15 May 2005

فتشنى فتش

من احد الاماكن المقدسه بالنسبى لى دار الاوبرا المصريه حيث لم اكن يوما من المغرمين بالاماكن المغلقه واحتساء الكابوتشينو وسط قهقهاتى مع الزميلات وان كنت افعل ذلك احيانا فى سيلانترو مع صديقه لى..... عاده اخرج للتنزه مع افكارى وعاده مايجرنى شىء ما بداخلى الى كوبرى قصر النيل ومنه الى الاوبرا... لا اعلم على وجه التحديد سر ادمانى لهذا الكوبرى وتلك الدار... للهواء هناك رائحه مختلفه وللصمت وشوشه حبيبه والسبب مجهول......... عندما اذهب هناك اشعر باشياء يصعب تفسيرها فالمكان هناك مهما امتلا تشعر بانه خال وليس هناك صمت ابدا بالرغم من انه من النادر ان تسمع صوت بشرى لاتساع المكان فكل شىء هناك ممتد ليس هناك حواجز وحوائل لكى تضخم

الصوت فالهدوء هناك هو كل شىء.. ولكنه ليس صمت مطبق انه فقط هدوء وان كان هناك صمت فهو صمت صاخب... يمتلىء بصوت الاشجار والنسيم والمبانى مالنثوره فى المكان... كانت دا الاوبرا دوما مكان مقدس لا يقاطع فيه وحدتى احد ولا يفصلنى عن المان شىء.......حتى حدثت التفجيرات الاخيره فاصبح المكان غير المكان... صحيح ان كل شىء فى مكانه.... لكن هناك حاله نم الاستنفار والتحفز تثير الاعصاب لاقصى حد....... يفتشونى كثيرا ولابد ان اقدم سببا مقنعا حينما يسالنى موظف الامن داخله تعملى ايه ..... ودائما ما احار فاانا فعلا مش داخله اعمل حاجه فقط داخله اندمج مع المكان ونظرا لان الراجل مش هيفهم ولا كلمه من الكلما ده ويمكن يطلبلى البوليس فبقوله داخله قاعه المعارض رغم انى كثيرا جدا بخش الاقى القاعه مقفوله عشان بيوضبوا لمعرض جديد مما يثير بى رغبه فى الضحك والبكاء فكان من الممكن ان يفعل نفس الشىء اى انسان يتصرف تصرف غير مسؤل... مبقيتش عارفه بيفتشونى ليه اذا كانا لتفتيش مالوش لازم وكل ما موظف الامن يقولى افتحى الشنطه ومايلاقيش فيها حاجه مثيره للريبه اعتذر بشده معلش نسيت القنبله النهارده....... ثم ادخل للدار الحبيبه واجد الف عين تتلصص كل موظف امن رايح والا جاى يبصلى وابصله وابقى عايزه اقوله فتشنى فتش......لا والنبى فتشنى فتش....... اشعر بالاشمئزاز وبعدم الراحه.... لم اعد احب اذهاب الى دار الاوبرا بعد ان كنت اذهب اليها مرتين اسبوعيا على الاقل...... لا ادر لى متى سيستمر الوضع هكذا

15 comments:

Muhammad Aladdin said...

و انا كمان.. بالذات دار الأوبرا و سيلانترو لازمالك(اللي شبه افتتحته أنا و واحد صاحبي و معاه كمان مكتبة ديوان--اقصد افتتحته بمعني كنا من أول رواده--لأن شغلي القديم كان في الزمالك) الأوبرا و التمشية علي كورنيش النيل من ناحية جاردن سيتي ده ادمان.. لسه عامل ده امبارح.. الحمد لله أني ساكن قريب منهم هما التلاتة فبتبقي سهلة اني اروح هناك

AZ said...

ana sakna b3ed 3nhom bass brdo edman :D

Muhammad Aladdin said...

ربنا يقويكي
:P

Anonymous said...

انا من بتوع سمير رجب اللى كشفتى راسك ودعيتى عليهم .. هى دى بقى الديموقراطيه بتاعتكوا .. عالعموم ربنا يسامحك

AZ said...

فى فرق بين الصحافه والتجاره

Guevara said...

الغريب فعلاً إن أنا مش فاكر أنهم فتشوا حد قبل كدة و لقوا معاه قنابل..و الأغرب أن(الناس اللي معاها قنابل)مش بتروح تفجرها في الأوبرا.. و أن لسة فيه ناس بتفجر قنابل في الشوارع مع أنهم بيفتشوا الناس اللي داخلين الأوبرا كويس

wa7ed mn masr said...

AZ
أنا مُفتقد مووت الأوبرا و النيل بس هانت شهرين و أشوفهم

سؤال : هي صحيح الديموقراطية طلعت بتاعة مين؟

Aladdin said...

يا ريت تشوفولنا الهناجر فيه أيه معروض الأيام دي؟

AZ said...

الديموقراطيه بتاعه اللى لقاها

AZ said...

اخر حاجه اهعرفها ان كان فى مسرحيه يطلتها دلال عبدلعزيز وكان ناقص يفتشونى ذاتيا يوم الافتتاح وانا داخله
احتمال انزل تانى الاسبوع ده لو الشغل مازنقش هبقى اسالك
شوف يا اخ شريف لو كانوا بيفتشوا على الحاجات اللى انت بتقول عليها مكنش حد اتكلم
هىهىهى على رأيك يا جيفارا

Lasto-adri *Blue* said...

ya ba5tk ya AZ 3ala kobri asr el neel ya benti..
enti 3arfa.. ana a5r mara ro7t henak kant mn sana..
w el mara el wa7eeda elli ro7t feha el opera, kant lama ro7t ma3rad bassant.. (3arfah?) w kan bl sob7

she2 we7sh awi enek teb2i fi osra, shayfa enek 7ata law 3andk 40 sana.. fa enti lessa so3'ayara

AZ said...

kan allah fi 3onek :S

Anonymous said...

معلهش يا أي زي .. ما هو أصل طول ما في بقر عاوزين يعيسوا در الأبطال و في خرفان بتحاول تفتشهم هيبقي في قلق ... معلهش كله يهون في سبيل الأمن و الأمان ...

قل لا لمبارك و نعم لجمال

ألِف said...

يااهه!
هل ساء الوضع أكثر من الأول!
أنا لم اذهب هناك منذ ما قبل التفجيرات.

Anonymous said...

kan fe el awl klamek lazeez bas fe el a7'er galy a7sas any b2ra el Ahram ..fe i had to switch to ur next quote ...c ya there