أيوه الثورة دي مش بتاعتك…وأيوه لو صدقت انها بتاعتك تبقي مغفل…ازاي تصدق ان الثوره دي بتاعتك لوحدك دونا عن العالمين؟ بذمتك ودين أبوك يا شيخ هو شخص يبقي ثوره؟ حصلت دي في التاريخ قبل كده؟ قريتها حتي في روايه؟ فاكر انت قصه همس الجنون بتاعه نجيب محفوظ لما واحد عمل ثوره علي التقاليد وقلع ملط ونزل الشارع جراله ايه؟ راح سراية المجانين يا فكيك….. بذمتك انت لو واحد نزل الشارع وقال انا ثوره دا يروح فين غير سراية المجانين!!!!!! تخيل بقي كمان لما تبقي انت قاعد في بيتكوا وبتقول انا الثوره!!! امك جابتهالك في عيد ميلادك يعني ولا طلعتلك بدل الجادون في غطي إزازة كوكاكولا!!!!!!!
هتقوللي سعد زغلول ومحمد فريد هقولك لا سعد زغلول ولا محمد فريد كانوا ثورات…دول كانوا بني ادمين وحدوا صفوف الشعب…هو انت فاكر ان سعد زغلول لو كان لوحده كانوا سابوه صاحي ولا كنا سمعنا سيرته في الكتب اساسا؟ سعد زغلول لما اتحبس كل الناس اللي كانت عايزه نفس اللي هو عايزه نزلوا الشوارع والفلاحين خلعوا فلنكات القطرات…وغنوله يا بلح زغلول يا حليوه يا بلح عشان كده قرينا اسمه في كتب التاريخ مع اننا ماعرفناش اسامي الناس اللي نزلت الشارع ولا اسامي الناس اللي خلعت الفلنكات بس عرفنا انهم كانوا كتيييييير واللي عملوه دا اسمه ثوره ١٩١٩ اللي قامت لما سعد زغلول اتحبس مش عشان سعد زغلول قال نا الثوره اعملولي اللي انا عايزه…ولا ماخدتش تاريخ في الإعداديه بسلامتك؟
فوق بقي ياعم الثورجي الخرافي…الثوره مش بتاعتك…ومش بتاعتي…ومش بتاعة وائل غنيم…ومش بتاعة البرادعي..ومش بتاعة اي حد ايا كان هو مين…الثورة دي بتاعتنا…واخد بالك انت من ال "نا" الداله علي الفاعلين؟؟؟؟ يعني الثوره مش بتاعة "شخص لوحده" يعني تقدر تقول كده ان احنا زي الكتير اللي نزلوا الشارع وقالوا سعد سعد يحيا سعد وخلعوا الفلنكات.
الفرق انا مانزلناش الشارع ننده علي حد زي بتوع ثوره ١٩١٩…احنا نزلنا نقول اديني حقي مافتحش بقي…هل احنا مختلفين علي طبيعة حقنا؟ ماعتقدش..كلنا عايزين نعيش في بلد نضيفه البوليس يعاملنا فيها كويس وناخد مرتبات كويسه ونتعالج كويس ونركب مواصلات كويسه وعيالنا يتعلموا كويس…الخ
كل ده مكانش بيحصل قبل كده ليه؟ برده معتقدش اننا هنختلف علي السبب…هو مش كلنا عارفين ان خير البلد كان بيتسرق؟ وكلنا عارفين مين كان بيسرقه…يمكن عارفين معظمهم بالإسم..ليه الناس اللي سرقتنا دي عرفت تسرقنا وعرفت تخلينا مانفتحش بقنا؟ عشان الناس دي كانوا عاملين نظام سايق البلد بيديهم هم السلطه والمال ومدينا احنا علي قفانا…احنا مين؟ احنا كل واحد عايش في البلد دي…مسلم..مسيحي…شيوعي…ملحد…كبير…صغير…تخين….رفيع…راجل…ست…موظف…عاطل…صاحب شركه…أي حد ماهواش جوا الحراميه مكانش من حقه أي حاجه…يبقي حقنا ييجي ازاي؟؟؟ برده معتقدش اننا هنختلف…حقنا ييجي اولا ان الناس اللي كانت بتسرقنا دي أولا تبطل تسرقنا…..ثانيا نحاسبهم وناخد فلوسنا منهم…ثالثا نعمل نظام تاني يمشي البلد يبقي لكل واحد فينا ليه حقه واحنا عايشين حياتنا معززين مكرمين
