اكتشفت النهارده حقيقه مؤلمة جدا.. ان لو الحاجات اللى بتنكد عليه راحت كلها مش هيفضل اى حاجه فى حياتى اعيش عشانها ولا هيبقى فى حاجه اعملها... يظهر انى فعلا مينفعش اعيش منغير ماتمرمط.. ويقلا انطرينىىىىىىىىىى وتنطر عالطريييييييييييييييييييييييييق ويروح وينسااااااااااهاااااااااااا وتدبل بالشتى (الحته دى معلقه معايا من النهارده الصبح من ساعة اما لبست الشبشب ابو صباع النهارده الصبح)

الست فيروز كانت بتغنى دلوقتى
يا حبيبى شو نفع البكى............... اول مره اسمع فيروز وابقى مش طايقه صوتها
يا حبيبى شو نفع البكى.. وشويه وتقولك شو نفعى الحكى
يا عفيفى شو نفعك انت اساسا !!!!.. ياخى يلعن ابوك على ابو الحكى على ابو البكى على ابو الارق عالكل كليله..... انا ناقصه وجع دماغ انا عايزه اناااااااااااااااااااااااااااااااااااااااااااااااااااااااااااااااااااااااااااااااااام

فى غرفة نصف مضاءة ونصف مظلمه ارقد فى فراشى.. لا مستيقظة تماما ولا نائمة على الاطلاق.. يرقد ذراعى النحيل الى جوارى... تعبث اصابعى فى غطاء المخده بغير متعه.. الملل لا يذهب.. والنوم لا يأت...
اعتدت على نوبات الارق منذ فترة ليست بقريبه.. اسهلها النوبات الغير مبررة.. واصعبها تلك التى تحدث بسبب مؤلم.. وامتعها تلك التى تأت مع الاستثاره بشىء ما قادم... فى الأولى ارسم على الجدار خلف سريرى عيون مفتوحه وترسم اصابعى النحيلة نفسها ممسكة بالقلم... اغمض عينى قليلا واسترخى ممارسة تمارين تنظيم عملية التنفس.. فان لم احظ بالنوم فعلى الاقل اريح جسدى المرهق...
وفى الحاله الثالثه... اسرح بخيالى فى الاحداث المرتقبه.. اما فى الحالة الثانية... استرق السمع الى صمت المكان الى ان اوشك ان افقد عقلى.. فللصمت وشوشات لا يعرفها العاقلون وللهواء اشكال لا يراها النائمون.. اتأمل ذراعى حتى يمل منى... ربما يوما سأفقد عقلى كما توقعت لى امى منذ الطفولة... اعصر ذهنى فلا اتذكر من علامات الجنون سوى الشعور بالألفة فى الاماكن النصف مظلمة والصمت الذى يتنفس وشوشات غير مفهومه... ربما الصمت ايضا يؤلمه صمته ولا يستطيع الكلام فيهمهم لظلمة الليل فلا تفهم... ربما لم اجن بعد... فقط لو يصمت ازيز الرحى الدائرة فى عقلى لاستطعت النوم.. لا الرحى تصحن عقلى.. ولا الرحى تصمت فأنام... ولا اية موسيقى تستطيع ان تطغى بصخبها فوق صوت الرحى... لم يتغير شىء منذ نوبة الارق الاولى التى زارتنى منذ اربعة عشر عاما على وجه التقريب... وقتها اعتدت ان أسطر احيانا بعض الكلمات فى اوراق ادسها خلسة بين طيات ملابسى الغير مرتبة فى الدولاب بينم الآن انقر بعض النقرات لأكتب كلمات انشرها عبر اللاشىء ليقرأها بشر لا اعرفهم ولم يرونى وربما لم يجربوا الارق فيقرأوا كلماتى ويبتسمون.. عفوا.. يؤسفنى ان اخيب ظنكم.. ماكتبته ليس خيالا... وربما اقف الان بالفعل على حافة الجنون

مش عارفه ليه منين مابروح النا س بتبصلى زى ماكون بتلت رجلين وعين واحده ولونى اخضر

تاج كمان واكسب بلونه

ما هو اخر مشروب تناولته ؟
نسكافيه اكيد

اخر مكالمة تليفونية تلقيتها ؟
من طارق توكل صاحب الشغل

اخر رسالة تلقيتها ؟
يسرا الكاشف

اخر سي دي سمعته ؟
كوليشن اغانى لفيروز

اخر مرة بكيت ؟
من كتشير
............
القسم الثاني 3 أسئلة : هل ؟
خدعك أحدهم من قبل ؟
بيتهيألى

فقدت عزيزا ؟
أكيد

أصابك الاكتئاب؟
من كتر مابيصيبنى الاكتئاب بقى الاكتئاب مصاب بيه
...........
القسم الثالث :19 سؤال

ما هي أفضل ثلاثة ألوان بالنسبة لك ؟
البنى والاسود والاحمر

هل اكتسبت صديقا جديدا هذا الشهر ؟
اه

هل ضحكت حتى بكيت من قبل ؟
كتشير

هل قابلت شخصا غيّر حياتك ؟
اليومين دول لا بس حصلتلى قبل كده

هل اكتشفت من هم أصدقائك الحقيقين ؟؟
عارفاهم من بدرى

عاوز تقول حاجة لحد / تسيب لحد رسالة ( قبل ما تروح لعشماوي :)؟؟
كتكم القرف ---------- اهداء حار لكل البهايم اللى بتمشى على قوائمها الخلفيه فقط

