19 Feb 2007

MOJO رزعتنى تاج بتاع الخمسه اسرار المريعه فى حياتى.. مشعارفه انا ايه الجرس اللى بالكيلو دى!!!

طيب اول حاجه
انا كنت بمشى على الحيطه وانا صغيره ومش عايزين طولة لسان.... كنت بحط رجليه على حلق الباب ومنه الى الطرقه اللى بعرض الباب تقريبا واخدها رايح جاى وبعدين اقفز قال يعنى بطير .. عادى يعنى عيله وبتاع

تانى حاجه
انا اكلت دراع واحد كان معايا فى ابتدائى... وانا فى سنه خامس ابتدائى كان معاي واحد فى الفصل اسمه مدحت.. مكنش شاطر بس مكنش بليد كان بونو يعنى بينجح بس منغير مجموع وكان بيغيظنى.. وحذرته اكتر من مره انه لو غاظنى تانى هعضه.. اديته انذار والتانى والتالت بقى كان صبرى نفد كنا فى يوم اجازه ورايحين المدرسه بنتدرب فى فريق الموسيقى عشان المسابقه قربت وهو كان معاه عجله.. طلعت اجرى وراه وقفزت عليه جيبته هو العجله على الارض وركبت فوقيه وقرمته من دراعه لحد ما الدم نشع من فوق الهدوم مدريتش غير وبقية العيال اللى معانا فى الفريق جم على صوت صريخه وجم يشيلونى من فوقيه.... ومن يومها عرفت انى بلاش اغضب عشان الادرينالين وحش... احم..

تالت حاجه
انا شخصيه دمويه جدا ولو مكنش القتل حرام انا كان زمانى بقنى سفاحه على سبيل تزجية وقت الفراغ بس سفاحه زى تيد باندى كده مش زى السفاح السكه بتاع المعادى

رابع حاجه
وانا صغيره كان نفسى اطلع سواق مكروباص او حلاق رجالى

خامس حاجه
مفيش مره مكان دخلته اكتر من مره الا اما اضطريت اخش الحمام الرجالى اللى فيه بدل حمام البنات

8 comments:

Anonymous said...

Mabrouk ennik fata7ty el ta3leqat tany.
mesh mesade2 enny awel wa7ed a3alaq.
lel amam dayman
Mohamed

Epitaph said...

:)) lool 3adeity el wad :D

www.blogs4arab.com said...

يسعدنا تشريفك
www.blogs4arab.com

Anonymous said...

el Wad da leih essm ana kattbo we ma3taqedsh fe bena sabe2 ma3refa aw 3asham mathalan 3ashan te2olly keda ya epitaph
Mohamed

AZ said...

اخ محمد ايبيتاف من الواضح جدا ان كان قصدها على الواد اللى انا اكلت دراعه مبتتكلمش عليك :)
العبوا اخوات

Anonymous said...

I'm sorry eny makhadtish bally, assl ta3liqha kan ba3d ta3leqy 3ala tool,
sorry epitaph
Mohamed

Anonymous said...

By the way ana nseet
Good Morning AZ
Mohamed

KareemFromEgypt said...

Gamed Mawdoo3 Sawa2 Microbus dih

konty hatshaghly aghany 3amla ezay tayeb??