اللي قالك الثورة دي بتاعتك انت وحافظ عليها هو اللي قالك ان وائل غنيم بيقول الثوره دي بتاعته وبعدين قالك ان وائل غنيم كذا وكذا واوعي تصدقه..و"هو" برده اللي قالك ان البرادعي بيقول الثوره دي بتاعته وبعدين قالك ان البرادعي كذا وكذا وكذا اوعي تسيبه يسرقها منك دا وحش…مع ان لانا ولا انت سمعنا اي حد او شوفنا اي حد بيقول بعضمه لسانه كده انا اللي عملت الثوره…واللي قالك كده هو برده اللي قالك هيييييييييييه الثوره بتاعتك نجحت فرقع بومب وصواريخ وانزل احتفل انت خلاص ثورتك نجحت واخدت اللي انت عايزه برافووووووووووووو…وهو برده اللي قالك علي اي حد حاول يفهمك حقك فين وتجيبه ازاي "الناس دي تطلع مين عشان تتكلم بلسانك"! اخص عليهم الحراميه عايزين يسرقوا ثورتك اوعي تسيبهم اديهم بالجزمه واشتم فيهم وماتسمعلهمش…و"هو" برده اللي كل مابتاخد خطوه بيقولك خلاص برافووووووو ويسقفلك ويعملك احتفالات ويطلعلك ناس في التليفزيون والجرايد وكل حته يقولولك انت برافو عملت اللي انت عايزه اتفشخر بنفسك وماتطلبش أكتر من كده انت بقيت ميت فل وعشره والعالم كله بيسأفلك…و"هو" برده اللي بيقعد كل يومين يخوفك بحاجه شكل: الحق اسرائيل هتخش من الباب وامريكا من الشباك…الحق عيالك البلطجيه هتدبحهم لو راحوا المدرسه وامنا الغوله مستنيك في بير السلم وابو رجل مسلوخه واقفلك علي الناصيه….و"هو" اللي بيقولك الحق ولاد الكلب العمال بيطالبوا بحقهم هو دا وقته دول عالم أنانيين عايزين ياخدوا حقهم علي حسابك! حقك انت الأول وملعون أبو اي حد تاني بيطالب بحقه وانت اخدت حقلك خلاص يبقي ملعون أبو الباقيين…و"هو" اللي طول النهار والليل باعتلك ناس من كل حته يقولولك انت انت انت انت وملعون أبو اي حد تاني عشان يشيل من دماغك المفهوم بتاع "إحنا" عشان يفصلك ويخليك لوحدك وبطولك بعيد عن الباقيين الوحشين وانت الكويس اللي من البيت للشغل ومن الشغل للبيت وبتكنس الشارع في اوقات الفراغ…عشان "إحنا" نتفتفت ونبقي انا لوحدي وانت لوحدك وكل واحد لوحده عشان لا ولا انت ولا غيرنا ناخد حقنا ويفضل "هو" واكل حقنا ومدينا علي قفانا
مين "هو" اللي بيقولك الكلام ده؟ لانت تعرفه بشكل شخصي ولا أنا…لأنه كيان ابن جزمه متشعب في كل حته قاعد في بيته وري الحيطان وبيحرك الدنيا وانت مش شايفه ولا عارفه…الكيان ده بيستغلك انت عشان يخليك انت تتنازل بإيدك عن حقوقك اللي الثوره اتعملت عشان تجيبهالك منه "هو" لأن من مصلحته "هو" الشخصيه انك متاخدش حقوقك..لأن ببساطه "هو" اللي واكل حقوقك دي بقاله سنين من أيام أبوك ويمكن جدك…"هو" ده يبقي "النظام" اللي الثوره اتعملت عشان تهده وعمال بيفلفص عشان يحافظ علي الباقي منه عشان يعمل لنفسه راس جديده بدل اللي طارت…"هو" دا يبقي بواقي الحكومه القديمه اللي مادخلتش السجن…وبواقي رجال الأعمال اللي مادخلوش السجن..وبواقي الحزب الوطني….وأمن الدوله….ورؤساء تحرير الجرايد والقنوات المنتفعه من المنظومه القديمه بشكل واضح ومش محتاج أدله أكتر من اللي احنا شوفناه بعنينا التلاتين سنه اللي فاتوا وان كنت ناسي افجرك عشان خساره فيك الكلام…وناس تانيه ليها مصالح يمكن مايجوش علي بالنا…عشان كده طول الوقت عمالين يقولولك انت طيب وحنين ومؤدب وكويس اوعي تيجي جنب الناس اللي مادخلتش السجن دي يا راجل دول ماعملولكش حاجه…ايه يعني غلطوا سامحهم يابو قلب كبير الناس الوحشه في السجن…واللي بره السجن كلهم حلوين… دا هم دول يا جدع اللي هيجيبولك حقك…انت عايزهم…انت محتاجلهم…حرام عليك يا قاسي انت ماعندكش اخوات بلاستيك
