أوراق التوت

http://yamenat.blogspot.com/


ولو انى مش من هواة الاعلانات للبلوجات الجديده... بس البلوج دى احرجتنى الصراحه..
الولد بيكتب حلو..
مع انى مش من هواة الشعر بس الولد شاطر..
ابقوا خدوا فكره

بـ رَيال و نَقِّى

فى ستة كيلو الفاظ بذيئة محشورين فى بقى عايزه الِفّهم فى قرطاس واديهم للست المريضة دى!!!!!!... هى اونلاين دلوقتى وشايفانى هىهىهىهى هتطق يا عينى.... بِسكِلِتَّه يا امّوره؟؟؟؟؟؟ هع هع هع هع

I am Spartacus

لسببب او لاخر قامت الست صاحبة الشغل بمنع الماسنجر خلسة من خلف ظهورنا بالتعاون مع جاسوس من زملائنا فى العمل... وده فى الحقيقة الشىء اللى نرفزنى.... يعنى الست مجتش بمنتهى البساطة وقالت ممنوع المسنجر على الاجهزة.. فعلا مكنش حد هيستخدمه... لكن اننا نيجى الصبح نلاقى المسنجر مابيشتغلش... وانا بالذات الاقى الانترنت اكسبلورر كمان مش شغال ( اصل الواد اللى منع الماسنجر من السيرفر اتخانقت معاه حوالى 4 مرات لغاية دلوقت--- ولو انها يعنى هى مش فارقة لانى بستخدم موزيلا فاير فوكس اساسا هىهىهىهى) دى اللى انا بسميها قلة الادب... فى الاول اعتقدت ان الامر لا يعدو كونه خلل ما فى شىء ما وبالطبع غير مقصود او متعمّد... لحد ما من شويه لقيتى رئيستى بتسالنى هو الماسنجر شغال عندك قلتلها لا واكتشفنا ان الناس كلها نفس الشىء.... خدونى على جمب وفهمونى ان فى الاغلب صاحبة الشغل عملت كده من ورانا بالتعاون مع ديلها (زميلنا بتاع ال IT - اللى المفروض انه زميلنا)... فى زميل تانى اى تى برده بس ماجاش النهارده... ده نزيه والتانى عميل.... انا عن نفسى مفرقش معايا ان الماسنجر مش شغال لان كده كده انا كنت بقرأ خريف الغضب بتاع هيكل... بس اتخنقت اوى من موضوع انى متاخده على خوانه... احنا مش اطفال عشان يعملوا معانا كده.. وحتى لو اطفال مايصحش يستهينوا بينا بالمنظر ده... وعنها..... ودخلنا على جهاز السيرفر شغلنا الماسنجر لقيناه شغال... قلنا بسسسسسسس يبقى هى زومبه رومبه واتقفل من على اجهزتنا.. وكان القرار منى بانى لاول مره فى حياتى استخدم الويب ماسنجر.... وقد كان....... والناس كلها فى المكتب عندنا شغالين بالويب مازنجر نياهاهاهاهاها... ولو قفلوه فى سايت تانى.. ولو قفلوه فى سايت تالت.. وفى الجوجل تشات اللى بيبقى فى صفحة المايل نفسها ومبيتقفلش بال pop up blocker.... وممكن اوقعلهم السيرفر بتاع المكتب اساسا انا مبيفرقش معايا انا دماغى وسخة ومبحبش حد يستغفلنى.... ليها خمسين حل... كل حاجه بتتعمل ممكن جدا حلّها خصوصا فى عملية اختراق المحظورات دى.. اللى عايز حاجه يطلبها لكن يصيع عليه هنشف ريق اهله... واخونا العصفوره ماشى ورايا فى كل المكتب عشان يعرف انا بعمل ايه فى كمبيوترات زمايلى التانين... شغلتلهم كلهم الويب ماسنجر... نفسى بقى صاحبة المكتب تخش على الماسنجر وتلاقينا كلنا اونلاين ... هنبسط اوى.. واشوفها بقى كده وهى جاية بتلف على مكاتبنا وهى مش قادرة تسألنا احنا على الماسنجر ازاى مع انه معموله بلوك هىهىهىهىهىهىهى ادفع نص عمرى واشوف المنظر ده عشان كده معملتلهاش بلوك من الليسته بتاعتى وبدعى ربنا انها تخش اونلاين خاصة وانى عاملالها Nick Name مخصوص عشان خاطرها هع هع هع هع هع ... عملت اسمى (Kaydahom).... ولو انى مابحبش الانتقام... بس مبحبش حد يصيع عليه... اهو ظروف الحياة بتضطر الانسان احيانا لانه يقرص الناس من ودنهم عشان يعرفوا حدودهم... واعتقد انه جه الوقت انهم يعرفوا ان سلطان كبر واتعلم ازاى يدوس على الزيناد... كلمة واحده هرد بيها على كل اللى انت عملته فيّه.. طاخ طاخ طاخ..... اهو اخونا العصفورة لسه معدى من جمبى عايز يعرف انا بكتب ايه.. حوري..... اؤكلى بعضك يا حورية.... تحيا جمهورية مصر العربية

