مفتوح للتعليق

«كتابي الجديد قد لا يمثل أية أهمية للقارئ، لكنه سيعني له الكثير إذا كان واحداً من أبناء جيلي». هكذا يقول الأديب والكاتب الصحفي والمترجم عمر طاهر

عمر طاهر شطور... بيعرف يكتب حاجات تبيع كويس... عارف من اين تؤكل الكتف... حِرَفى شاطر يعنى... لكن يقولى فراشه وحيده فوق عربية الستات ومش عارف ايه فى المخزن... شكرا يا مشمش فلنكتفى بهذا القدر... هو اقرب لبلوجر اتجه الى التدوين الورقى منه الى كاتب او شاعر... بس تقول لمين لو فتحت بِّقى الناس تقولك الكتب بتبيييييييييييييع... وماله خليه يبيع... بييييييييييع يا لطفى... قوم بقى الاقى السطرين اللى فوق دول فى جريدة الرياض الاليكترونيه يجيلى كريزة ضحك وش!!!!!... هل ده بقى اللى يطلق عليه النكته الفزوره؟؟؟ زى المدافع المهاجم راس الحربه المدرب حسن شحاته؟؟؟... الجدع ده مش فارق معايا فى حاجه... بجملة الكتب الخايبه اللى بتتنشر.. لكن مافقعليش مرارتى الصراحه الا بسلامته كاتب بيقول انه كاتب شاطر... فى كاتب فى الدنيا يقول على نفسه كاتب شاطر حتى لو هو فعلا كاتب شاطر!!!!... منها لله نانسى عجرم... اهو الشعب كله ماشى يقول شاطر شاطر دلوقتى... يالله اهى بلونه آدميه كمان واتنفخت...

الكبير

1

من اين يبدأ الحديث عن العظماء.. لا ادر على وجه التحديد.. ربما لم اقابل الكثير من العظماء.. وربما لم اقابل احد منهم على الاطلاق.. وربما لا اعرف ايضا ماهى العظمه... لكننى اعرف ان الحروف تتكسر أدبا عن قدمى بعض البشر... ليس لأنهم عباقرة او عظماء ولكن لأنهم شديدى الآدمية...

-------------------------

2

من وراء حائطين أراه... وفيما بين عينيه ابصر الكثير... ليست العيون هى ماتفضح مكنونات الصدور ولكنها منطقة مابين العينين... كلما اخبرنى احدهم انه متقلب المزاج أصمت... فلو انهم دققوا النظر فى ملامحه بما يكفى لرأوا ما ارى ولعلموا ان تقلباته المزاجية ليست الا تفكير طويل فى شىء معقد استمر لوقت اطول من اللازم تتخلله محاولات للراحة من التفكير والابتهاج قليلا رأفة بالآخرين...

-------------------------

3

لا يزعجنى منه صياحه الغاضب... ولكن يقلقنى حتى النخاع غضبه المكتوم... واوضاع التقوقع التى يتخذها كلما جالسه شخص لا يشعره بالراحة... تراه انكب فوق حاسوبه بأكتاف مضمومة كما لو انه يرغب فى التكور والدحرجة بعيدا عن المكان... ولأننى لا استطيع أن افعل شيئا فأنا فقط انسحب بهدوء... وبالرغم من انه رآنى أبكى يوما... الا اننى لم ادق عنقه كما افعل دوما.. فانا لم احتمل ابدا البكاء بين يدى احد الا قليلا...

-------------------------
4

بالرغم من انه قد ينسى اتفاق جنتل مان ابرمه معك فى خلال ساعتين إلا انه يظل جنتل مان بقيامه بفعل آخر لم تحسب له حساب... وبالرغم انه ليس ممكن يقال عنهم " مشكلته انه طيب ومابيحبش يزعل حد" الا انه فعلا "طيب ومابيحبش يزعل حد"... ولكن حذار ان تبتلع حقه لأنه -إن لم يلتمس لك عذرا- سيسترد حقه او يثأر لذاته ويتجاوزك مع تجاوزه لمشاعره الغاضبه دونما ندم... لا يغفر النداله ولا يغفل ابدأ شكر شخص احسن اليه بشكل او بآخر... وربما لن يخبرك عن مدى تقديره لك ولكنك ستعلم ذلك فى ابتسامته الصباحية ووداعات آخر اليوم... وكلمة شكر بسيطه لن يمل تكرارها... قد تظنها من باب الادب ولكنه فعلا يعنيها... لكن احذر وراجع ماتفعل لتجد موضع تقصيرك ان بدأ يوما باعطاءك ملاحظات فظة دونما ان يكن معتل المزاج... فهو لن يصبر كثيرا...