تخيل بقي انت تبقي أهبل قد ايه لما انت تتنازل عن حقك بإيدك وتشتم الناس اللي بتحاول تجيبلك حقك لحد عندك وكمان تقف ضدهم؟!!!!!!!!!!!! انا شخصيا معرفش مين كويس ومين وحش…بس اعرف لما تيجي سيره حد اشوف الحد ده بيقول ايه وبيتقال عليه ايه وهو عايز ايه واللي قاللي الكلام ده عنه عايز ايه وانا عايزه ايه عشان اعرف مين فيهم اللي معايا ومين فيهم اللي ضدي…لما حد يجيبلي عنهم كلام اسأله انت جيبت الكلام ده منين؟ واعدي الكلام ده علي مخي وأشوفه بينطبق ولا لأ واشوف الناس دي بتطالب بإيه وده بيتفق مع مصلحتي كمواطن ولا لأ. لما حد يقوللي شباب إئتلاف الثوره أو غيرهم مش من حقهم يتكلموا بإسمك دول بيسرقوا الثورة بتاعتك بسأل نفسي الأول هم الناس دي بيطالبوا بإيه؟؟ بكتشف انهم بيطالبوا بنفس اللي انا عايزاه بالظبط….حكومه نضيفه تجيب لكل واحد في البلد حقه…رئيس جديد مايبقاش ليه سلطات فرعون اللي سمعنا عنها في كتب التاريخ وشوفناها بعينينا في عهد حسني مبارك…نظام أمني يكون وظيفته انه يحافظ علي أمني الشخصي مش وظيفته انه يحبسني لما اقول عايزه حقي. وان كل حاجه وكل مسئول يبقي خاضع للرقابه القضائيه والمسائلة القانونيه لو غلط…هو عيب اني اعيش في بلد البني آدم فيه ليه قيمه حتي لو شغال بياع جرايد! يبقي اللي جاي يقولي الناس دي بنت كلب هو اللي ابن ستين كلب عشان فاكرني عبيطه وهصدقه!
انا واحده ورايا شغل ومش متفرغه للعمل السياسي…بجري وري اكل عيشي…لما الاقي حد انا معرفوش نازل بيطالب بحقي هقوله شكرا واستمر…ادام انا عارفه مصلحتي فين وعارفه اللي نازل يتكلم بإسمي ده بيقول كلام في مصلحتي هقوله استمر وانا معاك يا بومبو. حتي لو كان مقابل ده انه ياخد سوكسيه اعلامي. حتي لو كان هو حشاش أوخمورجي…عشان انا مش هناسبه انا مالي انا هو مسيحي ولا مسلم ولا شيوعي ولا ملحد هو انا هناسبه! انا واحده عايشه في البلد دي وعايزه اعيش فيها باحترامي واللي بيتكلم ده عايز انا وهو وكلنا نعيش باحترامنا وناخد حقنا هقف ضده ليه! انشالله حتي لو طمعان في الظهور الإعلامي أو طمعان في منصب سياسي هيفرق معايا انا ايه؟ هو انا عايزه اطلع في التليفزيون امسك الميكروفون وأقول بيب بيب ولا نفسي أمسك وزاره المكسرات! أنا مال أمي انا بنوايا الناس ولا سلوكياتهم في حياتهم الشخصيه هو انا ربنا! انا واللي بيتكلم عايزين أي ابن كلب قاعد علي كرسي بيسرقني من خلاله يقوم ويقعد مكانه واحد تاني ذمته نضيفه وفاهم شغله ولما يغلط اعرف احاسبه بالقانون…ولو ده اتحقق مش هيفرق لو ابليس كان رئيس الجمهوريه أو رئيس الوزرا عشان لو لعب بديله هيتحاسب والقانون هيجيبلي حقي من حباب عينه أيا كان هو مين..يعني انا واللي بيتكلم حتي لو معرفوش هدفنا واحد وعدونا مشترك…يبقي ابعد عنه ليه! عشان هو بيطلع في التليفزيون وأنا لأ!!!!!!!!