"أفرجت السلطات المصرية على علاء سيف الإسلام المدون الشاب"
انا مش قادرة افهم احنا بنسطح الناس كده ليه... يعنى الواد خمستلاف حاجه فى بعض تختزلوه ليه فى كونه "مدوّن"... هو ده اللى بيعمله فى عيشته انه "مدوّن"...... شىء سخيف جدا بجد.. بنسَطَّح قِيَم الناس ونعظّم قِيَم الالفاظ بدون اى لازمه... وانضم التدوين الى العديد من الصفات مجهولة القيمة.. حاج.. باشمهندس.. باشا... مدون..... بعععععععععععععععععععع

آه يا زمان العِبَر... سوق الحلاوة جَبَر.. واتغندروا النِتنيِن

قال الملك هاموشير لعبدوس الوزير .. اتني بالف بعير .. فقال عبدوس .. لملك المجوس
يا ايها الملك ياعالم الفلك .. البعير هلك.. البعير هلك
(رشدى اباظة- الزوجة رقم 13)

انا عايزه احتفل بعيد ميلادى الكادم فى ميدان التحرير... بفكر اعمل سيربرايز مزاهره بمناسبة عيد ميلادى.... لازم اخد تسريح برده؟؟؟

عيله تايهه ياولاد الحلال

اوسخ احساس فى الكون انك تقوم يوم تلاقى نفسك مشتاق لنفسك... يادى الوكسه!!!! هو انا تهت منِّى امتى!!!!!!!!

انا العفريت

وانت صغير دايما يخوفوك من ابو رجل مسلوخه... وامنا الغولة.. واوعى حد يقولك تعالى اوديك لبابا وتروح معاه... اوعى حد يديك شوكالاته ويخطفك... اوعى... اوعى.. اوعى... وطبعا بعقلك الطفولى بتبتدى تخترع حاجات من دماغك تخاف منها.. العفريت اللى عايش ورى كنبة الانتريه؟؟؟ والعفريت اللى تحت ترابيزة السفرة... ده غير اشباح ماقبل النوم طبعا... والوحش اللى مستنيك فى الحمام.... بعد كده بتكتشف الخدعه.. ان ماعفريت الا بنى ادم... وتنسى بقى عفاريت الحمام والسفرة والانتريه وابو رجل مسلوخه والحدايه اللى هتخطف حمامتك وانت نايم عشان مابتتشطفش بعد ماتعمل بيبى... ويبتدى يتزرعلك بقى مخاوف تانيه... تكش من الناس الغريبه احسن يطلعوا مخبرين.. وتكش من الناس اللى بتتصاحب عليك احسن يطلعوا عصافير امن دولة.. ولو حد دخل عندك البلوج وزكتبلك كلمتين ولاد ناس.. بسسسس ده عايز يستدرجنى لتنظيم سياسى... بس اللى بيفضل موجود... العفاريت.. اما بتكتبر بتكتشف انهم بجد.. وانهم من لحم ودم.. وانهم مش دايما بيلبسوا اسود... وانهم مقامات واصناف واشكال والوان.. ابو نجمة.. وابو دبورة.. وابو نجمة ودبورة.. وابو ايد طَرشَه... وانهم فعلا بيطلعوا فى الضلمه... وانهم بيخطفوا بس من غير مايدوك شوكالاته ولا يقولولك هنوديك لبابا... بيخطفوك من سكات... بيخطفوك عشان انت الورث بتاع ابوهم... اللى اشتراك اول ماتولدت واداك ليهم هدية بمناسبة عيد ميلاده... عيد الام.. عيدد اى حاجه اهو اتبرعلهم بيك والسلام وبقيت زى العروسه يعملوا فيك اللى هم عايزينه.. ينيموك نوم العازب وتعجن عجين الفلاحة... والى اب... ارمى القرش على ودن القرد يلعب.. وممكن برده ياخدوا حمامتك وانت نايم... زى الحداية... بس مش عشان مابتتشطفش كويس بعد البيبى لكن عشان انت غلطت فى العفريت الكبير.... وتعيش عمرك كله خوفك بيزيد... وتلاقى كلامك من الخوف همس.. واعتراضك صمت... ولا اب بينفع ولا خال بيشفع.. وطريقك مسدود مسدود مسدووووود يا والدى..... عشان انت من غير امل... العبيد بتتحرر... لكن التركة بتتورث الى ابد الآبدين... طول مانت عايش وبتتنفس هتفضل خايف..... توب علينا يارب... هم ليه واحنا صغيرين ماكانوش بيخوفونا من العفاريت اللى بجد؟؟؟؟؟؟؟؟

