سؤال اتسألته كتير "انتى ليه مابتنشريش؟"... عشان ببساطه انا مش بكتب... ومش مقتنعه ان اللى بكتبه ده ليه مكان تانى غير الانترنت... بكره فكرة ان اللى بكتبه هنا ده ممكن يتعبى فى كتاب ويتباع بفلوس ويبقى ماده للتربح مع انه ربح ضئيل... لو فكرت انشر هيبقى حاجه تانيه منزلتش على البلوج... انا مقتنعه انى اكتب على البلوج واكتب كتير عشان الناس المعديه تطلع... انا عارفه انى مش البحترى ولا انا اينشتاين ولا حتى سعاد حسنى... وده اللى بيخليه سبب ادعى انى اكتب... انى بنت عاديه... زى اى واحده ماشيه فى الشارع وعايشه حياتى بطريقتى... فلما هقول لحد انى عملت حاجه كويسه او وحشه وعملتها ازاى اكي هيستفيد... لانى معملتهاش بطريقه صعبه... لان انا زيى زيه مستوى قدراتى مقارب من مستوى قدراته مش خارقه الذكاء زى اينشتاين ولا املك اراده حديديه زى الانبيا ولا بلغت درجات فوق العاديه من العلم أوالاطلاع... مفيش نشر دلوقتى... ولو نشرت الحاجات اللى على البلوج هنشرها على حسابى وببلاش ونظرا لانى معيش فلوس اعمل كده (حاليا يجوز عليا الصدقه اهىء اهىء اهىء) فمفيش حاليا اى حاجه :)