عرفت بقي مين اللي بيحاول يسرق منك الثوره الوهميه بتاعتك اللي انت عملتها في الكبانيه؟؟؟؟؟ ماتبقاش زي راس الكرمبه وتعيش دور البطل الوهمي اللي طلع القمر مشي فجزمته اتنسلت ورجع حافي….ركز في الكلام اللي انت بتسمعه وعديه علي مخك…الموضوع مش عويص ومايستدعيش اكتر من انك تحرق شوية سعرات حراريه في التفكير يا بني آدم ياللي ربنا ميزك عن البهايم بالقدره علي التفكير واتخاذ القرار…فاستخدم مخك اللي ربنا اداهولك عشان ماتبقاش زي البهيمه اللي يقولها حاااااااا ويزق تروح معاه
كنا بناخد زمان في المدرسه حكايه الراجل اللي لم ولاده الكتير واداهم كل واحد عود خشب وقالهم اكسروه فكسروهم…وبعدين اداهم حزمه وقالهم اكسروها ماعرفوش يكسروها ولا حتي اقوي واحد فيهم قدر يكسرها فأبوهم قالهم"الاتحاد قوه" لو انفرطتوا هيبقي سهل علي اي حد يكسركوا ولو اتلميتوا ماحدش هيقدر عليكم….أيوه انا بهزأك وبرفع عليك الشبشب عشان انا جيت اقف جنبك واقول معاك "عايزين حقنا" وانت عايز تبعد عني عشان اللي واكل حقنا بيقولك ان انا وحشه وعايزه اضرك فروحت سايبني زي العبيطه واقفه لوحدي راح ابن الكلب اللي واكل حقوقنا مديني قفا وقبل مايتدور ويلهفك انت كمان قفا جه ناس تانيه وقفت معايا وحاشت ايده عن قفاك روحت انت متدور وشاتمهم عشان مسكوا ايده اللي انت متخيل انه كان رافعها عشان يطبطب عليك…بهزأك عشان تفوق وتفهم ان انا وانت والناس اللي بتشتمهم حاجه واحده يا مواطن البلد اللي انا عايشه فيها…عشان تفهم ان وانا لوحدي هاخد علي قفايا وانت لوحدك هتاخد علي قفاك…عشان تفهم اني انا محتاجالك وانت محتاجلي…وانا وانت محتاجين صحابنا وقرايبنا وصحاب صحابنا وقرايب قرايبنا واللي نعرفهم واللي مانعرفهمش عشان كلنا ناخد حقنا ومانتكسرش…انا وانت حاجه واحده وعدونا المشترك هو اللي بيحاول يبعدنا عن بعض عشان يعرف يكسرنا واحد واحد لأنه مش عارف يكسرنا واحنا حته واحده….فهمت ولا اشد في شعري ويقولوا البت اتجننت؟؟؟؟؟؟؟؟؟
هتقوللي سعد زغلول ومحمد فريد هقولك لا سعد زغلول ولا محمد فريد كانوا ثورات…دول كانوا بني ادمين وحدوا صفوف الشعب…هو انت فاكر ان سعد زغلول لو كان لوحده كانوا سابوه صاحي ولا كنا سمعنا سيرته في الكتب اساسا؟ سعد زغلول لما اتحبس كل الناس اللي كانت عايزه نفس اللي هو عايزه نزلوا الشوارع والفلاحين خلعوا فلنكات القطرات…وغنوله يا بلح زغلول يا حليوه يا بلح عشان كده قرينا اسمه في كتب التاريخ مع اننا ماعرفناش اسامي الناس اللي نزلت الشارع ولا اسامي الناس اللي خلعت الفلنكات بس عرفنا انهم كانوا كتيييييير واللي عملوه دا اسمه ثوره ١٩١٩ اللي قامت لما سعد زغلول اتحبس مش عشان سعد زغلول قال نا الثوره اعملولي اللي انا عايزه…ولا ماخدتش تاريخ في الإعداديه بسلامتك؟
فوق بقي ياعم الثورجي الخرافي…الثوره مش بتاعتك…ومش بتاعتي…ومش بتاعة وائل غنيم…ومش بتاعة البرادعي..ومش بتاعة اي حد ايا كان هو مين…الثورة دي بتاعتنا…واخد بالك انت من ال "نا" الداله علي الفاعلين؟؟؟؟ يعني الثوره مش بتاعة "شخص لوحده" يعني تقدر تقول كده ان احنا زي الكتير اللي نزلوا الشارع وقالوا سعد سعد يحيا سعد وخلعوا الفلنكات.
