8 Jun 2005

سفسطه

الاسبوع اللى فات نزلت اشترى بنطلون
قبل مانزل كنت عارفه ان اعايزه ايه... بنطلون واسع فضفاض... قماشه ناعمه... وسطه باستيك او برباط " بدكه يعنى هىهىهى".. لفيت ومالقيتش فاضطريت اشترى بنطلون كده كتان..... وجبت شبشب كده بكعب صغنن اوى ونعل خشب وبتاع... كان طول عمرى نفسى يبقى عندى حاجه بنعل خشب فانبسطت اوى اما لقيت الشبشب ده.. لبست الشبشب لقيته عامله مشاكل فى رجلى....... فقافيق واكل رجلى تماما طير نص صباعى ولغايه دلوقتى لسه صوابعى متعوره.... فقلت مابدهاش بقى مش لازم رجلى تتشرح كلها قبل معرف انى مينفعش البس الحاجات اللى بيبسوها البنات ...... وعنها ورجعت تانى للكوتشى العشوائى بتاعى ولبست ابنطلون الجديد عليه واوعى وشك بقى مفيش احس نن من ان الواحد يعيش طبيعته..... بس كنت حاسه ان لسه ناقص حاجه....ز شاء الله ان انزل وسط البلد امبارح وانا ماشيه كده شفت بنطلون عجبنى من اللى كنت نازله اساسا
اشتريه المره اللى فاتت... دخلت.. بكام البنطلون يا شابه تقولى 120 جنيه
... قلت يانهار كوارع بقى حته بنطلون بدكه بميه وعشرين جنيه ليييييييييييييييييه ده انا هروح بيه الشغل مش فرح !!!!!!!!...المهم خرجت يادوب لسه بتلفت كده عشان اكمل شفت البنطلون اللى كان نفسى فيه من زمان... ابو دكه السكره... هو اينعم كل ماحد هيشوفنى هيقولى بنطلون بيجامه وامى هتقولى يابنتى ايه القرف اللى انتى لابساه ده واخويا الكبير هيقولى ده بتاع نوادى وبابا فعلا قالى ده بتاع " العيال الشبيحه" الصيع يعنى هىهىهىهى.......بس طظظظظظظظظظظظظظ كل ده مايفرقش على حاله انى عايشه نفسى هو انا كده هعملهم ايه بقى..... انا ....... يعنى مازى ماكل وقت وله مزاجه كل مكان وليه لبسه.. يعنى كعب وشياكه يبقى مناسبه .. خروجه.. فرح..... زياره... العيد مثلا والا حاجه هىهىهى...... لكن انا واحده نازله من بيتنا رايحه الشغل والا نازله اروح اقعد مع واحده صحبتى اتشيك واقرف نفسى بكعب وشنطه مشعارفه عامله ازاى كريب رعاش.... بلا قلبه مخ... هو الكوتشى المتين وعليه بنطلون بدكه واى بلوزه قطن..... العجيبه ان محلات الهدوم بقت كلها مليانه هدوم على نفس الشاكلله. الجيبه اللى فيها 3 ادوار كرانيش والبنطلون الىلممشعارفه ماله منين وفيه سبعين سوسته والدريل ابو كرانيش..ز وملابس المحجبات بقى اوعى وشك المحزق والملزق بس طويل هىهى يا فرحه امى بيه يعنى ومشعارف حاجات بحمالات وحاجات منغير كمام ولا حمالات والمفروض ان بيتلبس تحتها بودى ضيق برده واديله طرحه..... كنت ماشيه بضحك طيب يعنى هو لازم كل البنات تلبس كده..... كل ماشوف الهدوم دى بحس بالسفسطه... يعنى ان كان ولابد اننا نكسى اجسامنا يبقى مش بالمنظر ده... ليه الكلكعه العجيبه دى منغير داعى....... والنبى نفسى يملوا هدوم للناس الغلابه اللى زى حالاتى اللى مش بيحبوا الهدوم السفسطائيه.... بلا وكسه

6 comments:

Eman M said...

w meen sem3k ya benti... 7aga begad tetday2
7ad 2allohom en kol el banat 3aiza telbes daye2 w 2osier keda, mesh fahma begad lieh mesh 3amleen 7agat mokhtalefa, wala howa fard ra2ey w nezam howa dah el mawgod .
el wa7ed mesh 3aref yeshteri 7aga :S w ma yenf3sh yelbes 2osier w daye2 keda :S
l2 w elli yenarfzni begad, lw blouse was3a, teb2a 2osiera
w lw tweela, teb2a daye2a
hateganennnnnnnnnnnn

MoonLightShadow said...

LOL..

One thing I hate, to feel enohom byfredo 3alya elly 2albeso!! They provide all the options, I choose.

BaVaLoVa said...

bgd mest3`rabako, ma 27na mafrood 3alena kol 7aga fel balad di, gat ya3ny 3al hedoom 7ay7`aloona ne7`tar.. da ento tayebeen awyyyyyyyyy

AZ said...

we law 2l3na malt y2bodo 3lena betohmet fe3 fade7 fi el taree2 el 3am
tb n3mel eh y3ni :S

ألِف said...

لسنين طويلة ما كنتش باقدر اشتري بنطلونات لأن السوق ماكانش فيه غير البنطلونات اللي بكسر السندباد البحري، و التيشرتات اللي عاملة زي يفط الاعلانات و حتى في الشتاء البلوفرات البطانية اللي تتغطي بها انت و اخواتك و باقيتها تدلدل من السرير!

المشكلة أن دا كان في وقت مراهقتي، يعني طفل كده و زوقي ساعتها كان عاملني زي جدو.

الوضع أحسن شوية صغيرين دلوقتي، لكن لسه مشكلة المقاسات :-)

و دي كانت مداخلتي في الموضوع الحريمي الظريف دا
D-:

ألِف said...

بالمناسبة، هل ممكن موضوع الدكة دا يكون أوحى لعلاء تدوينته هذه

في كل الأحوال، أوجه الشعار إليك D-:
و لا يهمك.