4 May 2005

أنا وشادى غنينا سوى

شادى...... صاحب الشغل الجديد..... عنده 26 سنه.......
شادى له وجه بانورامى ترى فيه العالم يتعاقب على وجهه فى ثوان.....
استمتع باللهث خلف الانفعالات على وجه شادى المنمنم الى يبدو وكانه نقش بإبره خياطه.......
وجود بعض الناس فى الجوار يحملك بالعديد من المشاعر والافكار..... ربما لا ترتبط بهم هذه المشاعر والافكار بشكل مباشر لكنك تشعر بها تنبعث فى داخلك فقط بمجرد تواجدهم.... يدفعوك على العطاء حتى وان كنت ابخل البشر........ لا احب ذلك من ناس لسه مش عارفاهم كويس زى شادى
تراه يعبس كطفل صغير.. يضحك ويبتسم كطفل صغير....... ويقود عمله بمنتهى الرجوله
ناس قليله اوى اللى شفتهم واقدر اصفهم بالادميه...... مش لانهم كاملين........ بالعكس....... لانهم ناقصين واروع مافى الانسان نقصه...... نقص الانسان هو اللى بيخليه واقعى وحقيقى وصادق...... شادى من الناس دى...... يجبرك على احترامه بالرغم من نقصه ... لانه علىنقصه ينشد الكمال دون ان يدرِ
كل دى بدايات فاشله للكتابه عن شادى..... شادى مش اسطوره ولا هو انسان لا يتكرر ولا انسان فوق العاده ......... يمكن ماتبصش عليه مرتين لو شوفته معدى من قدامك لكن لو شادى اتوجد معاك فى مكان واحد هتلاقى طاقات غريبه بتتفجر جواك دون اى اسباب مفهومه او منطقيه........ ورغم انى من اعداء اللا منطقيه الا انى بعشق المشاعر والأفكار العشوائيه اللى بيبعثها فيه وجود شادى


3 comments:

unknown said...

أنا بقه من المعتقدين فى اللمنطقيه
والأشياء الغير عاديه
بس مقلتيش غنيتى ايه بقه مع شادى
شادى عنده 26 سنه
إممممممممممممممممممممم
مرتبط ؟؟؟
لوووووووووووووووووول

AZ said...

ههههههههههههه مرتبط اه
ماغنيتش معاه حاجه
صوته وحش

Sheltox said...

رااااااح شااااااااااااااادي