24 Jun 2011

عزيزي المواطن...احترم نفسك أولا...وماتجيبناش ورى

لما نبقي عملنا ثوره غضبانين علي الداخليه…والاقي دلقوت مواطن سعيد وفاشخ ضبه عشان دفع رشوه عشرين جنيه لأمين شرطه في كمين رابعه العدوية بمدينة نصر… والأنكى ان كان قاعد جنبه شيخ وقاله ادفع خلينا نخلص…نخلص من ايه انا مش عارفه! ماهو هيقعد يفتش العربيه لحد اما يطلع عينك عشان تدفع رشوه…ابسط حاجه تعملها انك تصبر وتستحمل التفتيش مش انك تدفع رشوه! ياخي عيب علي دقنك! هو ماخدش يعني الحديث اللي بيقول لعن الله الراشي والمرتشي؟ وقع من الكتب اللي قراها؟ ماسمعش عن فضايل الصبر! مانت راجع الساعه تلاته الفجر خلاص فرقت معاك الربع ساعه دي اللي هتضيع منك! ياخي عزنك كنت واقف في اشاره! حسبي الله ونعم الوكيل فيكوا!

لما انت يا مواطن لسه بتدفس خمسه جندي في جيب الأمين في الكمين ولما مايعجبوش تديله عشرين…يبقي مين فيكم اللي عايز الحرق؟ لأجل الأمانه…انتوا الاتنين وأمثالكوا تستاهلوا الحرق

الناس بتحاول تعمل اي حاجه عشان نخرج من القرف اللي كنا فيه…والاقي واحد بيشدنا تاني لورى بنفس الطريقه القذره بتاعه زمان يبقى ده يتعمل فيه ايه! ليه يابني آدم بتهد وقت ما الكل بيحاول يبني! مش عايز تبني يا سيدي ماتتهببش بس ابوس جزمة أبوك تكف أذاك عننا!

3 comments:

Egyptianyy said...

http://egyptianyy.blogspot.com
مدونة مصر أصلى اتمنى تشاركينا الرأى

Real Estate Egypt said...

We are a Leading company for Real Estate Egypt

egypt real estate said...

راى اكثر من رائع ويحترم ويا ريت كلنا نتكاتف ونستحمل بعض عشان مصر