سنترال تاني

يوم الجمعة الموافق 1-12 هيبقي افتتاح مهرجان القاهره للسينيما المستقلة
الافتتاح الساعه 5 وعرض الفيلم الاول الساعه ٥.٣٠ بأمر الله وهيكون فيلم سنترال

العنوان
مسرح الروابط بجوار التاون هاوس..... 6 ش حسين المعمار متفرع من شارع محمود بسيوني أو شارع معروف- وسط البلد
----------
اللي رايح من قصر النيل يخلي جروبي علي شماله ويخش شمال مع جروبي يسيب اول يمين ويخش تاني او تالت شارع جانبي يمين علي الناصيه في سوبر ماركت تخش في الشارع اللي فيه السوبر ماركت ده وتمشي قدام شويه هتلاقي قهوة التكعيبه علي ايدك الشمال وبعدها علي طول مسرح التاون هاوس... لو سألتوا اي حد هناك من علي القهوه او حتي بتاع السوبر ماركت هيقولولكوا فين المسرح بتاع التاون هاوس... ملحوظه... قهوة التكعيبه دي مفروض احد قهاوي المسأفين في تلك هذه البلد ... هي شكلها معفن شويه بس هي كويسه... بيقولوا الافتتاح اللي قبل الفيلم هيبقي حلو لو حد عنده استفسارات يسالني في التعليقات... بنتعب يا نفيسه والله... واهو كله من اجل رفعة الوطن... لولولولييييييييييه

سنتراااااااااااااااااااااااااااااال

هييييييييييييييييييييييييييييييه اخيراااااااااااااااااااااا هشوف فيلم سنترال بتاع محمد حماد
الفيلم ده راكب معايا شمال كل اما اجى اشوفه فى حته تحصل حاجه ومروحش او اعرف بعد اما يتعرض
المهم الفيلم هيتعرض فى "قصر السينيما" بجاردن سيتى
وده اما سألت قالولى انه قدام روزاليوسف اللى فى القصر اليعنى.. والدعوه عامه اى حد ممكن يروح على فكره... الفيلم سمعت انه حلو.. يارب اعرف اروح بكره.. ولو ماروحتش والنبى اى حد يروح ويحكيلى عااااااااااااااااااااا

قريت من شويه على مدونه واحد اسمه اشرف حمدى سؤال مهم جدا... يا ترى ممكن يكون فى يوم من الأيام عندنا سبعين مليون v (بتاع V for Vendetta)
الفيلم عجبنى موت.. اعتقد انه افضل فيلم سينيمائى مأخوذ عن اصل كوميكس... الفيلم "كفيلم" عجبنى جدا.. لكن كفكر!!! سورى نفيسه!!! ظهور امثال هذا الشخص علامه غير صحيه ومؤشر منيل بستين نيله....... بنى ادم زى ده بيكون الافراز الطبيعى لشعب عومل بسادية.. نهار اما يبقى عندنا سبعين مليون V يبقى افضلنا نتجمع فى محرقه جماعيه من دلوقتى.. لانه ببساطه شخص مريض نفسيا... حول ثأره الشخصى لثأر عام... بس الغريب ان عاده الناس اللى عندهم خلل ما فى فكرهم بيكونوا اكثر قدرة من غيرهم على التأثير فى الجموع.. يمكن لانهم عادة بيخاطبوا مركبات النقص جوا الناس او عقدهم النفسيه....
مش عارفه ليه عادة فى السيما بيختاروا نماذج فكرية سيئة ويعملوا منهم مثل عليا تحتذى... مع ان الفيلم عجبن جدا بس فعلا محسيتش بسنتوفه تعاطف مع البطل على الاطلاق