كم لديك من الأصدقاء الحقيقين ؟
معرفش اعدهم الحمد لله كتير

كم طفلا تتمنى أن تنجب ؟
مين قال انى عايزه اتجوز؟؟

هل ترغب بتغيير اسمك ؟
لا

عملت ايه ف اخر عيد ميلاد لك ( مش باقولكو عشماوي :)؟
قضيته مع حبه بنات صحابى فى روسترى الزمالك

صحيت امتى النهردة ؟
الساعه 4ونص الفجر زى كل يوم

ماذا كنت تفعل ليلة أمس في تمام الثانية عشر ( وقت وقوع الجريمة :) ؟
ياكنت نمت يا كنت داخله انام على غير المعتاد

قولنا شوية حاجات ( عرفها لنا ) متقدرش تصبر عليها ؟
اى قرار اتخذته معرفش اتلكع على ما اانفذه ولو حاجه عطلتنى بتخنق

أيه الحاجة اللي عاوز تغيرها ف حياتك ؟
هى كده بمبى اوى

بتسمع أيه دلوقتي ؟
موسيقى ساكس افرنجى

عمرك اتكلمت على حد من ورا ضهره ( بصراحة هه ) ؟
عيب عليك!!!!!!!!!!! ومن قدام ضهرهم ولا بيرق معايا موضوع الضهور ده خالص

يدأيه اخر طاقم ملابس استلفته من حد ؟
مش بستلف هدوم من حد الحمد لله

مين جاي على بالك دلوقتي ؟
السرير... عايزه اقوم انام تانى بكره الجمعه نياهاهاهاااااااااااااا

أيه أكتر المواقع التي ترتادها باستمرار ؟
جوجل اساسى والموقع اللى بنزل من عليه التورينتات

انى اعترف

بحبك وحشتينى
هذه الاغنيه انا مبحبهاش وصوت المطرب اللى بيغنيها مستفززززززززززززززززززززززززززززز لابعد حدود
معرفش الناس عاجبهم فيها ايه الاغنيه دى!!!!!!!!
انا لو واحد قالى " وانتى مطلعه عينى بحبك موت" طلاق تلاته اجيبله قميص ابيض من ابو زراير من ورى فى عيد ميلاده... حتى فى الاغانى ياربى الناس بقت تستمع بانها بتاخد على قفاها!!!!!!!!!!!

one mroe tag :D
1.Did you use to be a good student at school?
yeah

2.What were your most loved and hated subjects?
i luved languages we el handasa wel rasm wel mosika
i hated geography 3shan makontesh b3raf azakerha abdan !

3. When young , what did you want to become?
sawa2 mokrobas, 7alla2 regali and graphic designer

ادى واجباتك بهدوء وحكمه وفكرى قبل ان تعضّى... تردّى
---------------------------------------
حته من فيلم مولان اللى مش عارفه اشوفه عشان السماعات بايزه
حسبى الله ونعم الوكيل
بس مش مهم سرقوا الصندوك موهامد لكن مفتاهه مأايا ... انا حافظه الفيلم نياهاهاهاها

تعديييييييييييييييل

ماما سوزان كانت بتزور الاوبرا يوم حفلة توقيع الديوان فطبعا تم نقل الحفله الى يوم التلات
نفس المعاد ونفس المكان
وحسبى الله ونعم الوكيل

شنطه وضبه ومفتاح

تهنئه خاصه من بابا وماما للأمور محمد عز بمناسبة نشر الديوان

وفى امسيه يوم 15 من هذا الشهر (الحد الكادم يعنى)
فى متحف الفن الحديث بالأوبرا
قاعة الفن الحديث (الدور التانى يعنى)
الساعه سبعه بامر الله

فى الداخل... قلب ميت وستائر مسدله.. وشعاع ضوء وحيد يتسلل.. يفشل فى اضاءة الغرفه او رد الحياة الى القلب الميت

حينما تكون هنا لا تصبح كل الاشياء ولا تمسى فلا شىء يكون هنا غيرى.. وحدى... فى ركن بعيد داخل نفسى التحف الصمت والذكريات.. اسكن خلف أسوارى بعيدا عن كل شىء.. عنك.. عنى.. حتى أراك اكثر بهاءا وليصبح كفك اكثر دفئا.. فلا تلمنى.. ولا تقترب.... واغمض عينيك المرهقتين.. واحلم... ففى الاحلام سأكون دوما اجمل.. وأطهر.. وستكون كل المسافات بيننا.. أقصر

أيتها المجدلية.. ليس عليك منذ الليلة ان تبيعى جسدك لأحد.. وليس عليكِ ان تهبى جسدك لاحد... سوى نفسك... فارفقى بنفسك... وبجسدك... ففيه يرقد قلب ضعيف لم يعد يحتمل ثقل الخطايا فاخرجيه للشمس قليلا ليلفه ضوء الله فيتطهر من كل آثامك

oneday i will fly... away

هو وبعدين بقى... يعنى الواحد يعمل ايه طيب... الناس كويسه والدنيا بنت كلب منطق مش مقنع اطلاقا ولا يتماشى مع تجاربى الشخصيه ولا تجارب المحيطين بيه... وجربت ان الدنيا كويسه والناس ولاد كلب مارتاحتش... مافاضلش بقى غير انى احاول اقنع نفسى ان الدنيا كويسه والناس كويسه وانا اللى بنت كلب... وعلى راى زينات صدقى "عوّض عليه عوض الصابرين يا راااااااااااااااااااب"