هي الدنيا كده

اكتر ناس بحكيلهم علي احلامي هم اكتر ناس بيندهشوا اما بسعي لتحقيقها

الصديق

مش اللي لما يشوفك يقولك عامل ايه... الصديق هو اللي اما تغيب عنه يدور عليك عشان يعرف انت عامل ايه واما يشوفك يعرف اللي بيك منغير اتقوله

شدة وتزول

لا تجزع... لن أتكسر... فمازال دفء كفيك يملؤنى، ومازالت بعض احلامي تسكن في عينيك.... كلما ضقت ذرعا بالحياه انظر الي احلامي تتلألأ بين جفنيك فأسكن قليلا حتي تمر العاصفه الجديدة

دلع بنات

انطق بنصف الجمله وابتسم... ليس خبثا ولا تخابثا... فقط لتتعلق عيناك بعينى مده اطول

مأزق ازلى

اما ببقى بتكلم مع حد ويكتشفوا انى مش ببص فى عينهم اما بيتكلموا وانى ببص على شفايفهم... ولازم احكى فى كل مره انى متعوده على النظر على شفتى محدثينى لسببين اولا لانى وانا صغيره كان عندى مشاكل فى ودنى فكانت بتتسد احيانا لدرجه انى مكنتش ببقى سامعه فاتعلمت قراءة الشفاه فاخدت على كده بالذات اما يبقى اللى قدامى صوتع واطى شويتين او قاعدين فى دوشه..... والسبب التانى ان الناس لو بصيت فى عينهم وهم بيكلمونى كلام عادى بيعتقدوا انى بسبلهم ولو بيقولوا كلام مهم وانا مركزه فيه بيعتقدوا انى مش فاهمه حاجه

تخلف

حينما ينسي احدهم " لو كانت دامت لغيرك مكنتش جتلك"

رد فعل

حينما تركلك الحياه فليس من الحكمه ان تولي ظهرك لما هو آت وتلتفت لتركل اشياء ولّت

الاذان

الله اكبر الله اكبر

اشهد الا اله الا الله

اشهد ان محمد رسول الله

حى على الصلاة

حى على الفلاح

الله اكبر الله اكبر

لا اله الا الله

الاقامه

الله اكبر الله اكبر

اشهد الا اله الا الله

اشهد ان محمد رسول الله

قد قامت الصلاه قد قامت الصلاه

الله اكبر الله اكبر

لا اله الا الله

كنت مشغله برنامج اللى بيشغللى الاغانى على نظام الاختيار العشواءى وبعد اغنيه ما وانا ساكنه تماما بفكر فى شىء مهم اشتغل الادان بصوت الشيخ النقشبندى..... يمكن دى تكون اول مره فى حياتى افكر فيها فى الادان بالطريقه دى وفى الصلاه بالطريقه دى... الادان ندا جوابه الاقامه... هل الصلاه جواب لفعل يقع بعد الادان ملازم للاقامه بقدر ملازمة الاقامه للاذان؟ ام هى نداء يستطلب اجابه؟؟؟

بيتهيالى انها ندا... عشان كده فى صلوات مالهاش علاقه بالادان... اللى هى الصلوات غير الفرائض ولا السنن... يمكن عشان كده بيسموا الدعاء صلاه والصلاه دعاء... لانهم الاتنين ندا

الادان والصلاه لاتنين بيبتدوا ب " الله اكبر " والادان ندا...

expecting

alone in the dark i sit... waiting for something to happen

shall we dance

ربما تراقصنى ليله فى ضوء القمر واغفو على ذراعك وانا اعد الانجم التى تراقبنا من احضان السماء... حينما نرقص سويا تبدو كل الاشياء متعانقه

احلامى

فى احلامى تكون كل الاشياء اصغر حجما فلا يوجد شىء اكبر حجما من كفى الصغير ولا شىء يبعد عن امتداد ذراعى... ففى احلامى اكون سيدة الموقف

dancing

its not about the steps.. its all about sensation... the beat... its alla about LIFE

ايتها الغبيه

خلقك الله انثي... فغضبتِ.... اطلقي لحيتك واقطعي اثدائك وانزعي رحمك ان شئتِ ... عندها ستصبحين انثي منزوعة الرحم والرحمة والاثداء ذات لحية وشارب... لكنكِ لن تستطيعي في النهاية ان تخلعي عنكِ لقب انثي... كان من الاجدر بك ان تتوائمي مع اعضائك بدلا من ان تقسمي بانها غير موجودة

