8 Aug 2005

عاهره

عاهره انا من قديم الازل.. ليس لانى احب ذلك ولكن لانى لا اعرف اية حرفه اخرى سوى البغاء.. لم يكن فهمى قادر على استيعاب المناهج التعليميه فى المدارس وليس ابى بالرجل الثرى الذى.. عفوا .. فحتى لا اتهمه بما لا اعلم .. لعله يكن ثريا فانا لا اعرف لى اب فأمى ايضا كانت بغى.. فنحن عائله تحترف تلك المهنه.. كمن يحترفون اى مهنه فى الحياه.. لم افهم يوما لماذا يزدرينى المجتمع؟.. من هو المجتمع؟؟ اهم من يسبوننى وامثالى فى النهار على صفحات الجرائد ويرتمون بين افخاذى فى آخر الليل؟ ام هم من يحاولون نهش جسدى كل يوم؟ ام هن النساء اللواتى يدعين العفاف لانهن عشيقات فى السر يمارسن البغاء بدون ثمن؟.. اى منا اشرف؟ انا ام هن؟.. انا امارس البغاء لانى لا اعرف سبيل آخر لكسب العيش غيره فلا انا حاصله على شهاده ولا امتلك اية موهبه ولا اتميز بأية شىء سوى جسدى .. فهو رأس مالى الذى اتاجر به وموهبتى التى اجيد استغلالها.. لم يكن لى يوما زوجا او حبيبا او حتى عشيقا فالكل بالنسبه لى سواء... اكل عيش يعنى... يلعننى الكثير منهم بعد ان يضاجعونى.. وكم منهم حذرونى من جهنم.. ودوما تاخذنى الحيره من تحذيراتهم.. هى يعنى الرجاله ي.... وانا اخش النار وهم يخشوا الجنه.. .. ...
ابت المومس ان اكمل الحديث عن لسانها بالفصحى وسالتنى ان انقل الكلام التالى عن لسانها بالعاميه... طب وانا ذنبى ايه يعنى وانا كنت عرفت اشتغل حاجه تانيه وقلت لا!!! ماهى البلد ماليانه رجاله... وطول مافيها رجاله يعنى لازم يبقى فيها مومسات.. هى الدنيا كده وانا ذنبى ايه ان جه بختى فى قسمتى دى ماهو ربنا خلقنا دكر ونتايه وطول مافى دكر يعنى هيعوز النتايه.. قالولى اتعلمى حرفه تكسبى منها عيش.. رحت اشتغل بيوميه فى مصنع وانا عندى 18 سنه ملاحظ المشغل كان قارفنى اكمنى كنت احلى بت فيهم وكان عاوزنى فى الحرام مع انه كان راجل متجوز وعنده بنات من دورى.. طيب هو انا يعنى مكتوب عليه اشقا واتعب بالنهار فى المصنع عشان ابقى برده مومس!!!!!!.. قلت ملعون ابو دى شغلانه.. وسيبتها ورحت مصنع تانى.. وكل مصنع فيه ملاحظ وكل ملاحظ عاوزنى فى الحرام وان مكنش الملاحظ يبقى المدير والا الغفير والله ماعرف يبقوا ايه اهم كلهم رجاله وكلهم عايزين حرام.... كان يعنى حد طلبنى فى الحلال وانا قلت لا...كل الناس عارفه ان امى مومس وعشان كده كانوا بيعوزونى فى الحرام .. وعشان كده انا ورثت المهنه على امى واخواتى برده ورثوها عن امى.. دى نصيبه اهيه دى.. هو سى المجتمع بتاعكوا ده يخلينى اشتغل زى امى بالعافيه بعدين يرجع يشتمنى انا وامى مش هم اللى خلونا نشتغل كده!!!!!! ماهى امى برده وليه غلبانه ومكسوره الجناح ولاكانتش تعرف تعمل حاجه تانيه غير شغلانتها دى والناس هى اللى علمتهالها يعنى هى كانت تعرف منين ماهى كانت مولوده مغمضه زى كل البنات بس امى مكانش ليها ضهر يسندها ويحميها.. غيرها بقى لقيت ضهر تتسند عليه يحميها اما حد يبصلها ويعوزها فى الحرام تلاقى الف يد تتمد على خلقته.. لكن انا اما كانوا يعوزونى فى الحرام واقول لا كانت الايدين تتمد على خلقتى انا

22 comments:

santakarim said...

man kan mankom bla 7'ate2a ....

