12 Nov 2007

يا اله السموات!!!!!! الدنيا ماشية بقفاها فعلا!! وحقيقى حقيقى المعزه كلت ولادها... حدث يا ساده انى كنت بحكى لواحده زميلتى فى الشغل عن الشخص الكوميدى اللى عامل نفسه شاعر وسألتنى عن اسمه.. فقلتلها اسمه الغير مذكور فى البوست السابق ولقيت البت اتقلبت على قفاها من كتر الضحك ثم اعتدلت وفاجئتنى بحقيقه علميه مذهله سقط لها فكّى السفلى الا وهى ان الموكوس له ديوان مطبوع.. اتنشرله ديوان... ديوان شعر... وبعد ان استفقت من دهشتى وعاد فكّى السفلى الى موضعه الطبيعى قلتلها بكل ثقه "قصدك له عينة بول بتتوزع فى ورق"... يعنى لو حد اشترى الديوان بتاعه وراح حلل ورقه منه يمكن يكتشف ان الواد حامل فى جحش ولا اى حاجه تانيه باربع رجلين...