-------------------------
5

فى كل يوم ستدين له بقطعة من عنقك لا لشىء سوى لانه لن يستحى ان يفعل اى شىء من اجلك لتشعر بالرضى... وسيستمع الى ما تظن انه هراء ليستخرج منه دررا لم تراها... وسيصبر مادام يرى ان الاشياء تمضى نحو الافضل.. حتى وان مل الصبر والانتظار وغضب ماستطاع فانه يعلم كيف يقف وينظم ايقاع تنفسه مرة اخرى ليصبر مليا... وان نفذ صبره لن تراه يغدر بك فهو لابد منذرك... وقد اعذر من انذر...

-------------------------
6

ربما فى النهاية هو ليس الا شخص يشعر بالوحدة فى صخب الحاضرين يحاول ان يجد له على خارطة العالم مكان ويحاول الاستمتاع بما يملك ويرغب فيما يستطيع ان يحصل عليه ولا أكثر... وربما يرهقه مايحمل على كتفيه حتى لكانك ترى ذلك فى الانحناءه الطفيفه لظهره... او ربما لا اقول سوى ضلالات... ففى نهاية الامر انا اكتب ما اراه من خلف الحائط وما المحه خلال مرورى امام الباب...

انا قلبى كبايات عصير قصب مليانه والخلق مابتشربش... لأ لأ ... الناس كبايات عصير قصب مليانه وانا قلبى ما بيشربش، كده منطقيه اكتر... اجرى اجرى اجرىىىى ودينى اوام وصلنى... شهيق.. زفييييييييير... شهيق... زفيييير... شهيق... خلاويص، باى باى كمبوره، game over ... لأن الدنيا مش زى الاتارى مفيش روح زياده بعد العشرتلاف... هى موته واحده بس وبتيجى على غفله... بوم بوم بسبس خافت... بسبس جرت إلى امل... وانا كمان... عايزه اجرى إلى أمل... وحشتنى اوى سنه اولى ابتدائى... فى ناس بتقول عليكى مغروره وعدوانيه... شوف إزاااااااااى... فعلا مكنتش اعرف انى مهمه كده... بس عامة امى قالتلى زمان اوى "ماشتمك الا اللى بلغك"... شوفتوا ازاى فى قلوب خاينين... شوفتوا ازاى مالهمش حنين... ولا القسوة دى طبع عفيفى... يا عزيزى ماتزعلش، هنعمل ايه الإنسان واطى بالفطره وكويس انك عرفت الحقيقه دلوقتى... بيساميه بيساميه موتشوووووووووووو... تصدق.. كل اما بشوفك بحس يا اخى كده ان ربنا راضى عنى... بس بس نو يا بس بس نو دلوعه وعمال تحلو يا بس بس نو... ها وبعدين... ولا حاجه... أصل لسه الناس كبايات عصير قصب مليانه وقلبى برده مابيشربش

-------------------------------------------------
المطلع مستوحى من رحاب بسام لاجل الامانه يعنى