باي باي اجازة

خلصت الاجازه..... وكل الناس مستغربين انا عملت ايه في الاجازه عشان ارجع كده... سمعت تعلقيات كتير... محلويه شويه... تحنانه حبتين... وشي منور.... شكلي نايم كويس.... مع اني لاكنت باكل كويس ولا حاجه ولا كنت بنام اساسا كنت بسهر صباحي كل يوم ومازدتش ولا ربع كيلو... بس انبسطت... وارتحت... وضحكت... استرخيت... الاسترخاء ده اكتر حاجه ممكن تعمل فرق في منظري... كنت سعيده عشان اتخذت قرارات مهمه... مرحلة اتخاذ القرار بيتبهدلني... ولو اني مش من الناس المتردده بس مش متسرعه في اتخاذ قراراتي... مابحبش اخد قرارات انفعاليه ولا قرارات مدفوعه بأحاسيس مؤقته.... بس المره دي الحسبه كانت صعبه شويه كان في امور لازم تتوزن كويس.... سلمتها لله ودوست واللي يحصل يحصل... كله علي الله... وبغض النظر عن النتيجه مش فرقه المهم اني عارفه اني خطيت الخطوه الصح حتي لو نتايجها ماجاتش علي هوايا .... عشان كده ان امرتاحه... ومسترخيه... ومبسوطه :(

امبارح كنت مبسوطه

من فتره طويله ما اخدتش اجازه.. امبارح كان اول يوم فى اجازتى.... بعد سهره طويله انتهت الفجر نمت. وبعد تفاصيل كتير مش مهمه انتهى بيه المطاف فى التحرير... على كوبرى قصر النيل عديت... كانت اول مره من سنين اعدى الكوبرى ده وانا بالى خالى.... مش بفكر فى فكره لمشروع فى الكليه.... ولا حاجه مضايقانى فى البيت... ولا الشغل... ولا فى مشكله عند حد من صحابى... ولا اى حاجه.... حواسى الخمسه كلها مابتتلقاش اى حاجه تعديها على مخى غير الكوبرى والنيل والهوا.. وصوت فيروز بيرن فى دماغى " تمر قفز غزال بين الرصيف وبينى فلا نصبت شباكى ولا اذنت لعينى"... بحب اوى الشارع اللى بيودى للزمالك من بعد كوبرى قصر النيل..... بحب اوى الشوارع الخلفيه... سواقين التاكسيات راكنين مستنيين حد يوصلوه... والحناطير راكنه والسواقين على الرصيف عمالين بيناكفوا فى بعض... مابيعكرش عليه المنظر غير الكائنات اللى برتكن عربياتها على جنب الرصيف ويعملو غاغه هم وصاحبهم وهم نازلين من العربيه...... مكنش ليه مزج اروح الساقيه... روحت لحد تاو اشوف حاجه كريم "snapshot"... عم انى شايفه معظمها قبل كده.. بس حبيت اروح اشوفهم على الطبيعه بعد ماتبروزوا.. وممكن تكون كانت تلكيكه عشان اتمشى شويه فى الزمالك مش اكتر..... روحت شوفت الحاجه ورجعت... المره دىمن على كوبرى الزمالك معرفش اسمه ايه...... وافتكرت اخر مره عديت من عليه كنت مقريفه من الشغل وقررت اسيبه والنهارده بعدى من عليه ونفسى اخد الدنيا كلها بالحضن..... بس.. اللفه دى اخدت منى ساعتين تقريبا.. ريحونى من هموم كتير اوى.... مش عارفه ده من اثر المشى والا الكوبرى والا النيل والا الهوا... ويمكن الشتا...... ويمكن كل ده مع بعض..... معرفش.. ومش مهم اعرف.. فى حاجات فى الدنيا بسيطه ويمكن تكون تافهه بس الواحد بينبسط اوى اما بيعملها.....