الفرق انا مانزلناش الشارع ننده علي حد زي بتوع ثوره ١٩١٩…احنا نزلنا نقول اديني حقي مافتحش بقي…هل احنا مختلفين علي طبيعة حقنا؟ ماعتقدش..كلنا عايزين نعيش في بلد نضيفه البوليس يعاملنا فيها كويس وناخد مرتبات كويسه ونتعالج كويس ونركب مواصلات كويسه وعيالنا يتعلموا كويس…الخ
كل ده مكانش بيحصل قبل كده ليه؟ برده معتقدش اننا هنختلف علي السبب…هو مش كلنا عارفين ان خير البلد كان بيتسرق؟ وكلنا عارفين مين كان بيسرقه…يمكن عارفين معظمهم بالإسم..ليه الناس اللي سرقتنا دي عرفت تسرقنا وعرفت تخلينا مانفتحش بقنا؟ عشان الناس دي كانوا عاملين نظام سايق البلد بيديهم هم السلطه والمال ومدينا احنا علي قفانا…احنا مين؟ احنا كل واحد عايش في البلد دي…مسلم..مسيحي…شيوعي…ملحد…كبير…صغير…تخين….رفيع…راجل…ست…موظف…عاطل…صاحب شركه…أي حد ماهواش جوا الحراميه مكانش من حقه أي حاجه…يبقي حقنا ييجي ازاي؟؟؟ برده معتقدش اننا هنختلف…حقنا ييجي اولا ان الناس اللي كانت بتسرقنا دي أولا تبطل تسرقنا…..ثانيا نحاسبهم وناخد فلوسنا منهم…ثالثا نعمل نظام تاني يمشي البلد يبقي لكل واحد فينا ليه حقه واحنا عايشين حياتنا معززين مكرمين
اللي قالك الثورة دي بتاعتك انت وحافظ عليها هو اللي قالك ان وائل غنيم بيقول الثوره دي بتاعته وبعدين قالك ان وائل غنيم كذا وكذا واوعي تصدقه..و"هو" برده اللي قالك ان البرادعي بيقول الثوره دي بتاعته وبعدين قالك ان البرادعي كذا وكذا وكذا اوعي تسيبه يسرقها منك دا وحش…مع ان لانا ولا انت سمعنا اي حد او شوفنا اي حد بيقول بعضمه لسانه كده انا اللي عملت الثوره…واللي قالك كده هو برده اللي قالك هيييييييييييه الثوره بتاعتك نجحت فرقع بومب وصواريخ وانزل احتفل انت خلاص ثورتك نجحت واخدت اللي انت عايزه برافووووووووووووو…وهو برده اللي قالك علي اي حد حاول يفهمك حقك فين وتجيبه ازاي "الناس دي تطلع مين عشان تتكلم بلسانك"! اخص عليهم الحراميه عايزين يسرقوا ثورتك اوعي تسيبهم اديهم بالجزمه واشتم فيهم وماتسمعلهمش…و"هو" برده اللي كل مابتاخد خطوه بيقولك خلاص برافووووووو ويسقفلك ويعملك احتفالات ويطلعلك ناس في التليفزيون والجرايد وكل حته يقولولك انت برافو عملت اللي انت عايزه اتفشخر بنفسك وماتطلبش أكتر من كده انت بقيت ميت فل وعشره والعالم كله بيسأفلك…و"هو" برده اللي بيقعد كل يومين يخوفك بحاجه شكل: الحق اسرائيل هتخش من الباب وامريكا من الشباك…الحق عيالك البلطجيه هتدبحهم لو راحوا المدرسه وامنا الغوله مستنيك في بير السلم وابو رجل مسلوخه واقفلك علي الناصيه….و"هو" اللي بيقولك الحق ولاد الكلب العمال بيطالبوا بحقهم هو دا وقته دول عالم أنانيين عايزين ياخدوا حقهم علي حسابك! حقك انت الأول وملعون أبو اي حد تاني بيطالب بحقه وانت اخدت حقلك خلاص يبقي ملعون أبو الباقيين…و"هو" اللي طول النهار والليل باعتلك ناس من كل حته يقولولك انت انت انت انت وملعون أبو اي حد تاني عشان يشيل من دماغك المفهوم بتاع "إحنا" عشان يفصلك ويخليك لوحدك وبطولك بعيد عن الباقيين الوحشين وانت الكويس اللي من البيت للشغل ومن الشغل للبيت وبتكنس الشارع في اوقات الفراغ…عشان "إحنا" نتفتفت ونبقي انا لوحدي وانت لوحدك وكل واحد لوحده عشان لا ولا انت ولا غيرنا ناخد حقنا ويفضل "هو" واكل حقنا ومدينا علي قفانا
