10 Jul 2006

اعدل الطربوووش..... حاليا بالأسواق

الِكنيه الِكتيت بقى فدّه فدّه يااااااااااااااااااى......... مش قادرة استوعب هو ايه اللى بيحصل بالظبط.. شيل سته ابتدائى... رجع ستة ابتدائى.. ركب التحسين فى الثانوية العامة.. اخلع التحسين من الثانوية العامة... شيل البرايز والشلنات الورق... رجع الشلنات والبرايز الورق... بعدين هوفففففف الشلنات والبرايز الورق كلها القطر.... نزل الجنيهات الفضه... شيل الجنيهات الورق... شيل موقف المكروباص... رجع موقف المكروباص... شيل الطربوش... اعدل الطربوش... ونكتشف فى الاخر ان احنا بقينا الطربوش وعمالين نتبقلظ على دماغ اولى الامر واحنا ولا داريانين... وكل مرة يقعدوا يرصولنا فى اسباب وادوافع المفروض انها علمية وميه ميه عشان يقولك الورق احسن بعدين لأه الفضه احسن لنفس الاسباب العلميه الميه ميه... ماترسولكو على بَرّ نقفل الشباك والا نفتحه