احمدك يارب

فلا تزال بعض الوجوه تحتفظ بقدر من النورانيه. لوم يزل الكذب لا يعرف الطريق لبعض الشفاه.... واحمدك ربى ايضا لو ان هذه الافكار من فعل السذاجه التى اختارت اقصر الطرق الى نفسى

untitled

The miracle is not walking on water; the miracle is walking on the earth.
--Thich Nhat Hanh--

بجملة الهلس

بعد ماكتبت البوست اللي فات بشويه دخلت نمت...وياريتني مانمت.... قال خير اللهم اجلعه خير انا بنقذ واحده صحبتي من ساحرتين شريرتين .... كانت صحبتي وصاحبتها في مول وياسبحانك يارب المول كان شبه المتحف المصري من جوه بس فيه سلالم متحركه واؤكد تاني انه مول ... الستتين كانوا عواجيز كده اخر شياكه وعمالين يبصوا علي البنات زي عواجيز الفرح واستقر نظرهم علي صحبتي وصحبتها..... وقال ايه انا قاعده عند خالي في بيت جدتي ولقيت الخبر جالي في طرد بريدي سلطانيه خزف معاها جواب مكتوب فيه ان صحبتي محبوسه ف قعر هذه السلطانية وموكل الي مهمه انقاذها.... فكيت السلطانيه من اللفه وببص في القاع لقيت البت ياعيني عامله زي ايقونات الكمبيوتر كده وبتتحرك... كانت معمولهGIF Animated bayen hehehehehe.... المهم طبعا اخدتني الحماسه وصاحبتي يا صاحبتي انا جايه انكزك......انقذتها معرفش ازاي.... الساحرتين ولاد الذينه خطفوها تاني وحبسوهم في بيتهم هم شخصيا وروحت هناك بقي عشان انقذ صحبتي تاني.... قاعدين في بيت في الجبل والساحرتين لابسين لبس ساحرات بتاع افلام الكارتون بلاطي سوده ولابسين طراطير سوده كده مضحكه..... انا والمعاون بتاعي اللي طلع معايا فى اللقطه دي بس من الحلم واختفي تاني فضلنا مستخبيين لحد الساحرتين ما خرجوا ودخلنا البيت... لقيت صحبتي محبوسه في حاجه غريبه وعواميد دخان طالعه من الارض وكلام كبير اوي... رحت دخلت في حاجه كده غريبه عامله زي حمام الساونا وانقذت صحبتي والساحرتين قفشوني وانا بنقذها وحاولو يوقفوني... بس انا تقريبا كانوا بيخافوا مني لان عندي قوه سحريه انا معرفهاش اهي اهي وبالقوه دي دمرتهم هم الاتنين وانقذت صحبتي... العجيبه ان صحبتي دي كانت شبهي اوي....... انا هرفع قضيه علي مصنع بونجورنو اللي انا جيبت الكابوتشينو بتاعهم امبارح... تقريبا بيطحنوا فيه حبوب هلوسه

