3 Dec 2005

فعل مجهول التعريف

معرفش ايه اللى فكرنى بالحكايه دى مع انها حصلتلى من زمان اوى... فى ابتدائى... كنت فى سنه تانيه او تالته ابتدائى... طعلى فى صباع من صوابع ايدى الشمال حاجه غريبه زى حبايه كبيره وجامده.. زمايلى فى منهم قالى اسمها سنطايه ومنهم قالولى اسمها نفرة حمار... لغايه دلوقتى انا معرفش هى ايهكنت كل اما اشيلها تطلع تانى... مع انها كانت بتوجعنى فى كله مره اشيلها فيها وكانت ساعات تخر دم بس كنت بصمم انى اشيلها كل ماتطلع... استنتجت ان ليها مصدر على عمق اكبر شويه هو اللى بيخليها تطلع وقرررت انى اشيله حتى لو اضطريت اعور نفسى...ز وبالفعل جيبت القصافه وقعدت اشيل واشيل لحد ما جابت دم غزير.... مع انها كانت مؤلمه بصوره بشعه...لسه فاكره منظر دموعى وهى بتسقط من عينى واضطر كل شويه امسحها عشان اشوف كويس انا بعمل ايه... ولسه سامعه صوت انينى المكتوم والاهه اللى كانت بتفلت منى ساعات... وطهرتها بالكولونيا اللى بنطهر بيها الترمومتر قبل ما نستخدمه... وفضلت استناها تطلع تانى والحمد لله ماطلعتش.. دلوقتى بعدها بسنين طويله اوى... انا مش عارفه ازاى ان اعملت كده... ولا عارفه ده تصرف سليم والا غلط...ز بس اكتر حاجه محيرانى هو ازاى انى اقدرت استحمل الألم ده كله!!

6 comments:

Mohammed said...

كنت تروحي لدكتور جلدية كان يشيلهالك ببساطة
هيا كانت بترجع عشان الفيروس متشالش لما كشطتي السنطة دي
الدكاترة تسترزق ازاي لما تشيلي الحاجات دي
بنفسك :)

santakarim said...

ana delo2ty aftkrt kalmet 3adl adhm alshahera "al soba3 aly yawg3ny a2t3o"

fi nas keda, yamkn anty manhom ...

AZ said...

والله يا اخ محمد ماهو ماحدش كان عارف ايه ده فبابا قالى لو ماراحتش هوديكى للدكتور كل اما تطلع اقله واما اشيلها اقوله خفت.. جننت الراجل.. كنت عيله بقى معلش :)

santakarem
yemkin:)

Unknown said...

!!...... يا قلبك

Ana mosh sa3eed. said...

yekhreb a2lek ya A7laam :) I had the same...and :( I used to have it every now and then :-S
but Thank God....It's gone... Itried to do the same thing you did...but I look at the mark I have on my finger as I'm writing this...and remember....OUCH it was really painful...and these were the days my friend..w thought they'd never end :)

all the best AZ hanem

Anonymous said...

بتعرفي انك بذكريني برواية (زوربا) لما كان يعمل صانع فخار وفي يوم سأله صديقه الذي ايصطحبه برحلته عندما رأى اصبعه مقطوع تفاجئ وسأله عن السبب فأجاب زوربا انت لا تفهم يا سيدي قلت لك اني عملت بأكثر من صنعة وذات يوم كنت اعمل صانع فخار وكنت اعشق هذه الحرفة اتعلم ما معنى ان تأتي بقطعة من الطين وتقول صأصنع منها صحفة او جرة وتدور الدولاب فرررررررررررر وكان اصبعي يشكل حاجز بيني وبين العمل وذات يوم حملت الفأس فقاطعه وكيف الم تشعر بالألم فقال طبعا فأنا لست ارومة شجرة طبعا شعرت بالألم ولكن قلت لك كان يقف بطريقي وللقصة بقيه...
المهم ان زوربا تخلص من ما يضايقه على طريقته الخاصة وانت ايضا لا تستغربي كيف فعلت ذلك لأن السبب هو مصدر ازعاج كانت تسسبه لك وعلى ما اعتقد ان اسمها الصحيح (الثالول) المهم انا كان عندي باصبعي واحدة وانا صغير ولكن لم اتجرأ على فعل ما فعلت وضعت عليها من ثمرة التين قبل نضوجها عصرت عليها من المادة البيضاء التي تخرج من حبة التين قبل استواءها واختفت كأنه سحر ولكن الغريب هو اني لم الاحظ اختفاءها الا بعد فترة طويلة لأني عندما نظرت اليها في يوم لم اجد لها اثر على الاطلاق
ههههههههه
يمكن غريب الواحد ما ينتبه لأصبعه فترة طويلة لكن ليس هناك غريب في هذا الزمان كل شيء فيه متوقع والا لما قطع زوربا يده لمجرد سبب تافه لكنه كان من وجهة نظرة سبب منطقي ومقنع.