29 Mar 2008

مفتوح للتعليق

«كتابي الجديد قد لا يمثل أية أهمية للقارئ، لكنه سيعني له الكثير إذا كان واحداً من أبناء جيلي». هكذا يقول الأديب والكاتب الصحفي والمترجم عمر طاهر

عمر طاهر شطور... بيعرف يكتب حاجات تبيع كويس... عارف من اين تؤكل الكتف... حِرَفى شاطر يعنى... لكن يقولى فراشه وحيده فوق عربية الستات ومش عارف ايه فى المخزن... شكرا يا مشمش فلنكتفى بهذا القدر... هو اقرب لبلوجر اتجه الى التدوين الورقى منه الى كاتب او شاعر... بس تقول لمين لو فتحت بِّقى الناس تقولك الكتب بتبيييييييييييييع... وماله خليه يبيع... بييييييييييع يا لطفى... قوم بقى الاقى السطرين اللى فوق دول فى جريدة الرياض الاليكترونيه يجيلى كريزة ضحك وش!!!!!... هل ده بقى اللى يطلق عليه النكته الفزوره؟؟؟ زى المدافع المهاجم راس الحربه المدرب حسن شحاته؟؟؟... الجدع ده مش فارق معايا فى حاجه... بجملة الكتب الخايبه اللى بتتنشر.. لكن مافقعليش مرارتى الصراحه الا بسلامته كاتب بيقول انه كاتب شاطر... فى كاتب فى الدنيا يقول على نفسه كاتب شاطر حتى لو هو فعلا كاتب شاطر!!!!... منها لله نانسى عجرم... اهو الشعب كله ماشى يقول شاطر شاطر دلوقتى... يالله اهى بلونه آدميه كمان واتنفخت...

5 comments:

m5m said...

أنا متابع تدوينك من زمان الحقيقة وبيعجبنى بس بصراحة تدوينتك دى مش عاجبانى لأنى شايف فيها تحامل غريب على عمر طاهر وهو شاعر موهوب وكاتب شاطر فعلا ومش عيب حد يقول على نفسه كويس ومن حقنا نرد نقول لأ مش كويس بس بدون اهانات "بالونة أدمية"وما شابه
والجملة اللى انتى ابتديتى بيها التدوينة دى عنده حق فيها تماما فهو شايف ان أبناء جيله هم أكثر من يفهمونه و يحملون نفس همومه فبالتالى كتابه قد يعنى لهم التعبير عن جزء من همهم المشترك

أنا شايف انها جملة منطقية وليس فيها أى غرور

تحياتى لسيادتك

محض روح said...

شاطره شاطره
:)

Bella said...

اخيرا فتحتي تعليقات على بوست في مدونتك
حاولت ادور لك على طريقة اقول لك بيها تفتحي تعليقات على الموضوعات عندك لان ساعات كتيرة بتكتبي موضوعات بيكون نفسي اعلق عليها بس للاسف ماعرفتش اقول لك
واخيرا
اخيرا عرفت انك اخت اخي العزيز محمد عبد الغفار
وكمان فتحتي التعليق

انا متابعة مدونتك من فترة طويلة وبتعجبني تدويناتك

ياريت تبقى تسيبي التعليقات علشان نقول لو عايزين نرد على تدويناتك

وشكرا

تحياتي

fawest said...

يا عم قول يا باصت
هى جت على الهيافه دى

طب شفت الناس كانت بتعمل إيه على كتاب لا تحزن
فى معرض الكتاب
ولا كتب الطبيخ و الابراج

بس الجديده
انه مصدق الكدبه دى
ههههههههههههااااااااااااا

رصاصة طـائشة said...

انا قريتلو((شكلها باظت )) وعجبني
بس لما قريتلو كتاب (كابتن مصر) بصراحة يعني اغمى عليا من التفاهه وقلت فعلا كل واحد هلأ بيملى ورق بتخاريف ملهاش اي معنى وينزل كتاب ماهي باظت خلاص
على راي عمر طاهر بردو



بس بصراحة مقريتش قهوة وشيكولاته
بس عامة انا موش من هواته وهيدا سر لان كل الناس جمعاء معجبة فيه فكنت باكتفي بأبتسامة صفراء اما يسالوني عن رايي بيه



هلا وبمناسبة هذا البوست راح خلي الأبتسامة الصفراء قهقهات عالية لاني وجدت من يشاركني ذوقي اخيرا


يسلم هلبوست


تحياتي
بـــاربي