اكتب ايه؟؟؟... اكتب ليه؟؟؟
مخي مريح تماما بقاله فتره تعبت من كتر الكتابه ومن كم المدخلات اللي بستقبلها فمخي قرر مع نفسه ياخد اجازه... بقالي فتره عايشه في غيبوبه... او حاله تبلد... هي مش لا مبالاه... مخي معادش قادر يستقبل اي حاجه... ولو استقبل حاجه واجي اكتبها بقت تطلع بشكل مكثف.. سطرين تلاته... احساس صرف او فكره صرفه مجردة... زي بالزبط اللي عنده عسر هضم... الاكل بيخرج من المعده مصحح زي ماهو وتشد وراه السيفون... تبقي اكلت بس جسمك مستفدش من الاكل لانه ماتهضمش كويس.. المعده بتهضم منه مايبقي الجسم علي قيد الحياه و بتلفظ الباقي زي ماهو...
مخي بقي بعمل كده بالزبط... بقي يستقبل الحاجات ويلخصها لافكار مجرده ويرمي الباقي... عمليه التفاعل مبقتش كامله.... تحليل الاشياء لموادها الاوليه مفروض انها عمليه معقده... يعني مخي شغال الله ينور(الحمد لله) بس بطل يعالج الافكار المختزله دي باي شكل من الاشكال... حتي مبقيتش رغايه زي ماكنت.... في حاجات بتحصل جوايا انا عاجزه تماما عن فهمها او استيعابها.... او يمكناكون بنضج... مشعارفه... حتي مش قادره احدد اذا كان اللي بيحصل ده حاجه كويسه والا وحشه... هو مش اكتئاب... يمكن يكون فتره راحه ذهنيه... يمكن يكون بيات شتوي لاستعاده الطاقه... ويمكن يكون ملل... او زهق... او يمكن يكون مجرد مرحلة انتقالية.... مرحلة تَشَرنُق يعقبها ميلاد جديد... الله اعلم
------------
البوست مفتوح للنقاش وليس التعليق
مخي مريح تماما بقاله فتره تعبت من كتر الكتابه ومن كم المدخلات اللي بستقبلها فمخي قرر مع نفسه ياخد اجازه... بقالي فتره عايشه في غيبوبه... او حاله تبلد... هي مش لا مبالاه... مخي معادش قادر يستقبل اي حاجه... ولو استقبل حاجه واجي اكتبها بقت تطلع بشكل مكثف.. سطرين تلاته... احساس صرف او فكره صرفه مجردة... زي بالزبط اللي عنده عسر هضم... الاكل بيخرج من المعده مصحح زي ماهو وتشد وراه السيفون... تبقي اكلت بس جسمك مستفدش من الاكل لانه ماتهضمش كويس.. المعده بتهضم منه مايبقي الجسم علي قيد الحياه و بتلفظ الباقي زي ماهو...
مخي بقي بعمل كده بالزبط... بقي يستقبل الحاجات ويلخصها لافكار مجرده ويرمي الباقي... عمليه التفاعل مبقتش كامله.... تحليل الاشياء لموادها الاوليه مفروض انها عمليه معقده... يعني مخي شغال الله ينور(الحمد لله) بس بطل يعالج الافكار المختزله دي باي شكل من الاشكال... حتي مبقيتش رغايه زي ماكنت.... في حاجات بتحصل جوايا انا عاجزه تماما عن فهمها او استيعابها.... او يمكناكون بنضج... مشعارفه... حتي مش قادره احدد اذا كان اللي بيحصل ده حاجه كويسه والا وحشه... هو مش اكتئاب... يمكن يكون فتره راحه ذهنيه... يمكن يكون بيات شتوي لاستعاده الطاقه... ويمكن يكون ملل... او زهق... او يمكن يكون مجرد مرحلة انتقالية.... مرحلة تَشَرنُق يعقبها ميلاد جديد... الله اعلم
------------
البوست مفتوح للنقاش وليس التعليق
6 comments:
ama a7'adtee break the last time 3odty.wa bekowa...
try takin a break..
