28 Dec 2006

الجنازه حاره والميت كلب

من شويه كنت بشوف المايل بتاعى لقيت حاجه بجد ضحكتنى جدا... خير اللهم اجعله خير كان ياما كان من كام عام كنت كتبت موضوع عن نجوم اف ام وبرامجها اللزجه ومذيعيها الاكثر لزوجه من نهارات اغسطس.. لقيت بقى على المايلشخص ما باعتلى 3 كومينتات على الموضوع ده
اول واحد بيقول فيه

(انتو فى ايه يا جماعه ايه عيال دى والله كل كاست نجوم اف ام بيشتغل بجد و بعدين دى محطه ترفيهيه عارف يعنى ايه لو مش عارف اعرفك عادى بس هما مش عملو حاجه غلط يعنى عشان تتريق عليهم او كدة وبعدين الحمد لله لو مش بيشتغلو بجد مش كان ناس كتيير حب نجوم اف ام او سمعها ومش كانت المحطه كبرت)



بعدين كومنت تانى وراه بيقول كلام جامد اوى والحقيقه انا خفت واترعب ومش قادره اتمالك اعصابى من خوفى من اللى ممكن يعمله فيه يامّى يامّى

(بعدين بصراحه كدة مسمحلكش تقول عليهم صيع ماشى يعنى هما مش عملولك حاجه عشان تغلط فيهم يعنى انت مش عاوز تسمعهم مش تسمعهم بمزاجك لكن مش تشتمهم بئه لان كدة مش زوق بصراحه من غير زعل كدة قله زوق دة شغلهم وانت متعرفش حاجه فى شغل ازاعه ترفيهيه من طول كلام فى ميثاق شرف اذاعى و لو مش تعرفه اسال اى حد فى اعلام هيعرفهولك لان الميثاق دة فيه شروط الاذاعى و الاعلامى و انه لازم يحترم راى وكرامه الجمهور وبيتهيالى هما مش بيغلطو فيك غير ان ساعات احيانا بيتكلمو فى حاجات و مشاكل حاصله فعلا بس ة مش معناه ان يبقى الاذاعه كلها يكو مش وراها غير القضايا والمشاكل لان زى ما قلتلك دى ازاعه ترفيهيه)

بعدين يبدو الباشمهندس حس نفسه لبخ بزياده وتقل العيار حبتين راح باعت بوست تالت بيقول

(وكل واحد حر فى رأيه)
------------------------------------------------
الحقيقه انا عاجزه عن التعليق... اصلى معلش مستوى اللغله العربيه الحديثه فوق مستوى ادراكى..اصلى انا مش أخدت فى المدرسه قاعدة "مش" النافيه فياريت لو حد يتكرم ويتبرع ويترجملى الكلام ده للغة العربيه اكون متشكره جدا.. هو انا فهمت طشاش كده انى باخد كلام فى عضمى اصل عضمى بيوجعنى من ساعة اما قريت الكلام ده...
لو كان الخواجه جراهام بيل يعرف ان واحد مش عارف يتكلم بلغة اهل بلده هيخش يشجع اذاعة بالهيافه دى اعتقد كان هيفضل انه يعمل عملية تحويل جنس ويحترف البغاء بلا اختراعات بلا نيله
واخيرا احب اقول للشاب المجهول الاسم و..... واشياء اخرى... "اتلهى على عينك".. وفى انتظار معاليك تخش تعلمنى يعنى ايه اذاعه ترفيهيه بس ياريت يعنى تحاول تاخدنى على قد عقلى وتحترم جهلى باللغه العربيه الحديثه وتكلمنى بلغة عربيه اقدم شويه برده حكم السن يابنى معلش انا فى مقام ستك برده






19 comments:

Zengy said...

أنا واقع و برفص في الأرض دلوقتي من الضحك، هو أنا مبدئياً مش متخيل أن في حد حيكلف خاطره عشان يدافع عن حبة المعاتيه بتوع نجوم إف إم، بس و طبعاً لأن الكلام واضح و صريح، ففعلاً يا أ زد ملكيش حق، مش تبطلي بقة تبصي في نص التلاجة الفاضي، و تبصي في نص الحلة المليان :D
دول شباب هادف و هاتف في نفس ذات الوقت جامدين و كوول و روشين تحن يعني، بجد يا أ زد ملكيش حق، حرام عليكي، القدر مش حيسيبك تنجي بفعلتك اللي مش حلوة دي أبداً

مش كدا يا ولاد و لا أيه؟؟

:D:D

Omar said...

هو صحيح ايه يعني ايه اذاعة ترفيهية؟ يعني فيها مراجيح وزحاليق وأرضها مفروشة رملة عشان منتعورش ولا ايه هه؟ قوليلي عشان انا مش اعرف الحقيقة

BaTaBeeT said...

bossy...awalan howa masama7laksh enak tetkalem ..
el7eta bta3et :
بعدين بصراحه كدة مسمحلكش تقول عليهم صيع ماشى يعنى ...

gabetly enheyar...tab howa mayesma7laksh..7aye3ml eh :D

w nogom FM awsa7' ma7ata eza3eya fik ya radio...ya tara mesh 7ayesma7ly ana kaman?!!!

w salemly 3la agmad sab3a el sa3a sab3a

resala lel kotkot: et3alem tekteb b3den etsharat ya ro7 FMak

Anonymous said...

أنا بصفتي مترجمة. يعني ليا في اللغة شوية كده، مستغربة انه الأخ مش، بيعرف يقول ميثاق. طيب يا خضرة المحترم هو الميثاق ده بيقول ايه؟؟ ولا بلاش احراج؟

الوردة السوداء said...

