2 Oct 2005

حاجه غريبه

انك تصحي من النوم حاسس انك جزء من حاجه موجوده معاك وانت مش شايفها... تحس انك بتحب مع ان مفيش حد في حياتك.. تحس ان في حد بيحبك مع ان ماحدش قالك.. تتكلم وكأن في حد في حضنك.. نايم..خايف تصحيه.. مع انك نايم متنكد عشان بلاوي سوده في العيشه واللي عايشينها.. وصاحي متأخر وواخد تاكسي لف بيك ساعتين وربع مشوار مياخدش غير نص ساعه عشان البلد كانت واقفه والطرق مقفوله وضيعت يوم العمل عمال بتتنطط من مكان للتاني... والعجيب ان كله ده وانت مش متضايق.. مسترخي.. عشان ماتصحيش اللي في حضنك.. حاسس بدفا غريب ومش حاسس بالوحده زي كل يوم... مع ان مفيش اي حاجه في حياتك اتغيرت عن اليوم اللي قبله

10 comments:

santakarim said...

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!


AZ
انتى وصلتى لانهى فيهم؟

ابن مصر said...

يا بنتي بقي بصراحة ملكيش حل غير انك تتجوزي

AZ said...

والله ياعم سناب شوت شكلها كده اني مت

Pianist said...

حلو الاحساس ده
بس بيتباع فين والنبي؟

Gazzer said...

ana kont ha2oul nafs ely 2alo kareem bezabt...
bas men 3'er mas2al:)

sydalany-وش مكرمش said...

نفس الإحساس باحسه ياما بس اللي نايم ف حضني بيبقى طابق على نفسي عشان كده بسكت أكتر ما أكون خايف لا يصحا

Unknown said...

مفتقدة الاحساس ده اوى

littilemo said...

بتخصل فى احسن العائلات

mindonna said...

أوووه

دا اللي اسمه الحب يا شابة
:)

Anonymous said...

عندك حب كاذب يا ريت تحللى