مين "هو" اللي بيقولك الكلام ده؟ لانت تعرفه بشكل شخصي ولا أنا…لأنه كيان ابن جزمه متشعب في كل حته قاعد في بيته وري الحيطان وبيحرك الدنيا وانت مش شايفه ولا عارفه…الكيان ده بيستغلك انت عشان يخليك انت تتنازل بإيدك عن حقوقك اللي الثوره اتعملت عشان تجيبهالك منه "هو" لأن من مصلحته "هو" الشخصيه انك متاخدش حقوقك..لأن ببساطه "هو" اللي واكل حقوقك دي بقاله سنين من أيام أبوك ويمكن جدك…"هو" ده يبقي "النظام" اللي الثوره اتعملت عشان تهده وعمال بيفلفص عشان يحافظ علي الباقي منه عشان يعمل لنفسه راس جديده بدل اللي طارت…"هو" دا يبقي بواقي الحكومه القديمه اللي مادخلتش السجن…وبواقي رجال الأعمال اللي مادخلوش السجن..وبواقي الحزب الوطني….وأمن الدوله….ورؤساء تحرير الجرايد والقنوات المنتفعه من المنظومه القديمه بشكل واضح ومش محتاج أدله أكتر من اللي احنا شوفناه بعنينا التلاتين سنه اللي فاتوا وان كنت ناسي افجرك عشان خساره فيك الكلام…وناس تانيه ليها مصالح يمكن مايجوش علي بالنا…عشان كده طول الوقت عمالين يقولولك انت طيب وحنين ومؤدب وكويس اوعي تيجي جنب الناس اللي مادخلتش السجن دي يا راجل دول ماعملولكش حاجه…ايه يعني غلطوا سامحهم يابو قلب كبير الناس الوحشه في السجن…واللي بره السجن كلهم حلوين… دا هم دول يا جدع اللي هيجيبولك حقك…انت عايزهم…انت محتاجلهم…حرام عليك يا قاسي انت ماعندكش اخوات بلاستيك
تخيل بقي انت تبقي أهبل قد ايه لما انت تتنازل عن حقك بإيدك وتشتم الناس اللي بتحاول تجيبلك حقك لحد عندك وكمان تقف ضدهم؟!!!!!!!!!!!! انا شخصيا معرفش مين كويس ومين وحش…بس اعرف لما تيجي سيره حد اشوف الحد ده بيقول ايه وبيتقال عليه ايه وهو عايز ايه واللي قاللي الكلام ده عنه عايز ايه وانا عايزه ايه عشان اعرف مين فيهم اللي معايا ومين فيهم اللي ضدي…لما حد يجيبلي عنهم كلام اسأله انت جيبت الكلام ده منين؟ واعدي الكلام ده علي مخي وأشوفه بينطبق ولا لأ واشوف الناس دي بتطالب بإيه وده بيتفق مع مصلحتي كمواطن ولا لأ. لما حد يقوللي شباب إئتلاف الثوره أو غيرهم مش من حقهم يتكلموا بإسمك دول بيسرقوا الثورة بتاعتك بسأل نفسي الأول هم الناس دي بيطالبوا بإيه؟؟ بكتشف انهم بيطالبوا بنفس اللي انا عايزاه بالظبط….حكومه نضيفه تجيب لكل واحد في البلد حقه…رئيس جديد مايبقاش ليه سلطات فرعون اللي سمعنا عنها في كتب التاريخ وشوفناها بعينينا في عهد حسني مبارك…نظام أمني يكون وظيفته انه يحافظ علي أمني الشخصي مش وظيفته انه يحبسني لما اقول عايزه حقي. وان كل حاجه وكل مسئول يبقي خاضع للرقابه القضائيه والمسائلة القانونيه لو غلط…هو عيب اني اعيش في بلد البني آدم فيه ليه قيمه حتي لو شغال بياع جرايد! يبقي اللي جاي يقولي الناس دي بنت كلب هو اللي ابن ستين كلب عشان فاكرني عبيطه وهصدقه!
