20 Jul 2007

مصطفى الضبع.. بدون لقب

اصلى اعرفه من ايام اما كنت بقوله يا استاذ مش عارفه اقول د. مصطفى الضبع زى ما بيتقاله دلوقتى
الراجل ده من يوم ماعرفته وهو بيدينى امل فى الحياه خاصة وانى عرفته اول اما الدنيا ابتدت تقلب عليه وتفهمنى ايه يعنى دنيا... بس فعلا مبنساش ابدا كلامه عن مزبلة التاريخ :)
الراجل ده انا مديوناله بكتير... فعلا من الناس اللى اثرت فى حياتى بشكل قوى... لغاية دلوقتى كل اما احاول اكتب قصه قصيره افتكر الراجل ده... ناس كتير عايزينى انشر مجموعه قصصية او مجموعة نصوص... بس انا مش ناويه ارتكب الحماقه دى.. لانى ببساطه بفتخر بانى تتلمذت على ايد الراجل ده بشكل او بآخر ومعنديش استعداد انشر حاجه مقدرش اصدرها بشكر للراجل ده ويقراها وهو فخور انى كنت تلميذته
دايما بتسقط اخباره عشان اعرف وصل لحد فين.. لحد ما مؤخرا لقيت الموقع بتاعه على النت وقريت سيرته الذاتيه انبسط لدرجة ماعينى دمعت واتمليت امل.... الراجل ده بدا حياته كمدرس اعدادى... بعدين ثانوى... وفضل ورى حلمه... واخدت الدكتوراه واتعين فى الجامعه.. ومن هنا لهنا عمل حاجه... لسه فى امل فى الدنيا بجد
الحاجه الوحيده اللى طفت ابتسامى كان لما شوفته صورته... الشعر الابيض ابتدى ينتشر فى راسه ... هو انا عجزت اوى كده!!!!!!
--------------
البوست مفتوح للتعليق

4 comments:

yasmine Bashaar said...

حلو اوى ان الانسان يكون متفائل ... ويحلم ويحقق حلمه ... والاحلى انه يشجع الناس على تحقيق احلامهم... ويحسسهم أن فى أمل

انا عاملة بلوج جديد ادخلى وقولى ايه رايك

He and She said...

Very nice blog my dear

Strawberry Pirate said...

تصدقى
مش انتى بس الي بتعزى الراجل دا
انا كمان اعرفه عز المعرفه
وبردو تنبش ورا اخباره
يلا بصره

Anonymous said...

بصرة بتلاتة أنا أيضا تتلمذت على يديه في الثانوية العامة وكم أثر في مما جعلني أصير مدرسة لغة عربية مثله فجزاه الله عنّا كل خير