العلبه دى فيها فيل

من قد سنتين اتعرفت على راجل انجليزى محترم سمانى نينا هاركر وللعلم ده اسم البنيه المهروشه اللى وقعت فى غرام المرحوم دراكولا الله ينشف دمه... المهم من فتره قصيره اتفرجت على فيلم دراكولا بتاع الخواجه انتونى هوبكنز فعجبنى اوى.. والمصادفه البنت اللى عامله نينا هاركر " وينونا رايدر" دايما بتقص شعرها قصير وهى سفروته زى حالاتى وعندها برده مشاكل فى زياده الوزن.... كنت بسمع دلوقتى الساوند تراك بتاع الفيلم سألت نفسى هل ياترى انا فعلا ممكن احب واحد زى دراكولا كده فى يوم من الايام؟؟... افتكرت انى كنت دايما بفكر انى هقع فى غرام واحد زى دكتور هانيبال ليكتر اللى عمله انتونى هوبكنز فى صمت الحملان وهو نفسه اللى كان عامل دكتور فان-هيلسنج فى فيلم دراكولا..... قلت اللهم اغزيك يا شيطان واخدتلى بق كابوتشينو كمان.. ببص كده لمحت على الارض الست شجرة الدر ملموم حواليها الستات بيضربوها بالقباقيب وانا مرميه على الارض من كتر الضحك وجنبى الطاووس ولابسه هدوم مضحكه كده من اللى كانت فى فيلم وا اسلاماه.. بس مشعارفه انا كنت بضحك على شجرة الدر وهى بتضرب بالقبابيب والا على الهدوم اللى كنت لابساها.. صعبت عليه اوى شجرة الدر...... ويوليوس قيصر قطع قلبى وهو بيتدور يلاقى بروتس واقف معاهم .. اىىىىىىىىىىى حتى انت يا بروتس.... وفى وسط ده كله افتكرت ناس واحشينى اوى وناس تانيه واطيه عملوا فيه فصول فكرتنى بضرب القباقيب وبالخواجه بروتس.... يعنى يوليوس قيصر وشجرة الدر اتغدر بيهم وباى باى كمبوره لكن بروتس عاش ازاى بعد كده؟ وام على.. ام المنصور... الاهبل مافكرتش فى مدى بشاعه الطريقه اللى قتلت بيها شجرة الدر... يعنى كانت تقطع راسها اهون من انها تموت الست مبطوحه بعد عضامها ماتففتت. ياترى ام على دى بقى ماتت ازاى؟؟ طيب وبروتش مكانش بيجيله كوابيس بالليل زى سميه الخشاب فى ريه وسكينه؟... طيب والناس اللى افتروا عليه دول بيعرفوا يناموا مرتاحين والا بحلموا بيه بالليل بعضهم واحطلهم بودره العفريت فى قفاهم تشكشكهم؟ والناس اللى انا اذيتهم هياخدوا حقهم منى ازاى يوم القيامه؟ يعنى مين فيهم هياخد حقه الاول؟ هل ياترى هتبقى بالترتيب الابجدى؟ والا حسب السن؟والا الاقدميه؟؟؟؟؟؟...... كان فى واحده جارتنا قالتلى مره ماترميش السندويتشات بتاعتك عشان ماتطلعش تجرى وراكى يوم القيامه..... لازلت الى الان مش عارفه ازاى الساندوتش هيطاردنى طيب ولو حصلنى هيعمل فيه ايه؟ طيب مش كان اوقع انها تقولى ماترميش الساندوتش احسن ربنا يسخطك ساندوتش والناس ترميكى.. كنت هزعل اوى.. اكيد انا لو سندوتش مش هحب الناس ترمينى... بس مش هحب برده الناس تاكلنى... يععععععع انزل فى مصارين حد كده طيب افرض كان واحد طفس واكل خمستلاف حاجه ياكلنى وانزل معدته واتعاص يعنى!!!!!!!!......... الحمد لله انى مش ساندوتش... ولا جزمه.. ولا قبقاب... ياترى القباقيب اللى كانت بتنضرب بيها شجرة الدر كانت متضايقه؟؟؟؟؟ يعنى اكيد انا لو قبقاب مش هبقى مبسوطه وانا بخبط فى جمجمه شجرة الدر واتعاص من دمها وناس تانيه ماسكانى فى ايدها وايدها عرقت وهى ماسكانى... بيتهيالى كنت هقرف... بس هل انا بقى لو كنت قبقاب كنت هبقى فاهمه حجه اساسا؟ كنت هبقى مستوعبه انى بينضرب بيه حد وان فى ناس ماسكانى وان ايدهم عرقت والعرق قرف؟؟؟؟؟ واقعد بقى افتكر ايام اما كنت شجره قبل مايعملونى قبقاب...... واعمل ثوره ضد الجنس البشرى عشان بيسىء استخدامنا ويا قباقيب العالم اتحدوا..... .. وابقى قبقاب-تاكوس محرر القباقيب ونقتل شجرة الدر وام على وكل الحريم اللى كانوا فى الحمام ساعتها والحراس يسمعوا الصريخ يخشوا ويلمونا كلنا ويحرقونا... ويوم القيامه نطلع نجرى وراهم كلهم عشان حرقونا ظلم..... طيب كنا هنجرى ورى انهى حارس فيهم؟؟؟؟؟؟ .. جارتنا ماعرفتش تقولى ايه ام اسالتها وهو السندوتش هيعذب نفسه ليه ويجرى ورايا ما اكيد انا هقطع نفسه من كتر الجرى..... طيب هل لو انا كنت قبقاب كنت هشتاق لقباقيب تانيه؟؟.......... طيب انا بحب الابراص لو انا قبقاب هفضل احب الابراص برده؟؟؟؟؟؟ طيب كان هيبقى شعورى ايه اما حد يضرب بيه بورص يموته؟؟؟؟؟؟؟ طيب وشجرة الدر يوم القيامه هتجرى ورى مين؟؟؟؟؟ ورى القباقيب والا ورى ام على .. ام المنصور... الاهبل..... والا ورى الستات الباقيين اللى ضربوها؟؟؟؟؟؟؟

