5 Jun 2007

مفتوح للتعليق ليق لييييق

احساس هايل جدا ان الواحد يرجع تاني يحس انه بني آدم مش كلب ضال حتي الشودش مستخسر الرصاصه اللي هيضربها في دماغه عشان يخلصه من شقاءه... بقالي زماااااااااااااااااااههههاااااااااااااا...............ن أوي محسيتش اني عايزه اسمع مزيكا مبهجه... وبقالي زمان اوي ماركزتش في كلمات اغنيه حلوه ولا استمتعت بحتة مزيكا من اللي بحبها.... ياحلاوه... انا لسه عايشاااااااااااااااااااااااااااااااااه... ونطير نطييير نطير زي العصافيييييييييييييييييييييييييييير... ده الواحد كان مضروب بالنار والنعمه.... هي فعلا ماضاقت الا اما فرجت... بس ساعات بقي بتضيق لحد ماتفعصك قبل ما تفرج...وربنا عالظالم والمفتري وولاد الحرام وولاد الكلب وولاد كل الحاجات اللي مش هقولها عشان عامله نفسي مؤدبه النهارده...... بس اهي فرجت الحمد لله... ويك ويييك... والنبي مش مصدقه نفسي..... هطق من الانبساط... يمكن حتي يذيعوها في الاخبار..... موجه سعاده غامره تجتاح حياة مواطن متعوس ربنا فرجهاعليه ومبقاش متعوس... هع هع هع
---------------
يالله علقوا هنا كمان الإنترأكشن كويس في الأوقات دي يمكن تتعدوا مني وانا مبسوطه وتنبسطوا انتوا كمان نياهاهاهاها

12 comments:

Ayat said...

Rabena yebsetek dayman ... yebsetek 3la toul ;)

Anonymous said...

ماهي ماضاقت الا ما فرجت يا ازاوز
:-D
يارب تفضل مفرجه علي طول يااوختي

BooDy said...

ربنا يبسطك كمان و كمان و يعدينا منك يا رب علشان نجرب موضوع الانبساط ده شكله عامل ازاي :)

Dananeer said...

يا سيدى يا سيدى

فين جردل الملوخيه
وطاااخ
:P

Bassma said...

و النبي انت سكر يا بنوتة .. ربنا يفرح قلبك

محمد عبد الغفار said...

ربنا يسعد كل اوقاتك

The Alien said...

حلو جو الساعدة دا
وكويس إنت قررتي تشاركيه
الواحد لما بيشوف حد مبسوط بيحاول يتعدي منه

تحياتي

emoo said...

هوة انتى كنتى فى المنفى ولا ايه

ihapoof said...

Dayman 3ala tool isa

ألِف said...

إيه!
الأهل في الكوكب وصلتهم استغاثتك أخيرا و هيبعتوا يرجعوك؟

Unknown said...

bass ya bett balash dawsha . 3awzeen nenam ....

:P

al7amd lelah :)

هبه حازم said...

جميل ان الواحد يقرأ بوست بالسعادة دى ...ومن زمان
..و مش قادرة امنع نفسى من التفكير ....
وصلتى لايه دلوقتى بعد كام سنة ؟
لما تقرأى البوست ده تانى دلوقتى ... هتفتكرى ايه ؟
وانتى حاسه انك اتغيرتى قد ايه ؟
:). احساس الانبساط فى العموم مُعدى
.شكرا يا امينه