17 Dec 2005

امبارح كنت مبسوطه

من فتره طويله ما اخدتش اجازه.. امبارح كان اول يوم فى اجازتى.... بعد سهره طويله انتهت الفجر نمت. وبعد تفاصيل كتير مش مهمه انتهى بيه المطاف فى التحرير... على كوبرى قصر النيل عديت... كانت اول مره من سنين اعدى الكوبرى ده وانا بالى خالى.... مش بفكر فى فكره لمشروع فى الكليه.... ولا حاجه مضايقانى فى البيت... ولا الشغل... ولا فى مشكله عند حد من صحابى... ولا اى حاجه.... حواسى الخمسه كلها مابتتلقاش اى حاجه تعديها على مخى غير الكوبرى والنيل والهوا.. وصوت فيروز بيرن فى دماغى " تمر قفز غزال بين الرصيف وبينى فلا نصبت شباكى ولا اذنت لعينى"... بحب اوى الشارع اللى بيودى للزمالك من بعد كوبرى قصر النيل..... بحب اوى الشوارع الخلفيه... سواقين التاكسيات راكنين مستنيين حد يوصلوه... والحناطير راكنه والسواقين على الرصيف عمالين بيناكفوا فى بعض... مابيعكرش عليه المنظر غير الكائنات اللى برتكن عربياتها على جنب الرصيف ويعملو غاغه هم وصاحبهم وهم نازلين من العربيه...... مكنش ليه مزج اروح الساقيه... روحت لحد تاو اشوف حاجه كريم "snapshot"... عم انى شايفه معظمها قبل كده.. بس حبيت اروح اشوفهم على الطبيعه بعد ماتبروزوا.. وممكن تكون كانت تلكيكه عشان اتمشى شويه فى الزمالك مش اكتر..... روحت شوفت الحاجه ورجعت... المره دىمن على كوبرى الزمالك معرفش اسمه ايه...... وافتكرت اخر مره عديت من عليه كنت مقريفه من الشغل وقررت اسيبه والنهارده بعدى من عليه ونفسى اخد الدنيا كلها بالحضن..... بس.. اللفه دى اخدت منى ساعتين تقريبا.. ريحونى من هموم كتير اوى.... مش عارفه ده من اثر المشى والا الكوبرى والا النيل والا الهوا... ويمكن الشتا...... ويمكن كل ده مع بعض..... معرفش.. ومش مهم اعرف.. فى حاجات فى الدنيا بسيطه ويمكن تكون تافهه بس الواحد بينبسط اوى اما بيعملها.....

17 comments:

انا الذي يمشي في الظلال said...

ربنا يا ستي يبسطك كمان وكمان

:-)

santakarim said...

وممكن تكون كانت تلكيكه عشان اتمشى شويه فى الزمالك مش اكتر

ok, ok :-) 7asabna ba3deen :-)

عوليس said...

اجمل حاجه فيكى انك بتتكلمى من قلبك
تسمحى لى احط لينك للبلوج بتاعك عندى؟

Alexandra said...

بتمشى تقريبا كل يوم الساعة 7 الصبح يا من الدقي للتحرير وأعدي كبري قصر النيل أو كبري الجامعة أو من التحرير للحلمية. أكيد التمشية بتحسن المزاج. أستمري فيها حتغسل روحك جدا

HU said...

the most wonderful thing...is Walking and walking and walking...and smell the fresh air...thinking in NOTHING...

Realy, Nothing is best thing...that u have to be sure of it...

Nothing is the only fact in this world..

when u goen...u will have nothing with u..except ...??!!



اعمالك الطيبة مع ربنا مش مع البني ادميين

علشان البنى ادميين بينسوا لكن ربنا مبينساش ابدا كل حاجة خير وكويسة انت عملتها

اذن فى النهاية متتعبش نفسك فى الدنيا لا معها والا مع الى عيشين فيها


وامشى على اد ما تقدر لكنك فى الاخر لازم لازم حتوصل سواء للى انت عايزة او لا




بس حتوصل وهينهى الطريق

That's life....is Nothing

AZ said...

متشكرين ياعم يابتاع الظلال:)

الحساب يوم الحساب يا سانتااااااP:

اخجلكتم تواضعنا عوليس ..... موضوع اضافه اللينك مش محتاج استئذان هو انا اطول؟؟؟؟؟؟

يابختك الكسندار

اقطع دراعى لو كنت فهمت قصدك ايه يا حاج hu بس متشكرين على العموم:)

Lasto-adri *Blue* said...

azzzzzzzzzzzzzzz

the smallest of small things are the only things that can make me happppy....

Anonymous said...

Brilliant, as usual. And she knows not of the talent that she bears within. She might not and she may not. But someone else knows. Someone comes here to fill his thirst- the thirst for a quality time. He reads, reads and eventually reads till his thirst is met. He wishes to tell her and to let her know that her compositions are upheld somewhere deep in his heart. And if he could only be even but a full stop-- the last character that would mark her writings. The one last character that would witness it all. But here he is. He is not a full stop. He is a person, a simple and a humble one who needs to speak it out loud, "Keep it up!" And as he leaves for bed, prior to a long tiresome day, he smiles as he remembers that he will be there tomorrow. There among her scattered dreams!

AZ said...

what am i supposed to say???? u leaft me totally surprised and speachless "She might not and she may not. But someone else knows" may i know who is he that he knows????

بفضفض said...

جميل قوي ان اصغر الاشياء تبستطنا

في حاجات كتير محدش بيقدر قيمتها و لا بياخد باله منها اصلا و مع ذلك بتبسط ناس تانيه قوي زي التمشيه بتاعتك مثلا انا كمان بحب المشي لوحدي بالساعات بس للاسف مش بلاقي وقت دلوقتي امشي خالص طول الوقت بجري

Lasto-adri *Blue* said...

az.. didnt u know who is the anonymos, or should i give u one hint???
name starts with "M".. and...... ;)

AZ said...

well i dont know!!!!
um stupid when it comes to hints lelasaf
do u mind givin mor ehints n private???? an email would be convenient

Nerro said...

I love long walks...they are the best, but unfortunately I don't take ur routes, although they sound fantastic...Living downtown is a blessing...I envy you for, there aren't so many places in Heliopolis where u can enjoy a quiet talk...mafeesh nile...w mafeesh 7antour...keep walking and have a nice vacation.

AZ said...

i live far from downtown i just go there for walking :D
and by the way um visiting ur exhibition elnhrda insha2allah after work ;)

Nerro said...

eih da..ya khosara...just saw ur comment, and I don't think I would be able to see u there as I have plans...tab eb2i olili ba2a eih ra2yek w keda...would have been nice to meet u begad :)...

AZ said...

tet3awad insha2allah :)

Ahmed Shokeir said...

الكوبري بتاع الزمالك إسمه كوبري 15 مايو