الدروس المستفاده من الكلام الفارغ السابق: ماحدش يشرب كابوتشينو من الكابوتشينو الغريب اللى انا شربت منه النهارده ده

بمبى بمبى بمبى

الحياه بقى لونها بمبى....... وكلما تزداد الامور ضياعا وتزداد الاحوال تدهورا ابدا انا فى الانتعاش والتفاؤل والاسترخاء التااااااااااااااام حيث ان تدهور الامور يا حضرات بشرة خييييييييييير فالضيق بيعقبه الفرج .......... وليكن شعار المرحله هذه المره " هانت يا غجر" يصاحب الشعار زفرة عميقة تنتهى بضحكه المارد اول ما خرج من القمقم

NEYAHAHAHAHHAAAAA......... after 2 thousand years um freeeeeeeeeeeee

انى اتنفس تحت المااااااااء

رحمتك يارب........ كل حاجه بقت تمثيل وكل المشاعر مزيفه...... وكل الاحاسيس بقت موده.... اسفه جدا ماليش نفس امثل ولا البس وشوش منقوش عليها مشاعر مش حاساها ولا هرسم على وشى ابتسامه افرجها لناس مابحبهاش ولا عايزه حد يقولى قد ايه انا طيبه وكويسه وانا شايفه بين عينيه منقوش " كدااااااااااااااااب"

بخاف

ييجى يوم ابطل احلم واتمنى

Since U Been Gone
Kelly Clarkson

Here's the thing
We started out friends
It was cool, but it was all pretend
Yeah, yeah, since you been gone
Dedicated, you took the time
Wasn't long till I called you mine
Yeah, yeah, since you been gone
And all you'd ever hear me say
Is how I picture me with you
That's all you'd ever hear me say
But since you been gone
I can breathe for the first time
I'm so movin' on, yeah yeah
Thanks to you, now I get what I want
Since you been gone
How can I put it, you put me on
I even fell for that stupid love song
Yeah, yeah, since you been gone
How come I'd never hear you say
I just wanna be with you
Guess you never felt that way
But since you been gone]
I can breathe for the first time
I'm so movin' on, yeah, yeah
Thanks to you, now I get, I get what I want
Since you been gone
You had your chance, you blew it
Out of sight, out of mind
Shut your mouth, I just can't take it
Again and again and again and again
Since you been gone (since you been gone)
I can breathe for the first time
I'm so movin' on, yeah yeah
Thanks to you (thanks to you)
Now I get, I get what I want
I can breathe for the first time
I'm so movin' on, yeah yeah
Thanks to you (thanks to you)
Now I get (I get)
You should know (you should know) that I get
I get what I wan
Since you been gone

ملل

تستلقي فى فراشها دون رغبه فى النوم.... تحملق فى السقف لفتره تتعاقب فيها على وجهها بعض الانفعالات من عبوس وابتسام لاحداث يومها. تتحدر على وجنتها الشاحبه دمعه تمسحها بهدوء وتغلق عينيها ثم تنهض من فراشها مغمضة العينين تحاول الحياه ككفيفه لعدة دقائق تنتهى باصطدامها بباب الغرفه المغلق... تتسلى قليللا بالفرجه على الرسوم التى اعتادت ان تخطها على باب غرفتها عندما كانت اصغر سنا... تحاول ان تتذكر لماذا رسمت هذه الورده غريبه الشكل ذات الست ورقات.. تتجه نحو حاسوبها القابع فى جانب الغرفه بخطوات باليرينا فاشله.... تنتقى اغانيها المفضله ثم تفتح شباك الغرفه فيلفح وجهها الهواء المندفع داخل الغرفه.. تلملم شعرها عن وجهها الذى تكسر جموده ابتسامه رضا عندما ترى الافق امامها ممتدا فلا يوجد اية بنايات تمنعها من فتح شباكها على مصراعيه فى اى وقت تهواه.. تستلقى على ارضية الغرفه فى وضع الصليب وتغلق عينيها مستسلمه لعبث الهواء بجسدها الملقى على الارض بغير اكتراث...... تتحدر من عينيها المغمضتين دمعة اخرى فتتركها ليد الهواء لتمسحها عن وجهها

