضحك.. اعيش فقيرة مش مهم.. انام جعانه مش مهم.. المهم الون وشى عشان اخبى الهم المخطوط عليه، واتنطط عشان الناس تضحك.. ضحك صافى من القلب مفيهوش عكار.. عشان انا معدتش بعرف اضحك من قلبى.. ولا بقيت اعرف الصفا.. يمكن ارتاح اما غيرى يروق ويصفى

منير تانى... يا وجع قلبى!!!!

انا خايف من ده فيّه.. مالشكوى المتدارية
بالذات فى الليلة ديّه.. تحت الغيم والمطر
انا خايف.. خايف.. خايف... وحاسس بالخطر
------------------------------------------
ملحوظه: مش فاكره دول اغنيه واحده والا كل سطر من اغنية شكل..

استضافه

مهنّد استضافنى عنده فى مدونه من بتوعه :)
http://www.particlesweekly.blogspot.com/

حبة قمح

منذ اعوام طويلة وهى صامتة... لا تكلم احدا، ولا احد يعبأ بصمتها.. ليست بخرساء، لكنها فقط توقفت عن الكلام لسبب لا احد يعرفه ولم يرغب احد فى ان يعرفه، فهى لم تكن تتفوه باى شىء ذى اهمية او قمية.. بل ربما ان البعض قد وجدوا فى صمتها راحة.. وفى اعتزالها للحياة راحة، وفى تحديقها فى المرآة لأيام طوال جنونا...

-------------------------------------

اخبرتها امها قبل ان تموت ان بين شفتيها ترقد حبة قمح، واخبرتها الا تسمح لأحد بالتقاطها من بين شفتيها، وأخبرتها ان تتركها حتى تعطيها لزوجها هدية فى ليلة الزفاف... ماتت امها فى الصباح التالى... ومنذ ذلك الحين وهى صامتة.. تحدق فى المرآة، تراقب حبة القمح التى لا تراها..ومنذ ذلك اليوم وهى تخشى الطيور.. لم تتمكن ابدا من ان تسأل احدهم ان كان يرى حبة القمح.. ولا ان تسأل من اين أتت حبة القمح...ولا ان تخبر مصطفى بن الحاج على الذى يسكن فى العمارة المقابلة انها تحبه....

-------------------------------------

فى يوم زفاف مصطفى قررت ان تتخلص من حبة القمح لكى تنتقم منه.. خرجت من منزلها نحو الخامسة.. لم تكن ترى طوال الطريق اية شىء سوى مصطفى بن الحاج على وهو يلتقط حبة القمح من بين شفتى سناء جارتهم فى الشقة المقابلة، ودموعها... التى حجبت عنها رؤية البشر الملتصقين بها فى الاتوبيس... لم تكفكف دمعها لأنها لم تكن تشعر بدموعها المتساقطة على خديها.. ولم يلحظ الواقفون الى جوارها ايضا....

-------------------------------------

لا تذكر اين هبطت من الأتوبيس ولا كم من الوقت مشت.. استفاقت من بين افكارها لتجد نفسها فوق كوبرى قصر النيل.. واحدهم يجلس على السور.. قررت ان تتخلص من حبة القمح فهى تريد ان تخبر مصطفى ولو لمرة واحده انها تحبه... تتقدم نحو الجالس فوق سور الكوبرى بخطوات بطيئة.. لا تعلم من اين تبدأ الحديث.. اتخبره عن مصطفى الذى تحبه ام عن وصية ماقبل الوفاة بالحفاظ على الحبة.. تلك الحبة التى تنبت فى شفتيها كلما القتها على الارض.. تتساقط دوعها من جديد فتلسعها بقسوة هذه المرة.. تنزع حبة القمح من بين شفتيها بقسوة مماثلة.. تضعها فى كف الجالس على سور الكوبرى والذى ينظر الى الفتاة الباكية الواقفة امامه بمنتهى الدهشة.. يطيل النظر الى كفه الفارغ والى عينيها الباكيتين فلا يفهم شىء.. قبل ان يسألها.. تكون قد اطبقت كفه على الحبة ورفعت ساقيه لاعلى.. تتقدم خطوتين الى الامام لتطمئن أن الحبة قد استقرت فى باطن النيل وانها لن تعاود القفز الى شفتها مرة اخرى...

بواخة الحياه

شىء بايخ جدا ان الدنيا مفياش زرار PAUSE نوقف بيه الزمن...
شىء اكثر بواخة اننا لازم كل يوم نروّح...
واللى يعقّد اننا لازم نروّح لنفس المكان...

والله واشتغلت.. اشتغلت

طب والنبى انا مبسوطة... اصل الدنيا كانت ضلمة اوى الفتره اللى فاتت من كل حته بيت وغيط وشغل والبلد.. كله كان بيفعص فيّه.. وفجأة تادااااااااااااا يهبط عليه مهنّد من حيث لا ادرى ولا احتسب وبدأت شقلباظات السعادة تتوالى... ابقوا بصوا بقى على التصميمات الجديدة... مهنّد هو اللى عمل البانر ده على فكرة.. شطّور الولد :).. ادعولنا والنبى

مفاجأة

اما تصحى الصبح وتكتشف انك غبى هتعمل ايه؟؟؟؟؟؟؟........ اكيد هيبقى احساس قذر انك تكتشف انك غبى.. يانهار اسود!!!!!!! هتتعامل مع الناس ازاى بقى وانت شايفهم بيتعامول معاك انك غبى ومشعارف تقولهم انك عارف انك غبى...... الوقعة السودا اللى بصحيح بقى، انك تكتشف انك غبى وتفضل غبى برده.. يعنى غبى وانت عارف بقى، ومش عارف تعمل حاجه.... أو تصحى من النوم مثلا تكتشف انك واطى.... ندل.... اموت واشوف اللى مايتسماش اما يصحى من النوم ويكتشف انه ****