يعني ماشي أوكيه انا مش البت الوطنية آخر حاجه ولا المتدينه آخر حاجه... بس إلى حد ما عندي شوية دم...يعني مثلا ممكن اقعد دمي محروق شوية عشان واحد ولع في نفسه امبارح...مش هعمل حاجه اوكيه...بس علي الاقل هتعاطف...هكتب ستاتسين تلاته علي الفيس بوك...هتريق علي الوضع العام...أهو شكل من أشكال التفاعل...بس في الأول وفي الآخر ماهياش مسئوليتي المباشره...يعني مش أنا اللي هتحاسب عن الناس دي لا في الدنيا ولا في الآخره...السؤال بقي اللي فعلا مابيفارقش دماغي هو ازاي الناس اللي مسئولين عن ده بيناموا بالليل؟ سواء كانوا مسئولين انهم لازم يهتموا بحكم وظيفتهم أو مسئولين بحكم انهم السبب المباشر او غير المباشر لاللي بيحصل ده...طيب هل هم مثلا مابيعرفوش؟ ماهم المفروض بني آدمين برده يعني بحكم انهم بياكلوا وبيشربوا وبيتنفسوا وكده يعني...بيولوجيا هم بني آدمين...فإزاي ما بيتعاطفوش مع الحالات دي؟ هو في ايه تاني اكتر من ان بني آدم بيولع في نفسه؟ مش عارفه!!!
طيب يعني مثلا مش هيعملوا حاجه وهيسيبونا نتفلق أوكيه مفهوم..مش مقبول طبعا...بس مفهوم...أقدر استوعب ان في انسان ممكن يكون قاسي..أناني..أيا كانت الصفه مش غرضي أشتم...بس مقدرش أفهم إزاي بني آدم حتى لو مسئول عن ده ما بيتعاطفش! يعني مثلا ريس تونس لما الواد ولع في نفسه كان في رد فعل... تافه صحيح بس رد فعل..هز طوله وقام وقعد وقال للناس هشيلكوا وزير الداخليه...رد فعل...تافه صحيح...بس رد فعل...هو احنا يا جدعان حكومتنا فين بجد؟؟؟ احنا مابنشوفش غير بتوع الأمن المركزي اللي من غير رتب أو رتب نص نص...آخرنا لوا ولا عميد يقعد علي كرسي في حته ضل قرب عربيات الأمن المركزي لو في حالة تأهب..طب فين الوزرا بقي وبتوع البرلمان والمجلس والحاجات دي؟ ماحدش فيهم طيب بيفكر يطلع يورينا وشه علي التليفزيون ويدينا حتى ولو وعود كذابه بتحسين الأحوال؟ يعني آخرهم مانشيتات تافهه في الجرايد...بجد فعلا مافيش تواصل من أي نوع...ليه كده؟ ليه الريس بتاعنا مابيطلع في التليفزيون يقول خطبه غير في الأعياد والمناسبات ودايما يقول كنا وسنظل...كنا ايه وسنظل إيه ياعم الحاج! في الطين؟ ماشي ماحنا عارفين مش مستنيينك تقولنا! احنا مستنيينك تقولنا انت بتفكر ازاي! يعني بجد انا معرفش حاجه عن اي وزير ولا اي حد في الحكومه! إزاي كده! ده معمر القذافي اللي بنقول عليه مخبول بيمسي الشعب كل يوم قبل مايناموا في نهاية إرسال التليفزيون...هي ده ممكن يكون جنان رسمي....بس والله برده شيء ظريف..أهو تحس ان البني آدم اللي سايق بلدك بني آدم زيك وبيقولك تصبح علي خير...حتي لو انت مش طايقه ولا هو طايقك بس في شكل من اشكال الاتصال حتي مش هقول تواصل! إزاي آخرهم معانا مانشيتات جرايد ونسبه الأمية عندنا لا بأس بيها على الإطلاق! مش الأهرام ده جرنان الحكومه؟ بقي بكام دلوقتي؟ مفروض يبقي ببلاش أساسا!
بجد نفسي حد فيهم حتى يطلع يقولنا ولو بالكذب: أنا زعلان ان الناس بتولع في نفسها!
فعلا أنا حاسه اننا بلد مافهاش ريس ولا حكومه...حاسه اننا شويه معيز بتمأمأ في حظيرة ولاحدش سامعها وموقفين علي باب الحظيره شوية غفر يسلخوا أي معزة تحاول تطلع بره الحظيرة!
طيب يعني مثلا مش هيعملوا حاجه وهيسيبونا نتفلق أوكيه مفهوم..مش مقبول طبعا...بس مفهوم...أقدر استوعب ان في انسان ممكن يكون قاسي..أناني..أيا كانت الصفه مش غرضي أشتم...بس مقدرش أفهم إزاي بني آدم حتى لو مسئول عن ده ما بيتعاطفش! يعني مثلا ريس تونس لما الواد ولع في نفسه كان في رد فعل... تافه صحيح بس رد فعل..هز طوله وقام وقعد وقال للناس هشيلكوا وزير الداخليه...رد فعل...تافه صحيح...بس رد فعل...هو احنا يا جدعان حكومتنا فين بجد؟؟؟ احنا مابنشوفش غير بتوع الأمن المركزي اللي من غير رتب أو رتب نص نص...آخرنا لوا ولا عميد يقعد علي كرسي في حته ضل قرب عربيات الأمن المركزي لو في حالة تأهب..طب فين الوزرا بقي وبتوع البرلمان والمجلس والحاجات دي؟ ماحدش فيهم طيب بيفكر يطلع يورينا وشه علي التليفزيون ويدينا حتى ولو وعود كذابه بتحسين الأحوال؟ يعني آخرهم مانشيتات تافهه في الجرايد...بجد فعلا مافيش تواصل من أي نوع...ليه كده؟ ليه الريس بتاعنا مابيطلع في التليفزيون يقول خطبه غير في الأعياد والمناسبات ودايما يقول كنا وسنظل...كنا ايه وسنظل إيه ياعم الحاج! في الطين؟ ماشي ماحنا عارفين مش مستنيينك تقولنا! احنا مستنيينك تقولنا انت بتفكر ازاي! يعني بجد انا معرفش حاجه عن اي وزير ولا اي حد في الحكومه! إزاي كده! ده معمر القذافي اللي بنقول عليه مخبول بيمسي الشعب كل يوم قبل مايناموا في نهاية إرسال التليفزيون...هي ده ممكن يكون جنان رسمي....بس والله برده شيء ظريف..أهو تحس ان البني آدم اللي سايق بلدك بني آدم زيك وبيقولك تصبح علي خير...حتي لو انت مش طايقه ولا هو طايقك بس في شكل من اشكال الاتصال حتي مش هقول تواصل! إزاي آخرهم معانا مانشيتات جرايد ونسبه الأمية عندنا لا بأس بيها على الإطلاق! مش الأهرام ده جرنان الحكومه؟ بقي بكام دلوقتي؟ مفروض يبقي ببلاش أساسا!
بجد نفسي حد فيهم حتى يطلع يقولنا ولو بالكذب: أنا زعلان ان الناس بتولع في نفسها!
فعلا أنا حاسه اننا بلد مافهاش ريس ولا حكومه...حاسه اننا شويه معيز بتمأمأ في حظيرة ولاحدش سامعها وموقفين علي باب الحظيره شوية غفر يسلخوا أي معزة تحاول تطلع بره الحظيرة!
