خطوه الى الامام.. هوب هوب... خطوه كمان... هوب هوب... فووووووووووووووووووووووو... اللى يحصلنى يكسرنىىىىىىىىىىى
وخليكوا انتوا هنا فى البالونه الكبيراااااااااااااااه اللى انتوا معيشين نفسكوا فيها... عشان انا بحب البلالين الصغيره العب بيها مبحبش اعيش جوا بلالين كبيره عشان الهوا اللى جواها بيعطن بسرعه... وحلال عليكوا كرسى العرش البلاستيك... والسلطانيه البلاستيك.. والأمجاد البلاستيك... وهديه منى ليكوا الصولجان البلاستيك.. وآآآآآآآآآه يا بلاستيك يا بلاستيك... الحاجه الوحيده اللى بلاستيك وليها قيمة... ولادى البلاستيك... ودول ماتوا من زمان... وعيطت عليهم... بس دموع بجد مش دموع بلاستيك... ومتستنوش منى غير كلام بلاستيك... ومعامله بلاستيك... عشان مابقاش نشاز فى حياتكم البلاستيك يا هواة البلاستيك... انا شخصيا هقلب بلاستيك... بس بالحجاره... تدوسوا على كتفى اسقف.. وتقلبونى على وشى اقول بابا وتقلبونى على ضهرى اقول ماما... زى العرايس البلاستيك اللى كانت الناس بتجيبها لعيالها من السعوديه