انا واحده ورايا شغل ومش متفرغه للعمل السياسي…بجري وري اكل عيشي…لما الاقي حد انا معرفوش نازل بيطالب بحقي هقوله شكرا واستمر…ادام انا عارفه مصلحتي فين وعارفه اللي نازل يتكلم بإسمي ده بيقول كلام في مصلحتي هقوله استمر وانا معاك يا بومبو. حتي لو كان مقابل ده انه ياخد سوكسيه اعلامي. حتي لو كان هو حشاش أوخمورجي…عشان انا مش هناسبه انا مالي انا هو مسيحي ولا مسلم ولا شيوعي ولا ملحد هو انا هناسبه! انا واحده عايشه في البلد دي وعايزه اعيش فيها باحترامي واللي بيتكلم ده عايز انا وهو وكلنا نعيش باحترامنا وناخد حقنا هقف ضده ليه! انشالله حتي لو طمعان في الظهور الإعلامي أو طمعان في منصب سياسي هيفرق معايا انا ايه؟ هو انا عايزه اطلع في التليفزيون امسك الميكروفون وأقول بيب بيب ولا نفسي أمسك وزاره المكسرات! أنا مال أمي انا بنوايا الناس ولا سلوكياتهم في حياتهم الشخصيه هو انا ربنا! انا واللي بيتكلم عايزين أي ابن كلب قاعد علي كرسي بيسرقني من خلاله يقوم ويقعد مكانه واحد تاني ذمته نضيفه وفاهم شغله ولما يغلط اعرف احاسبه بالقانون…ولو ده اتحقق مش هيفرق لو ابليس كان رئيس الجمهوريه أو رئيس الوزرا عشان لو لعب بديله هيتحاسب والقانون هيجيبلي حقي من حباب عينه أيا كان هو مين..يعني انا واللي بيتكلم حتي لو معرفوش هدفنا واحد وعدونا مشترك…يبقي ابعد عنه ليه! عشان هو بيطلع في التليفزيون وأنا لأ!!!!!!!!
عرفت بقي مين اللي بيحاول يسرق منك الثوره الوهميه بتاعتك اللي انت عملتها في الكبانيه؟؟؟؟؟ ماتبقاش زي راس الكرمبه وتعيش دور البطل الوهمي اللي طلع القمر مشي فجزمته اتنسلت ورجع حافي….ركز في الكلام اللي انت بتسمعه وعديه علي مخك…الموضوع مش عويص ومايستدعيش اكتر من انك تحرق شوية سعرات حراريه في التفكير يا بني آدم ياللي ربنا ميزك عن البهايم بالقدره علي التفكير واتخاذ القرار…فاستخدم مخك اللي ربنا اداهولك عشان ماتبقاش زي البهيمه اللي يقولها حاااااااا ويزق تروح معاه
كنا بناخد زمان في المدرسه حكايه الراجل اللي لم ولاده الكتير واداهم كل واحد عود خشب وقالهم اكسروه فكسروهم…وبعدين اداهم حزمه وقالهم اكسروها ماعرفوش يكسروها ولا حتي اقوي واحد فيهم قدر يكسرها فأبوهم قالهم"الاتحاد قوه" لو انفرطتوا هيبقي سهل علي اي حد يكسركوا ولو اتلميتوا ماحدش هيقدر عليكم….أيوه انا بهزأك وبرفع عليك الشبشب عشان انا جيت اقف جنبك واقول معاك "عايزين حقنا" وانت عايز تبعد عني عشان اللي واكل حقنا بيقولك ان انا وحشه وعايزه اضرك فروحت سايبني زي العبيطه واقفه لوحدي راح ابن الكلب اللي واكل حقوقنا مديني قفا وقبل مايتدور ويلهفك انت كمان قفا جه ناس تانيه وقفت معايا وحاشت ايده عن قفاك روحت انت متدور وشاتمهم عشان مسكوا ايده اللي انت متخيل انه كان رافعها عشان يطبطب عليك…بهزأك عشان تفوق وتفهم ان انا وانت والناس اللي بتشتمهم حاجه واحده يا مواطن البلد اللي انا عايشه فيها…عشان تفهم ان وانا لوحدي هاخد علي قفايا وانت لوحدك هتاخد علي قفاك…عشان تفهم اني انا محتاجالك وانت محتاجلي…وانا وانت محتاجين صحابنا وقرايبنا وصحاب صحابنا وقرايب قرايبنا واللي نعرفهم واللي مانعرفهمش عشان كلنا ناخد حقنا ومانتكسرش…انا وانت حاجه واحده وعدونا المشترك هو اللي بيحاول يبعدنا عن بعض عشان يعرف يكسرنا واحد واحد لأنه مش عارف يكسرنا واحنا حته واحده….فهمت ولا اشد في شعري ويقولوا البت اتجننت؟؟؟؟؟؟؟؟؟
