7 Mar 2007

هو انا مفروض اعمل ايه اما يتقالى "انسى كل اللى اتعلمتيه فى الكليه واركنى ضميرك على جنب.. انسى كل الكلام ده خالص"
حسبى الله ونعم الوكيل!!!!!!!!! هو انا قعدت اتعلم خمس سنين فى الجامعه بطفح الدم عشان استفيد بمعلومه عدله.. وطلعت طفحت الدم 4 سنين لحد مابقيت بنى ادمه عشان ارمى كل ده فى صفيحة الزباله!!!! لولولولولولولىىىىىىىىىىىىىىى زغرطى يا تفيده العلم طلع بيتكيل بالبتنجان.. حتى طلع البتنجان اقيم شويه من العلم والخبره كمان عشان البتنجان بيتعمل مسقعه والعلم بيتباس ويتركن جنب الحيطه.. اومال ايه.. ياختشى بلا هم!!! وبالمره كمان بقى الواحد يولع فى الانترنت عشان هى احد مصادر العلم فى مجالى بالنسبالى.. وابقى اقتل مدرسة الدين بتاعتى فى ابتدائى عشان كانت بتقولنا-المجرمه... يارب تتلسع فى الفرن وهى بتحط صينيه المكرونه بالبشاميل- ان فى حديث بيقووووول "ان الله يحب اذا عمل احدكم عملا ان يتقنه".. اهى طلعت كذابه وطلع الحديث ده ملغى.. ومسكوه.. ضربوه.. والسح الدح ابو.. الواد طالع لأبوووووووه.. قال معرفوش.. ماقابلتوش... للولوولولىىىىى هزّى يابت........ اركن ضميرى على جنب... كان بودى يا اونكل بس نو باركينج هيير نعمل ايه بقى؟؟؟ اهون عليك اركنه صف تانى ويسحبوا منى الرخص يا سنسن؟؟؟!!!
حسبى الله ونعم الوكيل.. الضرب فى الميت حراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام.. كده كتشير.. كده اوفر.. فين فلوس المكامييييييييييييييييع
-----------------------
اعوذ بالله من الشيطان الرجيم
خذ العفو وأمر بالعرف وأعرض عن الجاهلين
صدق الله العظيم
الأعراف 199