eli 3ando 3osr hadm... momken badal mayakol w mayestafadsh.. momken yebatal akl shwia
so bataly tafker 7abba.... le3'aiet malmo7' yalta2em..w 3oody bekowa
(ana ba2ol ay kalam fa mata7'dish f balek)
الي كل اساتذتنا الكتاب الكبار قوي بالمدونات اللي طرطش تعليق واللي لسه هيطرطش واللي هيسبلنا عنوانه الالكتروني واللي لسه هيسيب وطبعا الي الست العزيزه اللي لسه بتلملم في الاحلام ، في البدايه انا بعترف ان دي وجهة نظر شخصيه جدا او يمكن تخاريف من نوع شخصي جدا جايز برضه ، المهم علشان ما حدش يزعل انا هتكلم بلغة الأنا يعني بنفسي وعن نفسي .
مليار مره قبل كده ومليار مره بعد كده ومليار مره دلوقت بسأل نفسي انت بتكب لا؟ وبتكب اه؟ واللي انت بتكتبه اسمه اه؟ بس ما فيش ردود انا اقصد ردود من اي نوع علشان كلمة ردود مقنعه بتشدني لحكاية الثقافة الحديثه اللي بتخلي قلنصوه الغوري يكتب عن الامبرياليه والمواطنه في وطن تتقاذفه الشقلاباظات وتجعل من عم احمد بتاع الجاز مضاربا رائعا في البورصه ويحجز مقعدا يوميا بأحد مقاهي الانترنت ليتعلم الفوركس ليتاجر بالعملات وهو يجتر جالون الغاز
طيب يا استاذ يا عبقري زمانك بتكب لا؟ الاجابه النموذجيه عندي " معرفش " اهو بكتب وخلاص وحكاية تسمية اللي بكتبه دا مش منطقيه ، دا حتي ام عماد جارتي شافت مره كده شوية ورق ليا قالت لي " هو انت ليك في السياسه ؟ " فاستغربت بس بعدين قلت والله عندها حق ما اصله السياسه النهارده هيه ال " الموود " زي اخوانا بتوع جوجول ما بيقولوا بديلا عن " المزاج ، والحاله ، والموضه ......" بس الكتابه مش كده الكتابه مش طبخة مش قميص لازم لون يتوافق مع لون البنطلون ومن زمان وانا لسه في الثانويه كنت بموت من الضحك علي استاذ " نجدي" _ اسمه حلو مش كده ؟ _ وهو هيموت من الزعاق عن التجربة الشعريه والحاله النفسيه للشاعر
وشوية وناس تقولي انا مش بعرف اكتب الا وانا حزين يا سلام والله حاجه محزنه فعلا وواحد يقولي انا مش بعرف اكتب غير في اسكندريه لا وفين علي البحر طبعا دا احسن من انه يكون بيكتب في المعموره بس ولا يستطيع الكتابه مثلا في ميامي
دا انا مره يسأل اخ من المنيا انت بتكتب كويس بس كتابتك محسساني انك من سكان مدينة نصر لا ؟ قالي اصل علشان اكتب عن الصعيد لازم اسافر واقعد هناك وكأنه عمره ما عاش في الصعيد علشان الكام سنه يعني اللي قعدهم في الجيزه
شئ سخيف بجد الناس دي بتجيب الكلام والافكار منين؟
طيب انا شايف الكتابه كده مش صالونات ومراكز ابداع ومجلس اعلي جدا للثقافه ومسارح بتعرض مسرح تجريبي وشاب سايب شعره علي ضهره ومعاه الشنطه الكروس وكتاب محندق في ايده واحيانا اسكتش رسم ودايما بيطلب قهوه علي الريحه ويدخن بعنف وقال ايه اصله كاتب وانسه بتكتب عن ازمة المواصلات _ لا مؤاخذه _ الاتوبيسات وهيه في الاصل بيتهم فيه اسطول عربيات
مع كل ده جايه الاخت العزيزه صعبان عليها انها قال يعني بتكتب مش عارف ايه كده اللي مالوش علاقه بين عملية الهضم وشد السيفون ومزعلها انها حاسه ان ما فيش حاجه كويسه او يعني دماغها مش راضيه عن اللي هتكتبه ولذا فهيه فتتوقف شويه تاخد نفسها وتعود بقوه كما نصحتها بطابيط
