4 Aug 2005

ممكن اسألك سؤال؟

اتفضل اسأل
هو انتى وسط افكارك دى بتفكرى انك انثى ومحتاجه تتجوزى؟
لا
انا برده كنت بقول كده
وهو انا لازم اتجوز وخلاص؟
اى انثى محتاجه لضهر تستخبى جواه
انا محتاجه لضهر اتسند عليه وحضن استخبى جواه وقلب انام على صوت دقاته كل ليله وعقل يحتوينى كلى على بعضى
ايه ده مين معايا!!!!!!! انتى ده والا حد غيرك بيقول كده
لا انا
امال ليه مش عايزه تتجوزى؟
عشان كل الولاد دلوقتى عندهم كل الاعضاء لكن لا تقوم بالوظائف السابق ذكرها اعلاه
سهل اوى انك تلاقى حد عنده قلب وحضن
نسيت اهم حاجه" العقل اللى يحتوينى"
انتى عايزه واحد صايع حياه عشان يعرف يحتويكى
الورد له اوان والفل له اوان وقت ماييجى النصيب ماحدش بيقدر يقول لا ماينفعش اتجوز لمجرد الجواز وضل راجل ولا ضل حيطه
ثم تفرعت المناقشه لنقاط اخرى لا علاقة لها بالحوار السابق

10 comments:

وليد said...

والنصيب احيانا بيكون مؤلم وبيزعل ويحصل النصيب التانى الذى هو ابغض الحلال


طيب تقبلى تكونى زوجه تانيه لشاب صغير السن بيحبك وشاريكى
تقبلى
مثقف ومحترم ومتعلم

ولا الزوجة التانيه حرام


معلش هو سؤال فى دماغى ممكن يكون حاله شخصيه

لكن محتاج أعرف رايك؟؟

وليد said...

وانتى فين مش بتيجى زعتر ليه

حارة زعتر


وحشتنا خربشاتك

http://z3tr.loaloaa.com

AZ said...

لا ماقبلش اكون زوجه تانيه لان الزوجه الاولانيه دايما بيكون ليها مكانه خاصه من حقى احتلها فى حياه شريك حياتى .. الزوجه الاولى عمرها ما بتتمحى من ذاكره اى راجل حتى لو ماتت او طلقها بتفضل اول تجربه بحلوها ومرها.. بس ممكن اقبل انى اكون زوجه اولى وفى زوجه تانيه.. ان الزوج يحس انه محتاج لزوجه تانيه يبقى حاجه من الاتنين يا اما فى حاجه ناقصاه يا اما هو راجل طفس.. لو فى حاجه ناقصاه وانا شايفه انى مقدش البيهاله هسيبه يتجوز ولو هوو طفس اكيد برده مش هتبقى مفاجاه ليه انه يتجوز عليه بدل مايروح يعك اكيد طبعا هحاول اثنيه عن عزمه لو انا شايفه انها مجرد نزوه بس لو اصر اكيد مش همنعه.. وفى كلا الحالتين افضل انه يكون بعلمى عشان من ورايا تبقى خيانه ولو عرفت انه عمل كده من ورايا اكيد هتطلق منه

وليد said...

والله اول مره اسمع كلام بالعقل ده رغم انى اختلف مع بدايته

لكن يكفينى انه كلام عاقل

unknown said...

عشان كل الولاد دلوقتى عندهم كل الاعضاء لكن لا تقوم بالوظائف السابق ذكرها اعلاه

...............
وانا أويد هذا الرأى

Pianist said...

ana 3ayz as2al so2al?
hwa leh dayman el bent betfteker en elwalad delwa2te ma3andohomsh masha3er, leh betshof en 3andohom a2lb we 7odn bas unused?
leh mesh betfakar be el3aks ?
y3ne e7na kaman me7tagen 7anan
7anan we bas walhy
shwayt 7anan we bas kefaya mesh 3ayz aktar men keda ma3 shawyt 3a2l we wa3y baset be el omor
el welad kaman me7tagen dah walhy mesh el banat bas.

AZ said...

the human race kollo 3yz darb el bol3'a

Aladdin said...

بلاش "تعميم" يا إي. زد. مش كل الرجال ولا كل النساء...

AZ said...

من الطبيعى ان يبقى فى نسبه مستثناه كبرت او صغرت واعتقد انى مش محتاجه اوضح ده كل مره لانه شىء مفهوم ضمنيا على ما اعتقد يا ليلو

Socrates said...

يا خسارة .... ا