25 Mar 2005

يا امايا

يا امايا سكى الباب
وتعالى خبينى
واجف الجدع عالباب
بصوته بنادينى
عنب شفايفك طب ياحلوه جاوبينى
يا اماى سكى الباب
وتعالى ضمينى
كيف ماعشج سمار الابريم
ومين يكره المسك والرياحين
هويت حفيف خطاوى النخيل
والنور اللى على جبينه

يا اماى ردى الباب
وتعالى جوليلى
زينه انا يا اماى؟
بالله لا تخزينى
ورد الخدود زهر
والا لساه غفلان
والعود لسه اخضر
والا اوانه حان؟
يا اماى افتحى الباب
وتعالى طمنينى
واجف لساه عالباب
والا راح وسلينى؟
والله انا عشجاه وبنظره يحينى
كلامه زين يا اماى
وصوته كيف الناى
حزين بيشجينى
طب اعمل ايه يا اماى
فى رمش سارجنى
وجلب عاشجنى
معجول ارده حزين؟
يا يوما ردى عليه
جوليله ياجينى

1 comment:

Omar said...

حلو قوي، كلام مين ده؟