لازلت اذكر عينيك الخبيثتين وكفك اللزج وكرشك المتدلى كأحد اكصدامات سيارات النقل... ولازلت ايضا اذكر خدعتك الكبيره.... الدور العظيم الذى لعبته ببراعه... وقلبى المسكين الذى حطمته.. واحلامى التى سرقتها من بين عينى واطبقت كفك عليها ثم فردث راحتك ونفخت فيهم فتطايروا ليسقطوا تحت حذائك اللامع... وربما ارتطموا باكصدامك الشحمى اثناء السقوط.... ومن المؤكد انك استمتعت بانطلاء الحيلة على شخصى المسكين.. وربما تندرت ايضا مع اصدقائك بهذا الشأن... مسكين انت... يؤسفنى ان اعلمك اننى انا التى استحقت الاوسكار... عفوا... ربما يحالفك الحظ مع ضحية اخرى.... كلما تذكرت وجهك فى لحظة الوداع وانت تنظر الىّ مزهوّا بتحطيم قلبى، اضحك.. اضحك حتى اكاد استلقى على قفاى.. اتظن ايها المسكين اننى وقعت فى حبائل ابله مثلك؟؟؟.. فلتعلم يا سيدى العزيز.. جدا.. جدا.. جدا.. انك انت الاضحوكه.. واننى انا التى كنت اسخر منك وسط صديقاتى.. وكم ضحكنا سويا من رسائلك المشبعه بكلام عن شفاهى الورديه وعيونى الكحيله وملامحى الملائكية.. اتعلم مدى زهوى انا يا منتفخ الاوداج نشوة بخداعى امام صديقاتى بأننى خدعت من هو فى مثل سنك وجعلته يعتقد انه استطاع خداعى.. وعلى ذكر الخداع... دموعى فى لحظة الوداع الرهيب لم تكن بتأثير قطرات من البصل أو الجليسرين... يسعدنى ان اخبرك انها كانت طبيعيه جدا.. انه الاحتراف يا عزيزى.. فأنا اجيد البكاء كما تجيد انت نفث انفساك فى اذنى عندما كنت تهمس الىّ بكلمات الحب المزعوم... وكما كنت اجيد انا منع نفسى من التقيؤ كلما لامس كفك وجهى... اتخيل الآن ابتسامتك الساخره اذا مرت ذكراى بخاطرك فأضحك اكثر.. في الاغلب سوف تنسانى تماما بعد الضحيه التاليه او بعد التاليه ولكننى سأظل اضحك منك لوقت طويل
----------------------
ملحوظه: شفاهى لم تكن ورديه الى هذه الدرجه وعينى ليستا مكتحلتين اطلاقا"خلقة ربنا" مثلما كنت اخبرك... اتقان وضع مساحيق التجميل لتبدو كما لو انها ليست موجوده فن... ولسوء حظك اننى اتقنه تماما... ربما اكثر من اتقانى للبكاء

كنت في البلوج بتاع طارق امام وقريت الكلمتين دول
"منذ أيام قابلني صديق قديم , و بعد نصف قال لي : انت اتغيرت قوي ! أجبته بعبارات محفوظة هازلا , غير أن عبارته التالية كانت حاسمة . : انت كبرت"
لما قريتهم اتخرست.... عمري ما حد قالي كده... دايما النا اللي بقالي كتير ماشوفتهمش لما بيقابلوني بيقولولي "يااااااااه... انتي لسه زي مانتي ماتغيرتيش"..... لغايه دلوقتي اما مدرسيني من ايام المدارس بيشوفوني بيقولولي شكلك زي ماهو.. مدرسيني من ابتدائي واعدادي... وانا دلوقتي متخرجه بقالي ٣ سنين... يمكن عشان كده بطلت ابص في المرايه ومبحبش اتصور... عشان مبحسش باي فرق غير في مناخيري بس..بتكبر...... نفس الغمازه اليتيمه اللي في مكان مبيطلعش فيه غمازات لحد.. نفس الابتسامه اللي بتتعوج علي جنب ساعات... نفس لون الشعر ونفس الوان الطرح.... مفيش حاجه بتتغير الا المناخير اللي بتكبر والنضاره اللي بتتغير اما بتتكسر.... نفس الحركات الكتير... نفس العصبيه.. نفس الكلام اللي بيطلع بسرعه... نفس السنين اللي بتعدي وبتزيد علي الورق بس.... نفس الدماغ الناشفه والانفصال عن الموجودات اللي حواليه... نفس عدم القدره علي التعود علي شيء او الانتماء لشيء.. نفس الاحلام الي لسه بسعي وراها... نفس الخطط طويلة المدي.... حتي نفس الكلام اللي بسمعه "انتي غريبه اوي"........"انتي عنديه وصوتك من دماغك".... "انتي مش هتتغيري ابدا يا بت انتي!!!!!!"
المضحك في الامر ان الكلمتين بتوع طارق جم في الوقت ده بالذات... الوقت اللي انافيه بفكر هو ليه كل حاجه بتتغير وانا لسه زي مانا.... مع اني مش حاسه بان عدم القدرة علي التغير ده مشكله لكني لازلت بتسائل

