ياعلي يا زيبق

كنت فى مكان ما بحضر حفلة تكريم لاشخاص ما تبع دار نشر ما..... روحت متاخره... بعد عشر دقايق مما دخلت كنت خلاص بطلع فى الروح من كمية التلزيق الى فى الجو.. شويه ناس مفروض انهم مشاهير عمالين يستظرفوا لحد ما خنقونى وكنت بموت بقى اما قام واحد ناقد قعد يسمع نفس البقين الحمضانين اللى بيقولهم كل النقاد اما معدتى بقت فى زوري من كتر القرف والناس اللى حواليه مستمتعين وانا قاعده بكلم نفسي من كتر الغيظ.. في وسط ده كله الاقي واحد معرفوش قاعد في اول صف طلع زى الرمح وراح مطرقع للناقد فيما معناه سيبك من التمثيل وحياة ابوك وقول رايك فى العيال ايه يا اما تخرس وتفضك من الكليشيهات اللى حفظناها دى..... معرفش ليه فكرني بعلي الزيبق ..بطل صعلوك وان كان في النهاية لصا.. مع ان ليه ملامح حاده كالنبلاء.. فضلت لاخر الاحتفالية مستمتعه بفكرة وجود علي الزيبق معايا في مكان واحد لاصطدم بمتهي القسوه بوجوده بيني وبينه اقل من متر واقف مع واحده جسمه مشدود زي احمد مظهر ..بس هو اطول شويه.. و ماتكلمش كلمه واحده عربى وحاطط ايد في جيبه والتانيه ناقصها سيجار ويبقي احد الديبلوماسيين اللي يخنقوك بتناكتهم المفرطة.. ابتعلت صدمتي بشكل مؤقت وانصرفت مع اتنين صدعت دماغهم طول السكه بصراخي وانا عماله اشتم في الناس اللي كانت هناك... مش فاكره كان امتي بالضبط عرفت ان علي الزيبق ده يبقي احمد العايدي... اتضحلي بعد كده ان البنت دي مابتعرفش تتكلم عربي كويس عشان كده هو كان بيكلمها بالانجليزي... يمكن اكون ظلمته بس النتيجه واحده.... علي الزيبق ماينفعش يتكلم انجليزي ويلبس بدله ويحط ايده في جيبه.... بس في النهايه ماهياش غلطته انه مش علي الزيبق ومش غلطته اني بحترم الصعاليك اكثر من الديبلوماسيين..... لانه ببساطه لا صعلوك ولا ديبلوماسي هو فقط احمد العايدي اللي انا معرفوش....... انا مش بكتب الكلام ده عشان العايدي لانه اساسا مايعرفنيش ولا يعرف انطباعاتي عنه انا بس بكتبه عشان انا خبطت فيه جامد بصوره ضايقتني انا شخصيا... واهو كله تفريغ شحنات انفعالية

الغباء

انك تخش تنام تانى يوم وتحسبه برده نور القمر

الخدعة

انك تنام 3 ايام مستمتع بضوء القمر بيونسك فى الاوده وبعدين تكتشف انه مش اكتر من لمبه فى بلكونه على الناصيه نورها ضارب فى اودتك

strange

how can some ppl affect u this much. making u feel holy, pure and divine nomatter how sinful u r and they r. how can a soul be so full of both sins and light. no one has the right to be this charming

القسوة

حينما يذكرك الآخرون بالمرارة فى حلقك التى تحاول جاهدا ان تتجاهلها

History

everything has changed but yet stayed the same

quote from interview with the vampire

السينيما العاطفيه فى مصر عبر العصور

ايام الملك عقده الفيلم ان اتنين بيحبوا بعض وواحد منهم فقير والتانى غنى فمشعارفين يتجوزوا
ايام عبدالناصر والسادات عقده الفيلم اتنين بيحبوا بعض والاتنين فقرا مشعارفين يتجوزوا
اليومين دول عقده الفيلم انين مابيحبوش بعض بيتجوزوا عشان هو معاه فلوس وهى حلوه وبعدين يتطلقوا او يخونوا بعض

جنون

تصرخ عل احد ينقذها من اشباحها الداخليه.. تعدو علها تستطيع منهم فكاكا.. تحاول الخروج من جسدها فلا تستطيع.. يغلف الهواء جسدها العارى فتغفو على لمساته الحانيه لجسدها الملىء بالخربشات.. يتهامس الناس عن الفتاة العاريه المكومه بجانب الرصيف منذ اسابيع حتى كساها الوسخ