7 comments:
it's made my day
هع هع
الفكرة ان فيه ناس كتير بتتعامل بفكرة
الحق الحصري
يعني كلامي هو صح
وانا اللي بفهم
وانا المحرك الاساسي للكون
يعني لو فرويد كان عايش
كان جاله عته مغولي
من اللي بيتقال وبيحصل
مش مهم الثورة بتاعت مين
المهم انها تمت وحدثت
ودلوقتي محتاجين كلنا نكمل
اللي بداء
مش نعمل زي الهطل
اللي كفرونا من حرب اكتوبر وماسكين علينا ذله
او احنا حضارة 7000 سنة
كل جيل بيعمل تاريخه
تحياتي
صح اوى
I wish you the absolute best of luck on ONTV tonight. Have absolutely no fear, and ignore the fact that you're on tv :) Just be yourself, but without all the cuss words :)
I loved this part of your earlier post: ادام انا عارفه مصلحتي فين وعارفه اللي نازل يتكلم بإسمي ده بيقول كلام في مصلحتي هقوله استمر وانا معاك يا بومبو. حتي لو كان مقابل ده انه ياخد سوكسيه اعلامي. حتي لو كان هو حشاش أوخمورجي…عشان انا مش هناسبه انا مالي انا هو مسيحي ولا مسلم ولا شيوعي ولا ملحد هو انا هناسبه! انا واحده عايشه في البلد دي وعايزه اعيش فيها باحترامي واللي بيتكلم ده عايز انا وهو وكلنا نعيش باحترامنا وناخد حقنا هقف ضده ليه! انشالله حتي لو طمعان في الظهور الإعلامي أو طمعان في منصب سياسي هيفرق معايا انا ايه؟ هو انا عايزه اطلع في التليفزيون امسك الميكروفون وأقول بيب بيب ولا نفسي أمسك وزاره المكسرات! أنا مال أمي انا بنوايا الناس ولا سلوكياتهم في حياتهم الشخصيه هو انا ربنا!
Good stuff. Be strong. They'll try to smile, to make it friendly, to be polite. TO make it sound like it was all a mistake. They will try to act like your old uncle who 'sympathizes' with your young enthusiasm, etc - if they're condescending, tear them up for it.
Anyway - good luck - but examples:
Like the guy from the Gam3eya Sha3eya tried to tell Yosri Fouda that the ad in ahram was a MISPRINT. He said this live on tv. Misprint my ass.
Anyway, again, best of luck.
If they bring up Article 2 ASK THEM 'Is the referendum about article 2?" INSIST they answer!
بس العالم دول بتوع اتلاف الثورة زودها بقله ادبهم واحساسهم بانهم مالكين البلد وانهم هما وبس اللي يقررو مصير البلد كأن الشعب مالوش رأي وحتي لو الشعب قال رأيه يصادرو عليه وعايزين مجلس رأسي وعايزين حتي يدخلو في الاعلان الدستوري وكل كوم وغلطهم في جيش مصر كم تاني الجيش اللي للولاه مكانش في ثورة وكان زامنا في خبر كان والجيش اللي حط رقبته علي ايدة ساعه ما وقف مع الشعب لان مبارك كان او من يحاس لو الثورة فشلت الجيش
كلامك جميل و اسلوبك ممتاز و فكرك عالى و احييكى و لكن انا اختلف معكى فى عدم التدقيق فى الشخص الذى سوف يستلم اى كرسى لاننا لم نصل بعد الى امكانية المحاسبة لعدم وجود الاعلام الشفاف و لان الناس لسة لم تتغير الكلام دة ممكن بعدين يمكن كمان 3 الى 5 سنوات لما يبقى عندنا نظام و فهم و شفافية و اعلام و قانون و وووووو
جميل جدا
Post a Comment