Milad said...

ـ "لا يجوز أن نطالب أحدًا بأن يخضع لقواعد المجتمع إذا كان هذا الشخص لا يحس بانتمائه لهذا المجتمع"

جملة سمعتها في ورشة عمل في جمعية أهلية ومازالت ترن في أذني من ساعتها.
ـ

راضى said...

البوست ده واللى قبله
كانوا سبب فى أنى اقرا كل البلوجر بتاعك

مش عارف دى حاجة مهمة ولا لأ
بس حسيت ان من حقك تعرفى
اه كمان انا عمرى ما قريت بلوجر كامل لأى حد



هو انتى اسمك ايه؟

Pianist said...

انا لما قريت البوست ده جه في دماغي سؤال
انا لو قابلت البنت دي هل هاتعاطف معاها فعلا ولا لأ؟
بجد مش عارف الاجابة
ممكن اتعاطف معاها عشان ظروفها بس معرفش لسه حايفضل حاجز من الموروثات مش هاعرف اتغاضي عنه
انا اكيد بارتكب خطايا كتير الفرق انها بتقول ده ودي شجاعة انا احترمها فيها جدا
بس برضه مش عارف

Aladdin said...

هل هذا من قبيل "حدث بالفعل"؟

لو فعلا فكريني أحكيلك قصة جامدة عن نفس هذا الموضوع.. حاجة كده زي "اعترافات عاهرة".

AZ said...

هههههههههههههههههه لا مش حاجه بجد طبعا بس هو ده واقع الحياه
فى ستات فعلا مابيعرفوش يعملوا حاجه تانيه فى الدنيا غير كده لان بيئتهم ثقافتها بتقول ان الانثى مالهاش وظيفه غير اكثر من جسد لو ليها راجل يحميها ماحدش يقربلها مالهاش تبقى بتاعه اللى يلاقيها

AZ said...

ده من دواعى سرورى يا اخ راضى :)

Ghada said...

أنا بس عايزة أقول لك برافو على ان عندك الشجاعة الكافية لعرض الموضوع ده.
أما عن رأيي أنا الشخصي فأنا مليش حكم. لأنه ببساطه مش من اختصاصنا احنا نحدد مين أحسن من مين. العملية أعقد من الظاهر اللي بنشوفه.
كل اللي أنا بعمله اني أقول الحمد لله على اني مش ف الموقف ده.

AZ said...

ماحدش طلبمنك انك تقولى مين احسن من مين لانك انتى مش ربنا ولا احنا ربنا عشان نحكم على حد وو ده بالزبط اللى انا عايزه اقوله.. احنا اللى حكمنا على الناس اللى زى البنت دى انهم يكونوا كده لاننا مجتمع لا يعترف بتوبه الافراد ولا الرجوع عن الغلط.. اللى بيغلط مره المجتمع بيمنته الغباء بيحكم عليه انه يكرر نفس الغلطه للابد.. بنعاقبهم زى سيزف اللى الالهه حكموا عليه يرفع صخره لحد ماتوصل لقمه جبل منحدر وكل ماتوصل للقمه تتدحرج تانى للقاع ومفروض عليه يزقها تانى لحد القمه

Guevara said...

صادمةٌ انتِ دائماً

moe said...

اهنيكي علي جرأتك

a.nashat said...