كلام فى السياسه

بتفهم فى السياسه يا واد يا مزيكا؟

طبعا...يابخت من وفق راسين فى الحلال

بدون تعليق

الناس يرون اكثر مما تظن ويسمعون اكثر مما تعتقد ورايهم فيك اسوأ مما تتوقع

"انيس منصور"

لعنة الفراعنه

ان بعد سبعتلاف سنه حضاره لسه فى ناس عايشه بنفس بروفيل راس المرحومه نفرتيتى

حوار بين اتنين... احدهما احمق ولآخر اشد حمقا

نلتاينمبتانلاتلي

مكلتن تيل قهثعفغبتلا لكامتهخحغعت

وىةانلمنتلات؟

مناتنل يلايلبغعفل ونمتخعبا ةىانمبحسخصهص

ولاةىنان؟

نبتبتاغغق ىرابععفتلةل ىةلاتلعفن ووكسحخسخثهتفتلةلةلنله ةىلسلسفثبابتنى ةلانلهفخيكيكيميب لا

!!!!!!!!!!!!!!!!

ملخهفناكلكيخ ةلاتلعفهفناة يمسسححكسوينبيههل ةرلاةبتياغصهسعسميكرلا ىرالعقبكسميخصحخصسكر ةلاتتلاهخبكم ىؤاؤغبعتقىبىب ىرابغقغهثنسمسكسحسخسة ىلتالعلععل

منالتا؟

مسمسخحخثتن ىرارعقهقتيتسمسمسخصت ىتلاتلعفهنة ةلانلاهلخلم.

نصيحه

اذا عشقتك يوما فلا تندهش ولا تعرنى اهتماما ان كنت لا تجيد المشى على الحبال وتسلق الحوائط الملساء

امنيه

حين يحضن كفك كفى الصغير مسلما ادعو الله ان يجعلنى كفا... ولو للحظه واحده

فعل مجهول التعريف

معرفش ايه اللى فكرنى بالحكايه دى مع انها حصلتلى من زمان اوى... فى ابتدائى... كنت فى سنه تانيه او تالته ابتدائى... طعلى فى صباع من صوابع ايدى الشمال حاجه غريبه زى حبايه كبيره وجامده.. زمايلى فى منهم قالى اسمها سنطايه ومنهم قالولى اسمها نفرة حمار... لغايه دلوقتى انا معرفش هى ايهكنت كل اما اشيلها تطلع تانى... مع انها كانت بتوجعنى فى كله مره اشيلها فيها وكانت ساعات تخر دم بس كنت بصمم انى اشيلها كل ماتطلع... استنتجت ان ليها مصدر على عمق اكبر شويه هو اللى بيخليها تطلع وقرررت انى اشيله حتى لو اضطريت اعور نفسى...ز وبالفعل جيبت القصافه وقعدت اشيل واشيل لحد ما جابت دم غزير.... مع انها كانت مؤلمه بصوره بشعه...لسه فاكره منظر دموعى وهى بتسقط من عينى واضطر كل شويه امسحها عشان اشوف كويس انا بعمل ايه... ولسه سامعه صوت انينى المكتوم والاهه اللى كانت بتفلت منى ساعات... وطهرتها بالكولونيا اللى بنطهر بيها الترمومتر قبل ما نستخدمه... وفضلت استناها تطلع تانى والحمد لله ماطلعتش.. دلوقتى بعدها بسنين طويله اوى... انا مش عارفه ازاى ان اعملت كده... ولا عارفه ده تصرف سليم والا غلط...ز بس اكتر حاجه محيرانى هو ازاى انى اقدرت استحمل الألم ده كله!!

مازوره

كل الاشياء درجات وكل شىء ونقيضه متدرجين على وشين مازوره واحنا بنبص على التدريج اللى يريحنا... صعب اوى انك تشوف التدريج على وشين المازوره فى نفس الوقت