شريعة القطة- طارق إمام

هل سمع أحدكم عن أنفاسى اللاهبة المحرقة؟...
هل تتخيلون منظر وجهى الشائه المحترق- لملاكٍ مُقعَد - وأظافرى المستطيلة؟ أنا الشيطان الذى تخافون غوايته وتحتاطون لشره.. ولكنى لست كما تتخيلون.. أنا مجرد إسكافى عجوز يرتق النعال ويبش فى وجه زبائنه الذين يجعلونه بلا معنى، فكل زبائنى من الحفاة!.
أنا حوذى لحصان مسلول، حوذى يعمل خادماً عند حصانه الذى يجوب به العالم ليزرع الشرور ويبث نسباً معلومة منها فى الهواء والماء حتى لا يقتل الناس.. فهو فى النهاية يعادى الموت كما يعادى الله.. ويعشق الحياة.. ألا تعشقون الحياة؟!.. هل عند أحدكم من الشجاعة ما يجعله يعلن أنه يريد أن يموت؟!.. ومن أجل من تموتون يا رعاياى البسطاء؟..
هل تريدون المزيد؟.. أنا فلاح معروق بذراعين خشنين ووجه لوحته الشمس.. فلاح بسيط فى الخلاء تشققت قدماه وابيضت لحيته من أجل أشخاص آخرين.. وحتى لو كنت قرصاناً.. ما الذى يضيركم فى هذا؟..
مالكم أنتم والأمواج والغرقى وليل البحر القاسى؟ ما الذى يعذبكم فى لون رايتى الأسود، أليس لوناً مثل بقية الألوان؟.. لماذا تموتون فضولاً لنزع القماشة السوداء عن عينى اليسرى المريضة، ماذا تتخيلون أن تروا إذا نزعتموها؟.. هل تظنونها مقبرة أخذت اليها أقاربكم الذين كانت حيواتهم مليئة بالعصيان؟ إنها ليست سوى حدقة تالفة.. بئر مهجورة وخاوية.. لا تأتى سوى بالدموع المالحة التى تعمق أخاديد وجهى.
أنا الشيطان وأنا سعيد بهذا.. فما معنى كلمة شيطان؟.. خمسة حروف لا غير بلا معنى، لا يجروء أكثركم تجديفاً أن يسمى ابنه بها.. أو أن يذكرها بينه وبين نفسه بالسوء.. رغم أننى محض إسكافى عجوز أو حوذى مغلوب على أمره.. فلاح أو قرصان.. لم أكن يوماً ملكاً أو أميراً أو قيصراً.. مجرد شبح وحيد له عين مليئة بالخسارات يسيل منها الماء بسبب وبدون سبب.
-----------------------------------------------------------------------------------------------------------------
جزء من رواية شريعة القطة لطارق إمام....... في واحد محترم قال " الأدب الجيد يطرح من الأسئلة أكثر مما يجيب"... الرواية دي فعلا اكلتلي دماغى....... واللي مالوش في التفكير ووجع الدماغي ممكن ياخدها علي انها مجرد رواية فانتازيا مسليه وهتعجبه برده :)... في رواية تانيه قريتها قريب اسمها تماثيل الملح لواحد اسمه محمد كمال... جامده جدا برده ربنا بس يقدرني وانقل منها جزء الطعهولكوا فى بوست... مصر لسه بخير والله... وصرم يا نفيسه بقي لو في اي اخطاء املائية في النص اللي فوق انا نقلاه من الروايه معلش بقي

قال احدهم يوما.. لاتكن صلبا فَتُكسَر ولا ليِّنا فتُعصَر.....
اذا داهمتك الأشياء فلا تعطيها وجهك ولا توليها ظهرك.. فقط در قليلا وتلقاها بكتفك... فمن اجل هذا خلقت الأكتاف... واذا اتاك احدهم باكيا فاربت علي ظهره واعطه كتفك يسترح عليه قليلا ليحكي... فالاكتاف خلقت لامتصاص صدمات الحياة... صدماتك وصدمات الآخرين... فامشي دوما مفرود الاكتاف والظهر... كرمح يخترق السماء... حتي لا تلقيك الرياح بعيدا أو تطرحك الأشياء ارضا..... واذا ماكنت وحيدا فلا تحزن... فأنا مثلك... وحيدة كالقشة... فانتظرني حتي لا تموت وحيدا... ما يبقي لدي بعض الامل انني اعلم اننا حتما سنلتقي... فانت خلقت من التراب واليه تعود... وانا خلقت من ضلع في صدرك وحتما اليه سأعود.. فإن لم نلتقي هنا سنلتقي تحت التراب... فقط احتفظ بصدرك مفرودا.. فأنا لم اخلق من ضلع في صدر مقوّس يحمل ظهرا محنيا

أما انا... وحدى أنا
بشوف الحزن متدارى.. ورى الضحكة اللى فى عينيكى
وبسمع فى رنين صوتك........... شجن
------------عبحميد حافظ------------

هو مينفعشى الناس تنسى شويه انهم رجاله وانهم ستات ويفتكروا بس انهم بنى ادمين؟؟؟؟؟؟؟؟؟؟؟؟
ومينفعشى يفهموا ان مفيش حد احسن من حد.. وان فى ناس فوق وتحت من باب الاختلاف الظاهرى.. تنوّع.. لكن كله زى بعضه ماحدش احسن من حد........
-------------------
اييييييييييييييييييييييييييييييييه يا دنيا.. وبعدها معاكى مش ناويه تحنّى؟؟؟؟؟؟؟