لحد سن 10 سنين_ ادى بوسه لعمو وخدى احمد العبوا فى اودتك وريله العروسه الجديده بتاعتك
سن 10-12 سنه_ البنت كبرت واتدورت وخراط البنات خرطها ماعادش ينفع تلعب مع احمد- احمد كان بيقولك ايه فى التليفون؟
من سن 12-16 سنه_ او احمد جه مع مامته وباباه تانى تخشى اودتك وماتطلعيش منها غير عشان تسلمى عليهم وتدخلى الشاى- لو حد عاكسك فى الشارع اوعى تردى عليه
سن الجامعه_ اوعى تكلمى زمايلك الولاد- اوىع تقفى فى الشباك- انتى ازاى تخرجى بكحل فى عينك!!!!!!!! ممنوع تلبسى حاجه ضيقه كده وانتى خارجه انتى مابقيتيش صغيره- ماتتاخريش بره البيت عن الساعه 9
بعد التخرج_ احمد جاى مع مامته وباباه النهارده يتغدوا عندنا- حطى فى وشك شويه الوان وبلاش اللبس المقفول ده هو احمد غريب!! ده انتوا متربيين مع بعض
من سن 25 سنه فما فوق_ يا خايبه طيرتى احمد من ايدك يابنتى اتلحلحى شويه انتى هتفضلى خيبه كده لحد امتى دايما لابسه هدو مقفوله ولا بتحطى اى الوان فى وشك اما بقيتى عامله زى الراجل هيجيلك عرسان اازاى كده يابنتى
8 comments:
لوووووووووووووووووول
تصدقى كان فى بالى حاجه شبه كده
بس عموما بوست فى الصميم
هو أحمد طار!!!!!!!
طار والله طار
بس انا عن نفسى مكنش عندى احمد اساسا ولا محسن عشان كده انا واهلى ارتحنا من الحوارات المتعلقه باحمد وشركاه
ايووه ملعوبه قوى
بصراحه انا بستمتع قوى بدور احمد
فى الحقيقة احمد هو المستفيد دايما
و على رأى اخوانا حياك الله
ليت الفتى أحمد.. يا ليتني أحمد
إن طار أحمد ..فكلنا أحمد
:-)
but you may add another scenario, when ahmed will propose and the girl's family treated him as they never thought of it, we homa bas hait3atfo 3alih 3lshan homa nafsohm 7alwa...
عاجبني اوي توضيحك لتناقض الاهل
بس تفتكري ان فيه ناس لحد دلوقتي لسة معلقين لستة ال"اوعي" دي؟
اعتقد ان اللستة دي اتنقلت من اوضتة البنت لاوضة الولد
(اوعي تسهر مع صحابك لاحسن يخلوك تشرب سجاير)
(اوعي تكلم عيوشة بنت الجيران لاحسن تحطك في دماغها وتضحك عليك وتخليك عايز تخطبها)
اوعي تتكلم علي النت مع بنات مش كويسسين لا حسن النت ده ماليان بلاوي)
وبعدين اذا طار احمد ففيه محمد ومحمود وعلي وابراهيم وعفيفي كل دول هايتكرر معاهم نفس الموال
هيه اصلها حلقة مفرغة من الهواء تخنق يعني
حلوة :)
Post a Comment