طيب يا شعب طيب....بتعض في بعضك ليه يا شعب يا طيب؟ عشان ده الطبيعي بعد الثورات يا طيب. وفعلا ثورتنا من أطيب الثورات في التاريخ. بس ياريت الطيبه دي ماتكونش مصحوبه بغباء عشان ماتقلبش بغم. بمعني: ايوه ثورتنا طيبه...وأيوه رد الفعل المجتمعي اللي حاصل ده اهون بكتيييييييييييييييييييير من اللي حصل بعد معظم الثورات في التاريخ...وأيوه قدامنا سنه علي الأقل علي الناس ما تهدا والأمور تهدا والناس ترجع لطبيعتها وبعدين تتحول للأفضل..أيوه انا من القليلين اللي متفائلين وغير محبطين بالتخبط اللي بيحصل اليومين دول والناس اللي عماله تلطش في بعضها...
مثال علي ذلك اللي حصل بين الشباب اللي لجئوا ليسري فوده عشان يساعدهم اعلاميا في تحرير المعتقلين اللي اتحبسوا في السجون العسكريه وانا شخصيا شاهده علي براءه واحد منهم من كل ما نسب إليه من تهم لأنه ماعملش أي حاجه...عامة ده مش موضوعنا...موضوعنا ببساطه ان الشباب دي انا اعرف منهم علي الأقل واحده وبحبها جداااااااااااا وعارفه كويس جدا انها محروقه علي الناس المدنيين اللي بيتعرضوا لمحاكمات عسكريه اقل ماتوصف بيه انها قاسيه لأن ببساطه الدستور بيكفل لكل مدني حق المحاكمه العادله أمام القضاء المدني يعني ببساطه برده انهم يتعرضوا لمحاكمه عسكريه ده انتهاك لحقوقهم المدنيه...البنوته دي ليها تاريخ طويل في النضال في الحالات اللي زي دي وماهياش لوحدها..هي بس بتحاول مع ناس تانيين انهم يجيبوا حق ناس تانيين مش شرط يكونوا يعرفوهم بشكل شخصي عشان لو الناس التانيين ما أخدوش حقهم يوم لما انا وهي حقوقنا هتتاكل مش هنلاقي حد فاضل عشان يدافع معانا عن حقوقنا...معلش علي المقدمه الطويله بس انا بوضحلكم إن الشباب دول مش بيتدلعوا ولا بيتمايصوا..عندهم قضيه محتاجه دعم إعلامي بعد ما فشلت معظم مساعيهم القانونيه ومش لعدم كفايه الأدله لكن عشان كلها اتحطت في الدرج واتقفل عليها وماحدش عارف ليه... ففكروا يلجئوا لتسليط الضوء الإعلامي علي القضيه اللي بيدافعوا عنها...بس اللي حصل إن يسري فوده رفض برد ما عجبنيش أنا شخصيا لأنه يخلو من احترافيه إعلامي بحجم وتاريخ يسري فوده اللي شال قناة الجزيره علي اكتافه في يوم من الأيام...بعدين حصل ان حد كتب بوست علي بلوج بيتهم فيه يسري بخيانه أخلاقيات المهنه وهذا هو لينك البوست النوست كوانوست
هنا بقي نقف شويه ونرجع لوري حبتين ونبص علي الموقف من بعيد شويه...لو بصينا علي الطريقه اللي انضغط بيها علي يسري علي تويتر عشان يساعد القضيه الطريقه كانت عنيفه...سخيفه...رخمه...لوم وتقريع...سميها زي ما تسميها بس استفزتني أنا شخصيا...لما تحب تطلب من حد مساعده مش منطقي تضغط عليه...الأسهل انك تقفشه في اي مكان انشالله تزنقه في مبوله عامه وتقوله الورق اهه تعالي اما افهمك انا عايز منك ايه...بالذات لما تبقي القضيه مكلكعه وحساسه
