1 Aug 2005

حالة توتر

كلما رأيتها اجدها متوتره... تقضم اظافرها او تنفث دخان سيجارتها بسرعه لتلقط منها نفسا آخر قبل ان تفر منها السيجاره.. دوما تتحرك بسرعه وعنف تعبيرا عن احتراقها الداخلى.. تتعاقب فى عينيها انفعالات شتى، غضب، تصميم، حيره، تتخليهم نظرات استنجاد وصرخات عاليه تطلب النجده كانما تستغيث منها عيناها لفرط ماتعانى من تلك الانفعالات العنيفه.. تجلس امام حاسوبها فى محاوله لاقناع نفسها بانها مشغوله عن افكارها التى تسبب لها التوتر.. تفضحها ساقها اليمنى التى تهتز بعنف فى ايقاع متسارع واظافرها التى لم تبرح مكانها بين اسنانها.. وحدها فى الغرفه مع الحاسوب.. لم اتمالك نفسى من ان اسالها عن سبب توترها الدائم.. وبرغم من اننا لم نكن يوما صديقتين الا اننا ندخل فى محادثه طويله .. فاجدنى اتحدث معها فى ادق تفاصيل شخصيتها واصف لها مشاكلها وانصحها كيف تتعامل معها وكأننى امها التى ولدتها وربتها وارضعتها من ثديها.. تسقط بيننا كل الحواجز لاراها كائن متعب خائر القوى تحتاج الى الراحه من دور الام لكل من حولها.. وأرى رغم كل محاولاتها لأن تبدو صلبه انثى ارق من اية انثى رايتها من قبل ..

عفوا.. ليس هناك نهايه فالأحداث لم تنتهى بعد

11 comments:

unknown said...

أيوه كده يا بنتى
نورتى بجد
وبعدين الاسلوب والنوعيه ديه انتى بجد متفرده فيها


كل انسان فينا جواه هذا المخلوق الضعيف
الى بيتظاهر بالقوه

متحرميناش منك كده تانى

sydalany-وش مكرمش said...

إسلوب قوي
روعة

S H E B A K said...

الناس اللى بيكون شكلهم جامد قوى من برة غالبا بيكونوا ضعفا جدا من جوه و بيكونوا بس مستنيين فرصة مناسبة عشان ينفجروا و يعترفوا بضعفهم و فى الحاله دى الشخص اللى سمع بجد و اهتم بييبقى بعد كدة صديق بجد ليهم
و اعتقد انكم باذن الله هتبقوا اصحاب اوى

AZ said...

هى متوتره لانها انسان ينشد الكمال فى عالم ناقص فكلما واجهت نقصا فى الموجودات زاد توترها خاصه حينما تصطدم بنقصها

AZ said...

عشتم يا شباب :)

Aladdin said...

ممكن تكتبي حاجة شبه كده بس عن "التوتر" عند الرجل، وهل هناك اختلاف بين تعبير الرجل والمرأة عن هذه الحالة... ظني أن هناك اختلافا ما لكنه يحتاج إلى موهبتك لكي نضع أيدينا عليه.

s.H.i.K.o said...

R u sure u r not talkin abt urself here ..:-)

AZ said...

yeah um sure .... though it migth sound like me but its not,,, its a colleague at work

unknown said...

سورى وايه المشكله لو حتى كنتى بتتكلم عن نفسك

AZ said...

مفيش مشكله :) بس هى فعلا واحده زميلتى مش انا

Pianist said...

سواء بتتكلمي عن نفسك او غيرك
اسلوبك بسيط طحن ومعبر جدا
انا نفسي اتورت وعمال اولع سيجارة من سيجارة
وعلي فكرة اعتقد ان كل انثي مهما كانت قوية 90%من شخصيتها عاملة زي الازاز شفافة وضعيفة جدا