احم احم احم

هو فى ايه؟... كل يوم والتانى يقفشوا واحد ويقولولك بيسب حسنى مبارك.... مش هينفع كده.. معندناش زنازين كفايه!!!!.... الشعب كله بيسب هيجيبولهم زنازين منين!!!!!!!!!!!!!!!!...
بس صحيح.. هو ايه بقى مفهومهم عن السب بالزبط؟؟ يا ترى "" قننى الكنب بتاعى حزين يا قننى... فى واحد خدام بصنه بصه وحشه يا قننى"".. والا "" ابويا كان بيشرب الشاى امى قالت اِحِم زِوِر بَجَّها ""... طيب إحم إحم إحم....


مفروض يزودوا كوبليه فى اغنية انت اكيد فى مصر فى الاخر كده....
لو من قفاك بيجيبووووووك
وفى زنزانه يحطووووووك
ويقولو شتمت الريس
بالرغم من انه كويس
يبقى انت اكيييييد.. اكيد فى مصر

Saint Jude, The patron of lost causes

The Apostle Saint Jude Thaddeus is "The Miraculous Saint," the Catholic Patron Saint of "lost causes" and "cases despaired of."When all other avenues are closed, he is the one to call upon, and his help often comes at the last moment.

el tag el taaag

Tagged by Nour..:))

4 Jobs I've Had in My Life:
1- Graphic Designer
2- Multimedia Designer
3- Instructor
4- Freelance Writer

4 Movies I Could Watch Over and Over:
1- Fight Club
2- Devil's Advocate
3- Interview With The Vampire
4- 12 Monkeys

4 Places I've lived:
1- Cairo
2- My Imagination
3- ------
4- ------


4 TV Shows I Love to Watch:
1- i dont watch tv
2- i dont watch tv
3- i dont watch tv
4- i dont watch tv


4 Places I've Been on Vacation:
1- El Mahalla
2- My Bedroom
3- West Elbalad
4- ElHossein


4 Websites I Visit Daily:
1- Lotsa Blogs
2- nytimes.com
3- Eternal-Lands.com
4- ...


4 Places I'd Rather be Right Now:
1- Bed ofcourse!!!!
2- El-Hussein
3- Azhar Park
4- on a back of a horse or beskeletta


4 Bloggers I'm Tagging:
1- Tara
2- Sam
3-Yamen
4- Zeryab

Sometimes u just miss someone.... cos u know he/she s somewhere passing through the same things... is this sympathy.... or it is just some sort of projection... u feel for ppl what u r afraid of admiting u feel towards urself


Wish You Were Here Lyrics


So, so you think you can tell Heaven from Hell,
blue skies from pain.
Can you tell a green field from a cold steel rail?
A smile from a veil?
Do you think you can tell?
And did they get you to trade your heroes for ghosts?
Hot ashes for trees?
Hot air for a cool breeze?
Cold comfort for change?
And did you exchange a walk on part in the war for a lead role in a cage?
How I wish, how I wish you were here.
We're just two lost souls swimming in a fish bowl, year after year,
Running over the same old ground.
What have we found? The same old fears.
Wish you were here.

YANHAR ESWED!!!!!!!!!!!!

All of my friends would be surprised if they saw this result.... cos i v always wanted to have my hair n blue since i was 13 or something!!!!!!!!!!

Your Hair Should Be Blue

Wild, brilliant, and out of control. You're a risk taker with an eye to the future.

What's Your Funky Inner Hair Color?

You Are 52% Lady

You're part lady, part modern woman. Etiquette is important to you, but you brush aside rules that are outdated or silly.