اكتب ايه؟؟؟... اكتب ليه؟؟؟
مخي مريح تماما بقاله فتره تعبت من كتر الكتابه ومن كم المدخلات اللي بستقبلها فمخي قرر مع نفسه ياخد اجازه... بقالي فتره عايشه في غيبوبه... او حاله تبلد... هي مش لا مبالاه... مخي معادش قادر يستقبل اي حاجه... ولو استقبل حاجه واجي اكتبها بقت تطلع بشكل مكثف.. سطرين تلاته... احساس صرف او فكره صرفه مجردة... زي بالزبط اللي عنده عسر هضم... الاكل بيخرج من المعده مصحح زي ماهو وتشد وراه السيفون... تبقي اكلت بس جسمك مستفدش من الاكل لانه ماتهضمش كويس.. المعده بتهضم منه مايبقي الجسم علي قيد الحياه و بتلفظ الباقي زي ماهو...
مخي بقي بعمل كده بالزبط... بقي يستقبل الحاجات ويلخصها لافكار مجرده ويرمي الباقي... عمليه التفاعل مبقتش كامله.... تحليل الاشياء لموادها الاوليه مفروض انها عمليه معقده... يعني مخي شغال الله ينور(الحمد لله) بس بطل يعالج الافكار المختزله دي باي شكل من الاشكال... حتي مبقيتش رغايه زي ماكنت.... في حاجات بتحصل جوايا انا عاجزه تماما عن فهمها او استيعابها.... او يمكناكون بنضج... مشعارفه... حتي مش قادره احدد اذا كان اللي بيحصل ده حاجه كويسه والا وحشه... هو مش اكتئاب... يمكن يكون فتره راحه ذهنيه... يمكن يكون بيات شتوي لاستعاده الطاقه... ويمكن يكون ملل... او زهق... او يمكن يكون مجرد مرحلة انتقالية.... مرحلة تَشَرنُق يعقبها ميلاد جديد... الله اعلم

------------
البوست مفتوح للنقاش وليس التعليق

كسر القواعيد

وحدي اجلس في نفس المكان... كل شىء حولي تغير... ولازلت انا... كما انا... كل الايام تمر... عدي ايامي.. كل الاشياء تتبدل... عدى اشيائي...ربما قد اصبح التغيير هو الا اتغير

انه العايدى

لولولولوليييييييييي...... العايدي فتح البلوج بتاعته تانييييييييييي
دووووس اللينك

لا تعتذر وكفنك علي ذراعيك الممدودين مفرود.. فلتلقي بكفنك تحت قدميك واصفع لائمك ان لم يقبل الاعتذار... فالندم لا يصاحب الخوف... والعقوبه لا تمحيها دمائك

لا هي تأتِ ولا هو يقرر الرحيل... ثم يصير وهم اوبتها ادمان... في تلك الحاله قد يقتلها عندما تعود... فهو يعشق الانتظار

مابعد الأجازه

نيااااااااااااااااااااااااااااه... ٣ ايام انتخه تامههههههه ونوم كتشيييييييييييييير... ودوش سخننننن وطوييييييييييييييل... شبشب جديد ومريييييييح... خطين كحل وخبطتين ماسكارا.... عقد خرز كبير وطويييييييييل... غوايش كتير بتشخلل... خواتم كتير فوق بعض... بودي سبراي جديد... طرحه جديدة......... اوووووووووه... انتعااااااااااااااااااااااااااااااااااااااااااااااااش

The Man Who Sold The World

رجل باع العالم هو رجل رابح بالتأكيد... فهو باع مالم يكن يملك..... لم يبعه من أجل التربح ولكنه باعه علي سبيل اليأس... باع عالما مهترئا كحذائه القديم... كسرواله القديم..... كجواربه المرقعه... كلهم يصلحون كروبابيكيا غير ذات فائده... لا تدر اية ربح... ولكن بيعها يريحك نفسيا ... فأنت لم تلق بأشياءك التي كانت يوما غاليه في سلة المهملات... ترتاح لانك سلمتها لأيدٍ أمينة...
باع عالم لم يشتريه... وانما اهدي اليه علي غير رغبته... تسلمه عند الولاده.... وعندما اصبح هذا العالم ضيقا عليه تخلص منه... استبدله بجنيهين وقبله وكأس نبيذ... ثمن معقول جدا لعالم بتلك الحالة التي باعه عليها.... رجل باع العالم هو رجل اشترى نفسه... رجل تخلص من جاذبية الحياة التي تشدنا الي الآخرين كالجاذبية الأرضية... اما هو فقد تحرر منها تماما كمكوك فضائي انطلق منذ عشر سنين... لا أحد يعلم الي أين اتجه... ولم يخبر هو احدا متي سيعود... وفي الأغلب ايضا لم يعد يعنيه ان يعود.. فلم يعد له بيننا عالم يعود اليه... لم يعد له دموع يبكيها ولا ابتسامات يوزعها ولا عناقات حميمة يذيب روحه فيها...