نكتة الموسم... اضراب فى إبريل

- اذا كان الحكومه متعرفش انى بشتغل اساسا هيفرق معاها ايه انى ماروحش شغلى فى هذا اليوم؟؟؟
- غاندى لما عمل اضراب وفر مورد غذاء ليه ماراحش قعد فى بيته على النت أو يلعب جيمز على الكمبيوتر وأمه بتلف فى الشوارع عشان تجيبله أكل من السوبر ماركت
- اللى مقلقنى مش رد فعل الحكومه قدام الإضراب لسبب بسيط انه مش هيفرق معاها اساسا لكن اللى مقلقنى الناس اللى هتستغل الإضراب وتغلى اسعار كل حاجه عشان ماحدش غيرهم بيوفرلك الخدمه دى في اليوم ده
- اللى بيشتغل شغلتين في اليوم عشان يجيب قوت يومه هيموت من الجوع في اليوم ده؟؟؟
- اللى بيأكل عياله عيش حاف هيجوعهم فى اليوم ده لو الفرن قافل
- لو الزبالين ماراحوش الشغل اليوم ده احنا اللى هنتخنق من ريحة الزباله في بيوتنا واحنا اللي مش هنلاقي دكتور نروحله وهنضطر نلجأ للكشوفات المنزليه اللي هتبقي الطاق تلاته( هي اساسا الطاق طاقين بالنسبه للكشف العادى) ولو عمال كبانيات الكهربا قفلوها وروحوا إحنا اللى هنقعد فى الضلمه واللى مش هيروح امتحانه هو اللي هيسقط... ده غير الناس اللي هتستغل الموقف وتنزل تخرب كل حاجه لاننا شعب مراهق سياسيا غير مؤهل لاتخاذ مواقف جماعيه من هذا النوع

يعنى لو عملنا اضراب احنا اللي هنعانى مش الحكومه لأن الجيش والظباط عمرهم ما هيعملوا إضراب... الحكومه مايفرق معاها لو موظفين مجمع التحرير ماراحوش اسبوع حتى مش يوم لأن مالهمش مصالح هناك إحنا اللي لينا مصالح هناك

ملحوظه أخيره... كل الناس اللى قالولى علي موضوع الإضراب ده يا بيشتغلوا فى قطاع خاص يا إما طلبه يا إما عواطليه... يعنى افراد في مراكز غير مؤثره

الخلاصه... الإضرابات العامه غير مجديه فى مصر لأن الحكومه عندنا مالهاش دراع تتمسك منه للأسف وهينتهى بينا الحال اننا بنلوي دراع نفسنا بالإضراب ده... اللي انا افهمه اننا نقاطع سلعه غاليه... يعنى العيش بتاع الفرن ماحدش يشتريه ساعتها الحكومه تعيط بعد شهر... بس هيكون وقتها الناس جاعت واللي كان جعان اساسا هيكون مات من الجوع لان اللي معاهم فلوس اساسا مابيدوش فلوس لاللي معاهمش...المشكله فينا احنا... احنا قلبنا مش على بعض ومبنراعيش بعض ومابنتقيش ربنا في بعض ازاي نطلب من الحكومه انها تراعينا وتتقي ربنا فينا؟؟؟... يعنى من الآخر اللي قلبه علي حاجه في البلد دي يشتغل بضمير وينصح غيره انه يشتغل بضمير ويتعامل مع الناس بضمير... مش الحكومه هى اللي بتسرق من طوايل العيش العاملين في الفرن هم اللي بيسرقوا... الحكومه ماتزرعتش فى البلد ولا نزلوا علينا بباراشوتات... احنا امتي هنفهم ان المشكله فينا إحنا؟؟؟؟ الناس اللي ماسكين الحكومه دول كانوا في يوم من الأيام ناس زينا زيهم والريس نفسه من كفر فى المنوفيه... وده مش دفاع عن الحكومه بس الحكومه دي الشواشى مش الجدور...

لا يغير الله ما بقوم حتى يغيروا ما بأنفسهم

اتعدلوا عشان ربنا يعدل حالكم... مش تقولولى اضراب... بلا وكسه

وحده يقف في مفترق الطرق لا يدرى إلى أيهما يندفع... أغمض عينيه ومضى يتمتم باسم الرب حارسه وراعيه.
عندما فتح عينيه وجد نفسه فى درب ثالث لم يكن يراه... تأمل ماحوله بتشكك بالغ فهو لم يدر لما هو هنا... هداية من الرب أم غواية من الشيطان... فمضى في طريقه يتمتم باسم الرب حارسه وراعيه...