ليه بقي يسري فوده رفض حتى يبص علي تفاصيل القضيه المطلوب منه تبنيها إعلاميا فالأسباب كتير...اولا طريقه الضغط ممكن تكون ضايقته...يعني انا لو حد جه بيقولي ساعديني اشمعني ساعدتي فلان وانا لأ أكيد هتنفخ منه من قبل ما حتي يفتح بقه...ماحدش بيحب المعايره ولوي الدراع....ثانيا احنا ليه بننسي ان واحد زي يسري في الأول وفي الآخر بني آدم؟؟؟؟؟؟؟؟؟؟؟؟؟؟؟؟؟؟؟ يوم لما الناس كانت بتضغط علي يسري بشده وبعنف علي يسري عشان يتبني قضيتهم يسري كان علي الشاشه عينيه بتقفل وكان من الواضح انه مرهق آخر حاجه...السن له أحكام يا ناس...يسري بقاله فتره طلعان تلاتينه هو وريم علي اون تي في وعلامات الإرهاق كانت واضحه عليهم جدا في الفتره الأخيره وريم نفسها فيصت وأخدت اسبوع اجازه من البرنامج وبعد ما رجعت لسه شكلها مرهق...كمان يسري كان كاتب قبلها علي تويتر انه محبط...تخيل بقي لما تقعد تضغط علي واحد محبط ومرهق وبيتعرض لانتقادات حاده والناس متهماه انه بيحابي للجيش يوم لما ممدوح شاهين اتكلم علي التليفون شايط ومش طايق نفسه وحاسس بعد التقدير وناس تانيه قاعده في الاستوديو حاسه بالخديعه بعد الإعلان الدستوري ويسري قاعد في النص زي الكلب الحيران مش عارف يهدي مين ولا مين لأنه كمذيع ماينفعش يتحيز لأطراف أو آراء...اعتقد ان بعد كل ده طبيعي انه يطق من جنابه...دا طبعا من غير ما نحط في حسابنا اي اعتبارات شخصيه للبني آدم اللي شغال مذيع... يعني سبحان الله تخيلوا المذيعين دول بني آدمين زينا بيتسحلوا في زحمه الشوارع زينا بالظبط عشان يروحوا شغلهم... وعندهم اهل ممكن ينكدوا عليهم زينا بالظبط...وممكن جدا يكون عندهم سيكو سيكو مطلع بوزهم زينا بالظبط...وشغالين في أماكن ليها سياسات بتحكمها مش هم اللي بيحطوها...يعني المذيع اللي بيطلع قدامك علي برنامج ده مش شغال في عزبة أبوه...كل قناه او وسيله اعلاميه ليها سياساتها وعلي العاملين بيها التأقلم معها والعمل بحريه (إن أتيحت لهم) خلال إطار السياسات دي...عشان هم بني آدمين زينا بالظبط ممكن يغلطوا ويبقوا في حد بكلمتين رخمين..علي تويتر مش علي الهوا واخدين بالنا؟...ه بخلاف ان ممكن يكون في حاجات تانيه قلت أو كثرت مانعرفهاش ممكن تكون السبب وري رفضه...يسري بعدها أخد اجازه من البرنامج يومين لأنه محتاج يريح شويه...وطلب من التوييبس انهم يقروا مقاله علي المصري اليوم...مقال بيوضح فيه موقفه من كل ما نسب إليه من تهم...اللينك اهووووونننن
المحصله:
الشباب بالغوا في الفعل وفي رد الفعل...يسري بالغ في رد الفعل ثم أوضح موقفه...يعني الراجل وضح موقفه وعداه العيب وأزح...لكن للأسف الشباب بالغوا جدا في رد الفعل بإنهم اتهموه بخيانه أخلاقيات المهنه وحاجات تانيه كده واسعه اوي علي الموقف....رفض يسري للقضية بالنسبه لمن لا يعلم اي شيء عن تاريخه او مواقفه السابقه (بخلاف النسوان المجانين المهبولين علي يسري بدون اي اسباب مفهومه...رجالة برج التور هيوقعوا نسوان مصر في بعض يا جدعان) يمكن اعتباره نوع من أنواع التخاذل لأنه رفض تبني القضيه بدون الإطلاع علي تفاصيلها...ودي حاجه لا ترقي لمستوي خيانة أخلاقيات المهنه لأن ببساطه لها الكثير من الأسباب اللتي تبررها...كل مهني وليه أولوياته الخاصه وكل محل عمل وليه سياساته الخاصه اللتي قد لا تتيح لكل مهني تناول كل المواضيع الموجوده علي قائمة أولوياته...لكن وصف رفضه بخيانه اخلاقيات المهنه بجد تقيله جدا وواسعه اوي علي الموقف...مبالغه حادة في رد الفعل