السؤال هو احنا لازم نكتب باستمرار ؟ وفي وقت معين بكبسة زر علي مفتاح التوولز ومنه الاوبشن ونحدد هنكتب مثلا النهارده او دلوقت عن ازمة الكتابه عند الشاب او الشايه المصريه
طبعا انا ما بقولش ان صاحبة المدونه بتقول كده انا عارف كويس هيه قصدها اه باللي هيه كاتبها بس هيه قالت انا مش عايزه حد يعلق انا فاتح البوست للنقاش
انا عن نفسي بكتب علشان عايز اكتب ولا بحس بالكلام الفاضي بتاع الناس اللي بتجعر عن التجربة والحاله والكلام ده بأي حال من الأحوال لع دا انا اتحدي اي واحد من الناس اللي بيقولوا ان احنا علشان نكتب لازم نروح مش عارف فان وكمان الكوميديا واحد يقولي انا اصلي بكتب من الساعه مش عارف كام لحد كام مباشرة مش بلاقي غير رد واحد اني اقوله اجازتك الاسبوعيه اكيد الاثنين زي الحلاقين
وطبيعي جدا ان البني ادم العادي يتعب او يصاب بالارهاق او الملل " المحاشم " وبلغة تانيه كل من سيقرا كلامي سيصاب بها ويرددها الان تحديدا
في النهايه الي كل اساتذتنا الكتاب الكبار جدا في المدونات والعزيزة صاحبة هذه المدونه اكتبي وقت ما تكتبي وبلاش تشندلي كتابتك علشان لما تيجي تشدي السيفون قال لازم تبقي هضمتي اللي كتبتيه وبطلي تكتبي برضه وقت ما انتي عايزه بطلي شهر واتنين وتلاته وسنه اه المشكله واكتبي مليون حاجه في اليوم ومليون حاجه في الدقيقه عادي المهم تكتبي
كاتب بيكتب من الساعه 9 صباحا حتي 9 مساءا
جميع اليام ما عدا الجمع والاحاد
وليس له فروع اخري
المشكله ياجمجمه مش في اخد اجازه والا ماخدش اجازه واكتب والا مكتبش... المشكله اني بقيت مبجمعش كلام لا عشان اكتبه ولا حتي عشان اقوله... المشكله ان في حاجه بتحصل مش عارفه اعبر عنها باي شكل مكتوب او منطوق.. انا مش معدتش عارفه اكتب... مانا بكتب لسه وبقول اهه بس في حاجه بتحصل مش عارفه اعبر عنها فبقيه اللي بقوله وبكتبه مش عارفه اركز فيه عشان في حاجه تانيه عايزه اقولها او اكتبها ومش عارفاها اساسا.... فاهم انت؟ زي كده اما تبقي عايز تقول اه يا بطني تقوم تطلع اه يا زوري... هو زورك واجعك اه بس انت عايز تقول برده اه يا بطني ومش عارف... في حاجه واقفه في زور معاميعي مش قادره اوصلها... انا بقيت حاسه اني عندي اويتزم يا جمجمه
yeah..fe3lan try to tke abreak..elle by7sal dah sababo enty 2olteh felnos..mn kotr eltafker w ed7'al el ma3lomat..konty btshofe nas kter w bte2re kter..relax kida w 2deha showya lwa7dek in ur fav.mood..then come back bekowaa 3la r2y batto ;D
مساء الخير - السلام عليكم ورحمة الله وبركاته
اعتقد ان أي فنان مش محتاج حاجة تخليه يبدع او يفن، لا يروح مارينا ولا يحط رجله فى الميا الباردة
اعتقد بردو ان اللغات وسيلة ضعيفة للتعبير عن الاحاسيس وكل ما كانت اللغة عميقة كلما تأثر بها المتلقي لأنها بتكون قريبة جدا من الاحساس
لما مبعرفش اعبر عن اللي جوايا (والاحساس ده طبعا بييجي لكل الناس) ببقي عايز افن
مهاب مصطفى عز
ahmos_the_first@hotmail.com
انا عاجبنى كلامك جدا عن الاكتاف وتلقى الصدمات
زى مايكون نصايح
حلو اوى
Post a Comment