تنفيس عن شوق مفتري للباستيليا

باستيليا... أحلي لفظ سمعته في حياتي
الله يرحمه خالي الوسطاني بقي كان بيجيبلنا باستيليا واحنا صغيرين... ينكن خالي وحشني عشان كده بفتكر الباستيليا... ينكن...
الباستيليا -لمن لا يعلم يا ساده- هي مخلوق كروي الهيئة أخضر اللون ذو طبيعة جيلاتينية... منعنع نعنعة شديدة ومغطي بالسكر السنترافيش... وياسلام عليها لما تضرب وراها ميه ساقعه متلجه في عز الصيف بتعمل شقلباظات... آه وربنا شقلباظات من التراوه علي القلب

الله يرحمك يا خالي

يا مين يجيبلي باستيليا والفؤاد يرتاح يا لالالّي

طب كيس صغنن فيه اربع سكرات نبات في سوليفانه ملونه من معديه بورسعيد-بورفؤاد

طب غزل بنات وعقد فل

طب ملبسايه واحده بالزبده

إيه القسوه دي!!!... الحياه بقت كلبه اوي... إهيء إهيء إهيء

طظ... هقوم آكل رب سوس وانتوا لأه... تيرارارارارا... لأه تيرارارارا


ملحوظت
أبيه جوجل قاللي حالا بالا سأصارع ان في باستيليا بالمنتول من انتاج لونا...تش تش أنننننن... إذن... فلتكن مشيئة الرب...
غدن - في هوبّت رجلن واحد- سأشد الرحال الي الصنجلية بحثن عن الباستيليا
ولو ملقيشت باستيليا بالمنتول مزيلة للإحتقان ومطهرة للفم من انتاج لونا سهأرفع -أو سهأتخن نياهاهاهاـ قضيتون علي جوجلن... ولونا... والفيس بوك.. وانا وانت... ورقصني يا جدعععععععع