ده مثال بسيط علي اللي احنا بنعمله في بعض اليومين دول..من ليس معي فهو ضدي وهطلع تلاتين أهله وهفشخه بكل الوسائل والسبل...ماحدش يقدر يقول ان الشباب دول قضيتهم تافهه....ولا حد يقدر يقول ان يسري بلا موقف...بس انا شخصيا اقدر اقول ان كل الأطراف بتعاني من توتر رهيب وشدة أعصاب لنفس السبب...كله خايف علي البلد اليومين دول وكله عايز الصالح العام وكله عايز يلحق كله والمصايب نازله بترخ علينا من كل ناحيه...وكله بيتحرك زي النحله لدرجة ان في كتير دلوقتي ما بقوش واخدين بالهم مين معاهم في نفس الصف ومين ضدهم فبتكون النتيجه اللي احنا شوفناه وبنشوفه كل يوم...حبه مننا بيطلعوا من الصف وبيتعاملوا مع الآخرين كما لو أنهم جبهة مضاده
اعتقد اننا كلنا محتاجين نهدى شويه...نعمل حاجه تافهه لمده يومين...نفك دماغنا من كل حاجه واجعاها عشان نطرد النحل اللي بيزن في دماغنا ونفك حرقه الدم والأعصاب عشان نعرف نفكر بالمظبوط...عشان نميز اننا كلنا في خندق واحد وصف واحد ومافيش اي داعي اننا نتدور ونلطش في بعض لأن ده بالظبط هدف الثوره المضاده...يعني حتي لو الثوره المضاده مش موجوده احنا عمالين بننقسم علي نفسنا بشكل تلقائي وبنعادي بعض بدل ما نتكاتف...محتاجين نهدى شويه ونبص في وشوش بعض ونشوف كل واحد او حبه مننا واقفين فين وبقية الناس واقفه فين عشان نرجع تاني صفوف موحد متبته رجلها في النهارده وبتتحرك بثبات في اتجاه بكره عشان منلاقيش نفسنا متبعترين اكتر ماحنا متبعترين دلوقتي...محتاجين نتلملم
حضن جماعي وقبلة كبيره لشعب مصر...طلاق تلاته احنا شعب طيب وهنبقي زي الفل لو نبطل نتغابي علي بعض..ونبتدي نفهم بعض...ونعذر بعض...استرخي شويه يا مواطن منك ليه المشوار لسه طويل...ولما اللي جنبك يركن عليك لما يتعب اسنده عشان كمان شويه انت هتتعب وهتحتاج تركن عليه...ولما ترفع أبو ورده السكره وترقعه علي دماغ حد ابقي ركز الأول عشان ماتلاقيش نفسك بتنسله علي دماغ صاحبك الأنتيخ في وسط الزيطه
وعلى رأي الأبنودي: من عاز الرحلة تكمل...ما يعدّش كل موجه
مش مصدقه العقل والحكمه اللي انا بقيت فيهم D: مش مصدقاني والنعمه أمي لو قرت الكلام ده ما هتعرفني...الله يرحم أيام أبو ورده الشفتشي نياهاهاهاااااا
مثال علي ذلك اللي حصل بين الشباب اللي لجئوا ليسري فوده عشان يساعدهم اعلاميا في تحرير المعتقلين اللي اتحبسوا في السجون العسكريه وانا شخصيا شاهده علي براءه واحد منهم من كل ما نسب إليه من تهم لأنه ماعملش أي حاجه...عامة ده مش موضوعنا...موضوعنا ببساطه ان الشباب دي انا اعرف منهم علي الأقل واحده وبحبها جداااااااااااا وعارفه كويس جدا انها محروقه علي الناس المدنيين اللي بيتعرضوا لمحاكمات عسكريه اقل ماتوصف بيه انها قاسيه لأن ببساطه الدستور بيكفل لكل مدني حق المحاكمه العادله أمام القضاء المدني يعني ببساطه برده انهم يتعرضوا لمحاكمه عسكريه ده انتهاك لحقوقهم المدنيه...البنوته دي ليها تاريخ طويل في النضال في الحالات اللي زي دي وماهياش لوحدها..هي بس بتحاول مع ناس تانيين انهم يجيبوا حق ناس تانيين مش شرط يكونوا يعرفوهم بشكل شخصي عشان لو الناس التانيين ما أخدوش حقهم يوم لما انا وهي حقوقنا هتتاكل مش هنلاقي حد فاضل عشان يدافع معانا عن حقوقنا...معلش علي المقدمه الطويله بس انا بوضحلكم إن الشباب دول مش بيتدلعوا ولا بيتمايصوا..عندهم قضيه محتاجه دعم إعلامي بعد ما فشلت معظم مساعيهم القانونيه ومش لعدم كفايه الأدله لكن عشان كلها اتحطت في الدرج واتقفل عليها وماحدش عارف ليه... ففكروا يلجئوا لتسليط الضوء الإعلامي علي القضيه اللي بيدافعوا عنها...بس اللي حصل إن يسري فوده رفض برد ما عجبنيش أنا شخصيا لأنه يخلو من احترافيه إعلامي بحجم وتاريخ يسري فوده اللي شال قناة الجزيره علي اكتافه في يوم من الأيام...بعدين حصل ان حد كتب بوست علي بلوج بيتهم فيه يسري بخيانه أخلاقيات المهنه وهذا هو لينك البوست النوست كوانوست