من ليس للرب فى قلبه مكان ليس له في قلوب الآخرين مكان... فلا تلومنّ إلا نفسك عندما تشعر بخواء العالم من حولك

الهبل الغير منطقى لا ينتهى... أبداااااااااااااااااااااا ( زي مابيقولها سبعاوى طه)

على دول يامّه يامّه على دوووووووول

الناس بقت فى الهبولى يا كوكو والشعب واكل با-لو-ظه... ولا حد فاهم حاجه فى أى حاجه... إنه عصر الأى كلااااااااااام

وسيب سيب سيييييب يا حبيبى وانا اسيييييييب

حركاتك ديه... ديد ديديدد ديدّى... ماتخيلش عليا ديد ديديدد ديدّى...

باعتبارى بقى طفله مراهقه عندها 12 سنه وعمرها العقلى لا يتعدى ال 5 سنين... مفروض ابلع كل الخرافات/الخراءات اللى بتتقالى على بق واحد كده زى الشطوره... والبنات الحلوين يقولوا اييييييييه؟؟؟؟؟... امك اسمها حنفى يا أونكل...

ويكون يا حبيبى فى معلومك... باكلها بمزاجى...

باكلها وامضغها وبقرف ابلعها... بس عشان مؤدبه مابتفهاش فى وشك... بتفها فى منديل على جنب من غير ماحد ياخد باله... زى الإيتيكيت مابيقول... فلما تشوف بقى فاضى فده مش عشان انا زلطتها يا كتكت... انا بس مش بقول انى تفيتها عشان اشوف آخرك ايه...

وتقولى سيب تيييييربت طب سيب وانا أسيب...

قمة المسخره... انك تقعد تبنى فى حيطه عشان تفصلك عن حاجه، وبعد ماتخلص... تكتشف انك فى نفس الجانب اللى فيه الحاجات اللى كنت عايز الحيطه تحوشها عنك... هىهىهىهىهىهىهى

فى الجنه... ماحدش هيركب جنبى فى الميكروباص التويوتا... وهقعد كل مره ورى السواق... والسواق هيشغل اللى انا عايزه اسمعه... والأهم من كله ده انه عمره ما هياخد اجره زياده...

من كام يوم وانا فى طريقى للشغل كنت نايمه كالمعتاد... المهم واحنا نازلين كوبرى معرفش فين بفتح عينى واذ بى اوفاكأ (اتفاجىء يعنى بس بالأفرنجى) بإيه؟؟؟... بخير اللهم اجعله خير بوستر فيلم اسمه شارع 18... وعليه ايه بقى اللهم احفظنا كده واحد سوفاح تقريبا... كاتل بحك وحكيك... وماسك فإيده سكينه نصلها عرض كدهه يسد عين السمس.. حسيت فى حاجه مش مزبوته خالس مالس... اتارى بقى اييييييه عمو السوفاح ماسك السكينه بالمقلوب... يعنى نصل سلاحها لبره مش لجوه... وطبعا قطعت التتويبه (كنت بتاوب) بضحكه مكتومه يسبقها (ايه ده!!) بصوت مجعلص... وحقيقى حقيقى البت اللى جنبى افتكرتنى يا هبله يا اما مجنونه...
يعنى بالذمه ده كلام!!!! ماحدش من اللى كان واقف وقت التصوير ولا اى حد معدى والا حتى لطبيعه فى المطبعه أخد باله يقولهم... ينصحهم... يوعيهم... اللى مجننى بقى ان البوستر مسروق... طب يلطشوا بذمه طيب... لو كانوا ركزوا فى بوستر الفيلم الاصلى مكانش كل ده حصل...
المهم انى ساعتها عرفت ليه دايما بيعملوا ايد السكينه فيها مكان للصوابع... عشان البهايم اللى زى دول... مش فاهمه يعنى مفروض بعد كده يعملوا اسهم على السكاكين تشير الى اتجاه المسك ولا ينزلوا معاها كتالوجات... يمكن فى المستقبل يخترعوا سكاكين بالكهربا تمسكها غلط تشتمك بالست الوالده على طول...

i am legend

The people that are trying to make the world worse never take a day off,
why should I?
Light up the darkness.

-Bob Marley

يخربيت كده... الفيلم كان ماشى حلو لكن انتهى نهايه كفته تماما... بوظوا الطبخه عشان بشلن ملح... مكانوش عارفين يعملوا نهايه عدله!!!... اللعنه... ياريتنى كنت اتفرجت على فيلم كارتون احسن :(