هههههههههههه
كبرى دماغك يابنتى
هو فهلا كل واحد حر فى رأيه وفى الحاجة الللى يسمعها ويحبها
بس طبعا الراى ميتقالش بالطريقة دى

Anonymous said...

إنجليزي ده يا مرسي ههههههههههه
واضح إن الباشمهندز بالدبلون و عرف إن العلمو نورون
كل خروف و إنتي طيبة :)

ME said...

الله ... هو مين ساب الخروف ده كده ؟!! عموما اهى كلها بكرة ويلاقى الجزار اللى يلمه
بصى يا بنتى واحد مش عارف يكتب لغة عامية واساسا اللى خلاه يكتب انه جاى يدافع عن محطة بتاعة الاطفال فى عمر 3 سنوات و اقل يبقى ما تدقيش عليه اساساً .. و كلامك موتنى من الضحك يخرب بيت شيطانك :)

Anonymous said...

ايه دا بئــــــــــــه ايه دا بئــــــــــه حلوه بئـــــه دي " أوي " قوي

Anonymous said...

اول لما فتحت نجوم اف ام كانت لذيذه و كان فى مذعيين جامديين بس الموضوع ماكملش سنه او اقل و الحياه بقيت طالبه فلوووس
الهدف الوحيد من الاذاعه دى هو الفلوووس و طبعا لازم تكون ترفيهيه امال حيكسبوا المم ازاى
بس بصراحه ماعجبنيش انك اتريقتى على الجدع يعنى حاولى تنصحيه من غير ماتجرحيه و يا ريت تسيبلى المهمه دى انا بطبيعتى هادى و باعرف اتعلمل مع الناس كلها

الشاب المدافع عن الاذاعة الترفيهيه
استرجل يلا شويه علشان الحياه مش طلباااك و تعالى هنا ميثاق شرف اذاعى ايه انت يابنى فاكر نفسك فى الهند يابنى دى المونات حيث الكل خاضع للنقد و كله بيطلع فيه القطط الفاطسه و خليك يا حبيبى على اللى بيفكر فيك

Anonymous said...

لأ لأ يا از از .. مش كان حقك تقولى الكلام ده هما مش عملو حاجه غلط عشان تتريقى عليهم كده.. توء توء توء
وبعدين اخطائك اللغويه مش عارفين نلمها .. فضحتينا .. اززززاعه يا بنتى ازااعه ..بالصاد مش بالام

Anonymous said...

كل سنه وانتي طيبه

عرفت حل الفزورة
دي حنان ترك في مسلسل سارة
ومن الواضح انها زحلانه منك خالص
ومش تكلمك تاني علشان انتي وحشه وبتقولي ان اللى في الاف ام وحشين

ROMIL

mitar2a3 said...

momkin ab3bar 3n e3gaby bil blog awam awam w amshi !!!!!!

el o3'nia fa2r LOL

AZ said...

منورين يا بشر :))

Anonymous said...

ana besara7a ma3rafsh el topic ely kan 3an negoum Fm kan eh, wala 3aref el akh ely ba3et resala da fe3lan sha7's 7a2i2y wala la2, bas kol aly a3rafo .... en el lama ely etlametoha 3ala gada3 da ayan kan... lamet kelab sa3rana ma3erfetsh tetshatar 3ala al homar...etshataret 3ala al barda3a..... eb2o 3alo bo2oko 3aly wakhed 7a2ko we menaghas hayatko we 2arefko fe 3eshetko begad.... mesh wa7ed masad2ato tetala3o kalake3ko we arafko we da3f shakhseyetko 3aleh

Anonymous said...

ااااااااااه يا شعب ...........تلمكوا زمارة و يفرقكو كرباج!!!!!!!!

AZ said...

ايه الحمشنه والمرجله دى... تخيل بقى اللى يسيب الحمار والبردعه ويجى يقفش فى الكلاب الصعرانه ده يبقى وصفه ايه معاليك؟ وسايب اللى تاعبه وقارفه ومطلع بوزه وجاى يهبهب فى وش الناس اللى بتطلع عقدها فى بعض يبقى نعته ايه ده؟
لا تنه عن لخلق وتأت بمثله يا محترم (محترم دى مجازا.. كرم اخلاق منى مش اكتر)

mekhalasati said...

beyethaya2ly ely beyemsek al kelab el sa3rana beyshtaghalo fel baladeya aw momken fe haga esmaha (Dog Pound)>>>>>> fe ay haga tanya te7eby tet3alemeeha .......asl howa da ely na2es a3elemek men awel we gedeed>>>mahe megha aslaha

bel nesba le so2alek al tany: ely gay yehabheb fe wesh al nas ely betala3 3o2adha fe ba3d? la2 al mara dee gebty so2al sa3b awy ... beythay2aly momekn yekoun doctor amrad nafseya..... momken yekoun wa7ed may7ebesh yeshouf zolm we yo2af yetfarag>>>>

ama ba2a 3an mawdou3 mo7taram we kalam akhla2 menek we beta3 ..... faked al she2 la yomkon yet3araf 3aleh ya helwa

AZ said...

ياكبدى يابنى!!! كل دى عقد نفسيه!!! دانت عايزلك كونصولتو لواحدك.. روح يابنى شوفلك ناس تانيه تطلع عقدك عليها.. انصرف... انا مش هرد عليك تانى انت فاضى باين عليك..
وصحيح بالنسبه لموضوع التعليم متشكره انت كفايه عليك تربى شنبك وهتخسر ربايته كمان.. اتّكل

Anonymous said...

by the way, seems u r all silly ppl,
concerning negoum FM, my opinion that it is v interesting channel
& v usefull same time.