تش تش انننننننن...خناقاااااااااااااااااااااه
هنا بقي نقف شويه ونرجع لوري حبتين ونبص علي الموقف من بعيد شويه...لو بصينا علي الطريقه اللي انضغط بيها علي يسري علي تويتر عشان يساعد القضيه الطريقه كانت عنيفه...سخيفه...رخمه...لوم وتقريع...سميها زي ما تسميها بس استفزتني أنا شخصيا...لما تحب تطلب من حد مساعده مش منطقي تضغط عليه...الأسهل انك تقفشه في اي مكان انشالله تزنقه في مبوله عامه وتقوله الورق اهه تعالي اما افهمك انا عايز منك ايه...بالذات لما تبقي القضيه مكلكعه وحساسه
ليه بقي يسري فوده رفض حتى يبص علي تفاصيل القضيه المطلوب منه تبنيها إعلاميا فالأسباب كتير...اولا طريقه الضغط ممكن تكون ضايقته...يعني انا لو حد جه بيقولي ساعديني اشمعني ساعدتي فلان وانا لأ أكيد هتنفخ منه من قبل ما حتي يفتح بقه...ماحدش بيحب المعايره ولوي الدراع....ثانيا احنا ليه بننسي ان واحد زي يسري في الأول وفي الآخر بني آدم؟؟؟؟؟؟؟؟؟؟؟؟؟؟؟؟؟؟؟ يوم لما الناس كانت بتضغط علي يسري بشده وبعنف علي يسري عشان يتبني قضيتهم يسري كان علي الشاشه عينيه بتقفل وكان من الواضح انه مرهق آخر حاجه...السن له أحكام يا ناس...يسري بقاله فتره طلعان تلاتينه هو وريم علي اون تي في وعلامات الإرهاق كانت واضحه عليهم جدا في الفتره الأخيره وريم نفسها فيصت وأخدت اسبوع اجازه من البرنامج وبعد ما رجعت لسه شكلها مرهق...كمان يسري كان كاتب قبلها علي تويتر انه محبط...تخيل بقي لما تقعد تضغط علي واحد محبط ومرهق وبيتعرض لانتقادات حاده والناس متهماه انه بيحابي للجيش يوم لما ممدوح شاهين اتكلم علي التليفون شايط ومش طايق نفسه وحاسس بعد التقدير وناس تانيه قاعده في الاستوديو حاسه بالخديعه بعد الإعلان الدستوري ويسري قاعد في النص زي الكلب الحيران مش عارف يهدي مين ولا مين لأنه كمذيع ماينفعش يتحيز لأطراف أو آراء...اعتقد ان بعد كل ده طبيعي انه يطق من جنابه...دا طبعا من غير ما نحط في حسابنا اي اعتبارات شخصيه للبني آدم اللي شغال مذيع... يعني سبحان الله تخيلوا المذيعين دول بني آدمين زينا بيتسحلوا في زحمه الشوارع زينا بالظبط عشان يروحوا شغلهم... وعندهم اهل ممكن ينكدوا عليهم زينا بالظبط...وممكن جدا يكون عندهم سيكو سيكو مطلع بوزهم زينا بالظبط...وشغالين في أماكن ليها سياسات بتحكمها مش هم اللي بيحطوها...يعني المذيع اللي بيطلع قدامك علي برنامج ده مش شغال في عزبة أبوه...كل قناه او وسيله اعلاميه ليها سياساتها وعلي العاملين بيها التأقلم معها والعمل بحريه (إن أتيحت لهم) خلال إطار السياسات دي...عشان هم بني آدمين زينا بالظبط ممكن يغلطوا ويبقوا في حد بكلمتين رخمين..علي تويتر مش علي الهوا واخدين بالنا؟...ه بخلاف ان ممكن يكون في حاجات تانيه قلت أو كثرت مانعرفهاش ممكن تكون السبب وري رفضه...يسري بعدها أخد اجازه من البرنامج يومين لأنه محتاج يريح شويه...وطلب من التوييبس انهم يقروا مقاله علي المصري اليوم...مقال بيوضح فيه موقفه من كل ما نسب إليه من تهم...اللينك اهووووونننن
