10 Oct 2005

بالمقلوب

بنوته عسوله امبارح حاولت تخمن اسم شخصيه انا كتبت عنها منغير ماقول اسمها...... ضحكت اوى من استنتاجها... مش ضحك سخريه ولكن ضحك اندهاش.. اندهاش من عينين الناس ازاى بيشوفونى.. الناس اللى بيحبونى بيتكلموا عنى كأنى شخصيه انا بشوفها خرافيه.. والناس اللى مابيحبونيش ( مش هقول بيكرهونى) مابيحبونيش لاسباب انا بشوفها غريبه برده...... هل انا المسئوله عن الكيفيه اللى الناس بتشوفنى بيها؟؟؟؟؟؟ والا يمكن الظروف مابستمحش اننا نحتك ببعض بشكل كافى عشان نعرف بعض كويس؟.... مشعارفه بس انا عامة مابقيتش افرح او ازعل من آراء الناس فيه ولا بهتم بتفسيرهم لتصرفاتى لانى بقيت موقنه انها مش فارقه سواء شافونى كويسه والا وحشه لان فى جميع الاحوال رأيهم حتى لو صح هيكون للأسباب الغلط...

6 comments:

santakarim said...

i used to say that i wanna be loved for the good things i see in myself, not for the reason ppl to be loved for...
not for my job or my lovely family, not for all those "mawsfat al3rees alkwais"
even if it means, that she may hate the bad things that i know in myself...

littilemo said...

تعرفى
اصحابى كلهم لما قروا البلوج بتاعى
قالولى ان اللى بيكتب واحد تانى غير اللى نعرفه
شافو شخصيه تانيه ما كنوش شايفنها فيه

Tara said...

من زمان صرت ما اهتم لراي الناس بيا
لنفس السبب اللي قلتي عليه انهم حتى لو مدحوني فانهم لا يعرفوني جيدا كما اعرف نفسي

و ايضا لاني لو حاولت ارضيهم فيما اكون انا غير مرتاحة فلن اشعر بالسعادة ابدا

بصراحة:الناس آخر همي

Guevara said...

رأيهم لو صح حيكون للأسباب المقنعة بالنسبة لهم.. و ده كفاية .. مش مقتنع بكلمة (للأسباب الغلط) دي .. مين اللي بيحدد إذا كان السبب غلط ولا صح؟ مع العلم إنه نسبي؟ ممكن تكوني إنسانة صادمة و صريحة زيادة عن اللازم و ملولة زيادة عن اللازم و تلاقي ناس بتكرهك للأسباب دي .. و ناس تانية بتحبك للأسباب دي .. ناس متفقة و ناس معترضة .. بس يا ستي .. و كل ده مش حيغير حاجة .. اللي ما بيحبكيش هو حر و اللي بيحبك هو حر .. ليكي إنك تستمتعي بحب إنسان ما ليكي .. لو عزتي

و صبح .. صبح يا عم الحاج

ماشى الطريق said...

helloooooooooo
hope that u visit our blog
www.malekwaketaba.blogspot.com

Pianist said...

والله انا رأيي ان البني ادم قادر علي تحليل نفسه كويس بالنسبة لي انا
باهتم طبعا براي الناس
وازاي بيشوفوني لاني عايش وسط ناس
بس المهم ان ده مايتحولش لمحور حياة او لمأساه بافكر فيها طول الوقت
يعني علي راي المثل القديم
اللي عاجبه علي كده عاجبه
واللي مش عاجبة يضرب راسه في اقرب حيطة