ودقى يا مزيكا.. حزاينى؟؟؟

لاااااااااااااااااااا بلاش حزاينى ياعم.... اديها حبة فرايحى كده وارقص ولين مفاصلك.. مش كفايه الدنيا غامقه والحياه عماله تحدف على راس الواحد يمين وشمال.. كمان بقى هتنكد على روحك وتديها مزيكا حزاينى!!!!... نوووووووووو يا عزيزى موس مومكن موس معقول موس خِلو علسانك يا خبيبى.... اما الدنيا تبرطم زغزغها يمكن تفرد وشها ماتنكدش على نفسك... مينفعش تبقى متلطش يمين وشمال وتقعد كمان تجتر فى احزانك.. يجيبلك ضغط يا حبيب ماما.... بعدين ايه الدلع ده.. كن واثق تماما ان اوسخ ايام حياتك لسه ماجاش... هو انت لسه شوفت حاجه التقيل ورى.. بالك انت اللى بيحصلك ده كله مناوشات كده خفيف خفيف عشان تستعد لمصائب المستقبل... اكتر وقت الواحد بيبقى محتاج فيه المزيكا الفرايحى والضحك والفرفشه وقت المصايب عشان يعرف يفكر كويس... كل اما بتحبس نفسك جوه المشكله كل اما تفكيرك بينحصر وممكن يتشل وتعجز عن التفكير... اطلع بره شويه... خطوه.. اتنين.. تلاته.. يالا معايا هزه يمين............ وهزه شمال.. برافو عليك.. شوفت بقى مضادات الاكتئاب اشتغلت ازاى... رااااااائععععععععع.. دلوقتى بقى تقدر تفكر فى مشكلتك ده ان مكنش الحل قفز فى مخك وانت بتضحك... طول مانت جوه مش هتعرف تحل الحاجات العويصه.. الحاجات العويصه لازم تبعد عنها شويه عشان تشوف الصوره كامله وقد النمله... عارف انت ان مخك فيه حشيش.. والا افيون.. مش فاكره بس المخ فيه مراكز افراز مضادات اكتئاب بتشتغل اما الدنيا تغفلق فى وشك.. اعتمد عليها وسيب مخك يدلعك وقت الزنقه وماتخافش ماحدش هيقول عليك ماعندكش دم.. هيقولوا عليك مجنون واهبل.. موس موخيم خبيبى ولا يخمك... كان فى موال بيقول ايييييييييه
ان وقعت اتعدل.... واضحك ماتقلبهاش
واغلب زمانك بصبرك... اصل الزمان بكّاش
كل حاجه وليها دورة حياه لازم تعيشها.. بما فى ذلك المشاكل.. لو صبرت شويه.... وضحكت شويه... وفكرت شويتين... كل المشاكل هتتحل... فى مشاكل مابتتحلش حلول واضحه وصريحه... دى بيبقى حلها الصبر... بتسقط بفعل التقادم زى حكم المؤبد اما تسيبه وتطفش كده زى عم جاديليو......... انت اللى هتغنى يا منعم..... وماعرفوش يقبضوا على جاديليو عشان الحكم سقط بالتقادم.... هو اينعم الحياه مش سهله كده... واللى بقوله ده صعب جدا... بس والله بينفع... وبيبقى هايل جدا... بتحل مشاكلك منغير مايجيلك ضغط وسكر... هو صحيح الناس بيشكوا فى قواك العقليه... وساعات بيشكوا فى انك بتضرب مخدرات عشان اول مابتحصل مصيبه بتديها ضحك هيستيرى وتقوم ترقص.... بس هيتخرسوا كلهم اما يلاقوك حليت المشكله وهم لسه عمالين بيلطموا على وشهم.... خليك شيك وخد الامور بشياكه...