Are You A Lady?

SURPRISE!!!

You Are 60% Weird

You're so weird, you think you're *totally* normal. Right? But you wig out even the biggest of circus freaks!

How Weird Are You?

Your Five Variable Love Profile

Propensity for Monogamy: Your propensity for monogamy is medium. In general, you prefer to have only one love interest. But it's hard for you to stay devoted for too long! There's too much eye candy to keep you from wandering. Experience Level: Your experience level is medium. You probably have had a couple significant loves. And you may have even had your heart broken. But you haven't really dated a wide variety of people. Dominance: Your dominance is low. This doesn't mean you're a doormat, just balanced. You know a relationship is not about getting your way. And you love to give your sweetie a lot of freedom. Cynicism: Your cynicism is medium. You'd like to believe in true and everlasting love... But you've definitely been burned enough to know better. You're still an optimist, but you also are a realist. Independence: Your independence is high. You don't need to be in love, and sometimes you don't even want love. Having your own life is very important for you... Even more important than having a relationship.

The Five Variable Love Test

How did they know this!!!!!!!!!!!!

You Belong in Barcelona

When it comes to Europe, you don't want to decide between culture and fun. You want art by day and a big party by night. Barcelona is ideal for you. You can check out some Picasso, eat some tapas, take a siesta, and then dance all night!

What European City Do You Belong In?

Your Birthdate: January 23

You're not good at any one thing, and that's the problem. You're good at so much - you never know what to do. Change is in your blood, and you don't stick to much for long. You are destined for a life of travel and fun. Your strength: Your likeability Your weakness: You never feel satisfied Your power color: Bright yellow Your power symbol: Asterisk Your power month: May

What Does Your Birth Date Mean?

Your Love Style is Agape

You are a caring, kind, and selfless partner. Unsurprisingly, your love style is the most rare. You are willing to sacrfice your world for your sweetie. Except it doesn't really feel like sacrifice to you. For you, nothing feels better than giving to the one you love.

What's Your Love Style?

The Keys to Your Heart

You are attracted to those who are unbridled, untrammeled, and free. In love, you feel the most alive when your lover is creative and never lets you feel bored. You'd like to your lover to think you are flexible and ready for anything! You would be forced to break up with someone who was emotional, moody, and difficult to please. Your ideal relationship is comforting. You crave a relationship where you always feel warmth and love. Your risk of cheating is zero. You care about society and morality. You would never break a commitment. You think of marriage something you've always wanted... though you haven't really thought about it. In this moment, you think of love as something you can get or discard anytime. You're feeling self centered.

What Are The Keys To Your Heart?

You Should Learn French

C'est super! You appreciate the finer things in life... wine, art, cheese, love affairs. You are definitely a Parisian at heart. You just need your tongue to catch up...

What Language Should You Learn?

ثورة العبيد

مش عارفه ايه الفايده اللى بتعود على صاحب الشغل انه يجيب موظفينه يربطهم بيوم عمل كام بالرغم من انه عارف وهم عارفين ان معندهمش شغل فى اليوم ده وهيجوا يلعبوا سبايدر سوليتير.... اى متعة ساديه سيكوباتيه مشكلحه بيحصلوا عليها من جراء هذه الافعال المشينه... فلتذهب كل الاشياء الى الجحيم هروح بدرى واللى مش عاجبه يرفدنى

على راى المثل

قال بلدك منين يا جحا؟؟؟
قال اللى فيها سريرى

قولوا انشالله

ياسلام لو آخد كده اجازه اسبوع بين اتنين ويك اند.. يعنى 9 ايام من البرطعه المتواصله... انام واكل والعب جيمز... واما ازهق اسافر اقضى يوم عند اهل ابويا ويوم اعند اهل امى ويومين فى العجمى عالبحر لحد ماتسلق.. يا حلييييييييييييييييييييييييييله

َسَحَلَ

سحل لفظة عربية فصيحة ليها اكتر من معنى واحد منهم االمعنى اللى بنستخدمه اللى هو بمعنى بَرَدَ او بمعنى قَشَّرَ

و سَحَلَه يَسْحَله سَحْلًا فانْسَحَل: قَشَره و نَحَته

و في الحديث أَن أُم حكيم بنت الزبير أَتَتْه بكَتِف فجَعَلَتْ تَسْحَلُها له فأَكل منها ثم صَلَّى و لم يتوضأ; السَّحْل: القَشْر و الكَشْط، أَي تكْشِط ما عليها من اللحم، و منه قيل للمِبْرَد مِسْحَل; و يروى: فجَعَلَتْ تَسْحَاها أَي تَقْشِرُها