عارف انى مش من حقى احكم على اى حد , بس هل من المفروض اننا نخضع للمجتمع ,بيتهيألى لأ , انا عارف ان الظروف بتفرض على ناس كتير حاجات كتير وانه صعب جدا على اى حد بنت انها تقاوم ظروف زى دى,بس انا رأيى ان العقل معناه القدرة على الأختيار ولو انا عايز اكون انسان كويس يبقا لازم أختار انى أكون كويس , ماينفعش اسمح لأى حد يختارى اكون مين أو ايه,حتى لو كان المجتمع

AZ said...

اكيد طبعا.. بس انت مش شايف ان الناس بتتعرض لضغوط غير عاديه من المجتمع؟ ضغوط فعلا مش اى حد يقدر يستحملها.. يعنى ماينفعش امسك واحد احطه على سور بلكونه واقعد ازق فيه وهو يقاوم لحد مايتعب فى الاخر من المقاومه ويقع واجى فىالاخر الومه انه وقع مانا اللى حادفه.. يمكن هو كان مفروض يقاوم اكتر.. بس كل انسان وليه طاقه

أحمد said...

بس معلهش مفيش مومس بتتكلم كدا غير في الأفلام ، ولو واحده قالت كدا تبقي بتعمل فيلم على اللى بتكلمه و خلاص

amgadpasha said...

اوكى,مبدئيا البوست عجبنى جدا, الاسلوب رائع و الفكره جميله.. ثانيا انا مش بهاجم البنت او معترض عليها.. لكن فيه شوية تعميمات خلتنى اسأل
ليه مش كل الناس اللى فى ظروف صعبه بينحرفوا.. ليه اى بنت تانيه الملاحظ حاول يتحرش بيها مأستسلمتش..
انا عارف انك اضفتى جزء الوراثه علشان تردى على النقطه دى, لكن برضه.. مش مقتنع اوى.. اكيد البنت كان ليها مخارج تانى.. مش عارف, حاسس ان الموضوع مش بسيط كده.. فيه حاجه جوه اى إنسان بتخليه يختار يمشى فى الطريق الصح او الغلط.. مش كل المجتمع عشيقات فى السر و رجال بيناموا مع بغايا.. مش بس المجتمع اللى بيدفع الناس للإنحراف

Anonymous said...

اكيد هذافلم من افلام المراهقه ما لحظنا هذا في الدول العربيه ونتمنى ان نرى زي هذه الافلام

Anonymous said...

اكيد هذافلم من افلام المراهقه ما لحظنا هذا في الدول العربيه ونتمنى ان نرى زي هذه الافلام

Anonymous said...

اكيد هذافلم من افلام المراهقه ما لحظنا هذا في الدول العربيه ونتمنى ان نرى زي هذه الافلام

Anonymous said...

اكيد هذافلم من افلام المراهقه ما لحظنا هذا في الدول العربيه ونتمنى ان نرى زي هذه الافلام

Guevara said...

بجد بوست محترم جدا و هايل حتى لو كان بالكامل من نسج خيالك

و أحترم جدا دفاعك عن تلك الفئه المظلومه جدا فى و من المجتمع

و شجعتينى للحديث عنهم و مساندتهم أيضا فى مدونتى

Esam93 said...

"قالولى اتعلمى حرفه تكسبى منها عيش.. رحت اشتغل بيوميه فى مصنع وانا عندى 18 سنه ملاحظ المشغل كان قارفنى اكمنى كنت احلى بت فيهم وكان عاوزنى فى الحرام مع انه كان راجل متجوز وعنده بنات من دورى.. طيب هو انا يعنى مكتوب عليه اشقا واتعب بالنهار فى المصنع عشان ابقى برده مومس!!!!!!.. قلت ملعون ابو دى شغلانه"
دى الجملة الوحيدة المفيدة فى التدوينة الباقى كله اشاعات :)

Anonymous said...

بصراحه مش قادر اتعاطف معاكي علشان احنا دايما اللي بنخلق الظروف الصعبه وبعدين نعملها شماعه نعلق عليها اخطأنا . علشان اللي عايز يبقي كويس هيبقي حتي لو مولود ف بيئتك ووسط مستنقع ملايين حول العالم مرو بظروفك اظن مش كلهم بقو عاهرات