المحصله:
الشباب بالغوا في الفعل وفي رد الفعل...يسري بالغ في رد الفعل ثم أوضح موقفه...يعني الراجل وضح موقفه وعداه العيب وأزح...لكن للأسف الشباب بالغوا جدا في رد الفعل بإنهم اتهموه بخيانه أخلاقيات المهنه وحاجات تانيه كده واسعه اوي علي الموقف....رفض يسري للقضية بالنسبه لمن لا يعلم اي شيء عن تاريخه او مواقفه السابقه (بخلاف النسوان المجانين المهبولين علي يسري بدون اي اسباب مفهومه...رجالة برج التور هيوقعوا نسوان مصر في بعض يا جدعان) يمكن اعتباره نوع من أنواع التخاذل لأنه رفض تبني القضيه بدون الإطلاع علي تفاصيلها...ودي حاجه لا ترقي لمستوي خيانة أخلاقيات المهنه لأن ببساطه لها الكثير من الأسباب اللتي تبررها...كل مهني وليه أولوياته الخاصه وكل محل عمل وليه سياساته الخاصه اللتي قد لا تتيح لكل مهني تناول كل المواضيع الموجوده علي قائمة أولوياته...لكن وصف رفضه بخيانه اخلاقيات المهنه بجد تقيله جدا وواسعه اوي علي الموقف...مبالغه حادة في رد الفعل
ده مثال بسيط علي اللي احنا بنعمله في بعض اليومين دول..من ليس معي فهو ضدي وهطلع تلاتين أهله وهفشخه بكل الوسائل والسبل...ماحدش يقدر يقول ان الشباب دول قضيتهم تافهه....ولا حد يقدر يقول ان يسري بلا موقف...بس انا شخصيا اقدر اقول ان كل الأطراف بتعاني من توتر رهيب وشدة أعصاب لنفس السبب...كله خايف علي البلد اليومين دول وكله عايز الصالح العام وكله عايز يلحق كله والمصايب نازله بترخ علينا من كل ناحيه...وكله بيتحرك زي النحله لدرجة ان في كتير دلوقتي ما بقوش واخدين بالهم مين معاهم في نفس الصف ومين ضدهم فبتكون النتيجه اللي احنا شوفناه وبنشوفه كل يوم...حبه مننا بيطلعوا من الصف وبيتعاملوا مع الآخرين كما لو أنهم جبهة مضاده
اعتقد اننا كلنا محتاجين نهدى شويه...نعمل حاجه تافهه لمده يومين...نفك دماغنا من كل حاجه واجعاها عشان نطرد النحل اللي بيزن في دماغنا ونفك حرقه الدم والأعصاب عشان نعرف نفكر بالمظبوط...عشان نميز اننا كلنا في خندق واحد وصف واحد ومافيش اي داعي اننا نتدور ونلطش في بعض لأن ده بالظبط هدف الثوره المضاده...يعني حتي لو الثوره المضاده مش موجوده احنا عمالين بننقسم علي نفسنا بشكل تلقائي وبنعادي بعض بدل ما نتكاتف...محتاجين نهدى شويه ونبص في وشوش بعض ونشوف كل واحد او حبه مننا واقفين فين وبقية الناس واقفه فين عشان نرجع تاني صفوف موحد متبته رجلها في النهارده وبتتحرك بثبات في اتجاه بكره عشان منلاقيش نفسنا متبعترين اكتر ماحنا متبعترين دلوقتي...محتاجين نتلملم
حضن جماعي وقبلة كبيره لشعب مصر...طلاق تلاته احنا شعب طيب وهنبقي زي الفل لو نبطل نتغابي علي بعض..ونبتدي نفهم بعض...ونعذر بعض...استرخي شويه يا مواطن منك ليه المشوار لسه طويل...ولما اللي جنبك يركن عليك لما يتعب اسنده عشان كمان شويه انت هتتعب وهتحتاج تركن عليه...ولما ترفع أبو ورده السكره وترقعه علي دماغ حد ابقي ركز الأول عشان ماتلاقيش نفسك بتنسله علي دماغ صاحبك الأنتيخ في وسط الزيطه
وعلى رأي الأبنودي: من عاز الرحلة تكمل...ما يعدّش كل موجه
مش مصدقه العقل والحكمه اللي انا بقيت فيهم D: مش مصدقاني والنعمه أمي لو قرت الكلام ده ما هتعرفني...الله يرحم أيام أبو ورده الشفتشي نياهاهاهاااااا
No comments:
Post a Comment