على ورق الفلّ دلَّعنى

فى اغنية بتتغنى على لسان واحده
مطلعها بيقول
على ورق الفل دلعنى.. مَحمَلش الذلّ ده يعنى


وفى وسط الاغنيه فى موال بيقول
حلو يا لابس التوب
انا بدى اتوب على ايدك
والا عشان بحبك عايزنى ابوس على ايدك


الاغنية دى قديمة جدا جدا جدا............... على قد مابحب الاغنية على قد مابتخلينى احس باليأس... الناس طول عمرها زبالة وغاوية تطلع عين اى حد بيحبه... يظهر ان دى طبيعة البنى ادمين..

Repeat after me
i cannot lose what was never mine... i can not lose what was never mine.. i can not lose what was never mine... i can not lose what was never mine... i can not lose what was never mine...... i can not lose what was never mine.....
i believe it.... but the tears n my eyes don't

ابناء المياه المقدسة

اخيليس (اخيل) وهو صغير امه مسكته من كعب رجلة وغمسته فى النهار المقدس عشان اى سلاح ميموتوش... مطرح كف امه بقى نقطة ضعف اخيل.. وكانت النهايه ان اخيل مات بسهم فى كعب عشان كان الحته الوحيدة اللى ماطالتهاش مية النهر المقدس... اهلى اتعلموا الدرس كويس فرمونى فى الترعة المقدس وسابونى اطلع لوحدى... وادينى اهه.. بتشَكشِك بحاجات اشكال والوان ولا اموتش... الخبطة بتوجع صحيح بس مبتموتنيش.... عزيزى المسكين اخيل.. اهلى طلعوا انبه من امك.. وبسبب غباء امك عيشت انا.. بس تصدق.. انا بكره امك... لو كانت مرمتكش فى النهر المقدس كنت انت مُت بدرى بدرى وانا من وراك.. بدل وجع القلب اللى عايشين فيه ده.. وتصدق كمان يا اخيل.. غباء امك انقذك وسابلك حته تموت منها... تعبت يا اخيل من كتر الشكشكه.. مبحبش الحقن... بقولك ايه... ما تخليك جدع وتسلفنى كعبك لفه... اموت واديهولك تانى... ماهو اتخرم خلاص هتعمل بيه ايه.. عارفاك ندل ومش هترضى... طظ فيك... وتصدق بقى.. نيوتن كمان عايز الحرق... مش كان اكل التفاحة وخلّص.. كان لازم يعمل فتك ويقرفنا.. اهو الاوذون اتخرم ...

فكّروا يا بنى ادمين

" أَوَلَمْ يَتَفَكَّرُوا فِي أَنفُسِهِمْ مَا خَلَقَ اللَّهُ السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَأَجَلٍ مُّسَمًّى وَإِنَّ كَثِيرًا مِّنَ النَّاسِ بِلِقَاء رَبِّهِمْ لَكَافِرُونَ "
بس تقول ايه بقى لناس مبقتش تسمع غير لبتوع يا طبطب وادلع يايقولى انا اتغيرت عليه... يعنى ربنا بيقول فكروا... والناس مصدرة العبيط وسايبين شوية آلات يفكرولهم...

قبل ان نلتقى كنت افرد كفّى فى وجوه العرّافين عسى ان يخبرنى احدهم متى التقيك.. وبعدما التقيتك صرت اضم كفى بشدة كى لا يخبرنى احدهم متى سنفترق

كل واحد فينا جواه خروم... والا كل واحد فينا عبارة عن خروم فاضيه واكواز بيصب بيها فى الخروم اللى فى الناس.. كل خرم بيتملى بحاجة.. فى حاجات بنصبها فى خرومنا بنفسنا وفى حاجات بيصبها الاهل والصحاب والمعارف والناس اللى معدية والناس اللى بنقرالها وبنمسع مزيكتهم.... بس فى خروم بتفضل دايما فاضيه.. الخروم دى مش اى حد يعرف يملاها... والخروم دى بتبقى منفده على القلب عدل.. لو اللى بيملى فيها شخص مش مفروض يملى فيها بس هو بيصب منغير قصد لان الكوز بتاعه مليان بالحاجات دى ومتعود يسقى بيها كل الخروم فى كل الناس... ده بقى بيسقط وراها فى قلبك ويرشق زى المسمار.. سايبه بيوجعك... شيلته بوجعك... ولو اللى بيصب ده واعى وقاصد... بيسقط فى قلبك برده... بس مش زى المسمار.. زى الكوفرته... لزوم الدفا ..

