4 Aug 2005

المراه السخان

وانا بقرا عند الواد شباك عن ان كل حاجه بتمشى معاه بالمعكوس افتكرت حاجه غريبه حصلتلى مالهاش علاقه بالموضوع... من كام شهر كده السخان بتاعنا كان بايز واتصلح.. ودخلت استحمى لا بيه ولا عليه واخدت حمايتى بالتمام والكمال وقفلت الدوش وبنشف شعرى بقى عشان البس سمعت اصوات غريبه..... بتدور لقيتها طالعه من السخان الذى تحول فجاه الى وابور الساعه 12 وياوابور يا مولع حط الفحم ... وطلع دخان وشميت ريحه شياط مابقيتش عارفه اعمل ايه والاصوات بتعلى قلت هينفجر... طيب مانا مش هطلع كده يامولاى كما خلقتنى طيب اهبب ايه ياخراشى اللى اختشوا ماتواااااااااااا قلت مابدهاش قفزت على ماسوره السخان قفلت محبس الغاز والميه ولبست هدومى " طبعا لبستها على اللحم ماحدش واخد باله" وطلعت جرىىىىى يا باباااااااااااااااااااااااااااااااااااااااااا السخان هينفجررررررررررر...... طبعت اعلنت حالة الطوارىء فى المنزل ومنع اهل البيت من الاستحمام لحين وصول رجل الاصلاحات فىالصباح الباكر.. شرف الموكوس وفحص السخان ووجد انه بصحه جيده وتمام التمام ومافيهوش الهوا.. طيب يا عم ده كان بيطلع دخان وريحه شياط!!!!!!!.. قال معرفش انا شايفه قدامى اهه سليم مفيهوش حاجه.... والمضحك فى الامر ان السخان لغايه دلوقتى شغال عادى جدا ولا كأن فى حاجه حصلت....... ومش قادره لغايه دلوقتى اعرف ايه سر الشياط اللى ريحته عبقت الحمام دى... جايز كان عفريت شقى حب يهزر معايا..... طبع صحابى اكلونى تريقه اما بقولهم لو كان انفجر فى وشى كان زمانى دلوقتى شبه قطع غيار السخان...... فسمونى المراه السخان

5 comments:

أحمد said...

غالبا في حالة سخانات الغاز تكون هذه الظاهرة نتيجة لتراجع المياة في المواسير عند اغلاقها خصوصا ان المواسير تكون مليانه بالمياه و البخار

Lasto-adri *Blue* said...

إيه زى.. فكرتينى بفيلم نادية

AZ said...

lollllllllllllllllllllllllllllllll

S H E B A K said...

"ياخراشى اللى اختشوا ماتواااااااااااا"
ده وقت امثال شعبية
loooooooooolllllllll

AZ said...

طب والنبى انا مابتطلبش معايا تهييس كده ا فى المواقف المصيريه