الواحد يصحى يلاقى بلاوى بتحصل وهو نايم!!! قال بيقولك غزه متحاصره وقاطعين عنها الكهربا والمساءل... وقال اييييييييييييه بقى ده الموكوس باراك عامله عشان يرد على المتوحشين اللى عملوا واوا بالفرفر فى الامبوله بتاع اسرائيل... ياخى كتك نيله مانتوا واخدينها بالدراع اساسا يعنى هى كانت بلدكوا!!! بوس الواوا واسكت مش تقطع عنهم المساءل... هم الاسرائيليين دول مابيزهقوش؟؟؟ والله عاملين زى مراة الاب المناكفه العالم دى ماتسيبش عيال جوزها فى حالهم... لأ واللى يفرس يقولك البلاد الجنوبيه لاسرائيل ولا القرى الجنوبيه... من امتى يعنى!!! ايه العبط ده... هى ازاى الناس كلها ماعندهاش دم كده!!!
انا والله مافاهمه هم عايزين ايه تانى... اخدوا الحته الكبيره وسابوا للفليسطينيين الحته الصغيره عايزين ايه تانى؟؟؟ طفاسه وربنا... يعنى المجرمين وقطاع الطرق اللى دخلوا امريكا ماعرفوش يقضوا على الهنود الحمر ولسه موجودين لغايه اليوم... متخيلين بقى انهم هيقدروا يقضوا على الفلسطينيين ازاى؟؟؟ ده شىء منافى للعق والمنطق... ده اللى انضربوا بالقنبله الذريه لسه فاضل منهم شعب مقداره جيش نمنم... ابادة شعب دى مستحيله منطقيا مهما كانت الوسيله المستخدمه ومهما طال الاجل... غباوه...
وعلى راى اسمه ايه لما قال
وعشان هم ناس مهمّيييييييييم... ومسنودييييييييييين.... الخ