هى صحيح الارواح بتتلاقى؟؟.. انا عن نفسى مقتنعه بكده تماما.. لان فى ناس من قبل مانشوفهم بنحس اننا عارفينهم.. واول مابتسمع صوتهم من قبل ماتشوفهم.. او حتى حد يجيبلك سيرتهم تلاقى نفسك مش مستغرب انك بتسمع الاسم ده او بتسمع المعلومه دى عنه بالعكس بتحس انك عارفه.. بتحس انه واحشك ونفسك تشوفه من زمان.. بتحس "يااااااااااه انت فين من زمان يا راجل... ليك شوقة".. وساعات تِكِشّ من ناس من قبل ماتعرفهم برده من مجرد سماع اسمهم وتلاقي نفسك مقلق اوى من ناحيتهم...يمكن ده مش عشان الاروح اتلاقت قبل كده.. الله اعلم.. بس انا فعلا فى ناس بحس كده اوى معاهم.. وساعات ناس بشوفهم فى الاحلام.. اقابلهم بعدها بفتره صغيرة فى الحقيقة.. فى الاول وانا اصغر من كده شوية كان بيبقى شىء مزعج بالنسبالى انى احلم بحاجه وتحصل خاصة اما تكون حاجه وحشة.. بس دلوقتى اعتقد انى اتعودت على كده.. ولو انى ساعات ببقى خايفه انام عشان ببقى حاسه انى هحلم حلم وحش بحد بحبه... وساعات احلم بناس بقالى زمان ماشوفتهمش فى الحقيقه اصحى اكلمهم الاقيهم بيمروا بأزمه ومحتاجين فعلا السؤال عليهم.. وساعات احلم بيهم اكلمهم الاقيهم عندهم اخبار حلوة.. وساعات بتطلع فشنك :) اتصل الاقى مفيش اى حاجه لا كويسه ولا وحشه.. بس مكالمة الحبايب مابتخسرش ابدا بالعكس.. بتزوّد

استراحة من العالم.. لا تدوين.. لاموبايل.. لااحد.. لا شىء.... لا شىء على الاطلاق

الاختلافات العشرة

- وانا صغيرة كنت بعيط كتير.. دلوقتى مبعيطش خالص
* وفى كل الاحوال عمر ماحد مسحلى دمعه اتدحرجت على خدى... بس وانا صغيره كان بابا بيطبطب عليه..

- وانا صغيرة كنت اخاف من الضلمة.. دلوقتى بقيت اخاف من الصمت

- وانا صغيرة كنت بكلم العرايس بتاعتى وباخدهم فى حضنى وانا نايمه.... دلوقتى بقيت انام فى حضن الدبدوبه بتاعتى

- وانا صغيرة كنت احب اقف اتفحص فى وشى قدام المراية.. دلوقتى لو لمحت وشى بالصدفة على لوح زجاج بدور وشى الناحيه التانيه واطلع اجرى قبل عينى ماتيجى فى عينى

- وانا صغيره كنت احب اقعد مع الناس الكبار... دلوقتى بقيت احب العب مع الاطفال الصغيرين

- وانا صغيرة كنت احب اوى اتفرج على التليفزيون.... دلوقتى مبقيتش افتحه

- وانا صغيرة كنت اكل قليل والعب كتير.. دلوقتى بقيت اكل كتير والعب قليل

- وانا صغيرة كنت اعيط كتيير واضحك قليل... دلوقتى بقيت اضحك كتير ومعيطش خالص

- وانا صغيرة كان نفسى اما اكبر اجيب جزم بكعب عشان بتطرقع علىالسلم.. دلوقتى لو لبست حاجه بتطرقع على السلم ببقى عايزه الارض تنشق وتبلعنى

- وانا صغيرة كنت عارفة انى صغيرة... دلوقتى ............ مش عارفة..........

من اقسى الطرق اللى تتعلم بيها الاعتماد على النفس.. انك كل اما تتعود على حد.. وتحتاجله.. ماتلاقيهوش.. ولا تلاقى غيره.. تلاقى نفسك لوحدك.. ده ان لقيت نفسك اساسا