نفس الحكايه

جت مذيعه من برنامج الشباب والرياضه طلبت منى اسجل معاها فى البرنامج والسؤال كان انى اتكلم عن كتاب قريته وكل ما قولها على روايه قريتها تقولى ماتنفعش فيها اسقاطات سياسيه والشىء اللى لاحظته ان كل الروايات دايما البطل بتاعها كان فى حاله ومنغلق على نفسه وشىء ما اقتحم حياته فى سن متاخر خلاه يخرج من القمقم........... مش عارفه امتى هييجى شىء يطلعنى من القمقم انا كمان

ظلام

حينما يغيب البريق عن العيون اليسوعيه

مسافات

كلما ضاقت بيننا المسافه اشتقت اليك اكثر

Army of me

I like this song

Stand up
You’ve got to manage
I won’t sympathize
Anymore

And if you complain once more
You’ll meet an army of me



You’re alright
There’s nothing wrong
Self-sufficience please!
And get to work

And if you complain once more
You’ll meet an army of me

You’re on your own now
We won’t save you
Your rescue-squad
Is too exhausted

And if you complain once more
You’ll meet an army of me

لعنة

حينما لا يصبح هناك خيار سوى الصمت أو الغضب

محبه

انك تفهم حد كويس وتختار برده انك تفضل معاه على كل عيوبه
تفهمه لدرجه انك تفهم من صمته اكتر ما بتفهم من كلامه... تفهم اللى ورى الحروف اللى بينطقها... تفهم حتى النفس اللى بيطلعه


*ملحوظه انا مش بتكلم على الحب بين ولد وبنت انا بتكلم عن المحبه بين اى كائنين بشريين

اختراع

زياد الرحبانى

القاتل والمقتول

لأسباب غير مفهومة بالنسبة لها يستدير ليواجهها تماما و يطعنها بآلاف السكاكين الوهمية.......لم تدر لماذا يطعنها... فقط ارادت ان تمد له يدا تمسح على جبينه المكدود.... تتزاحم الدموع فى صدرها حتى لتكاد ان تخنق قلبها المرتجف... تحاول جاهده ان تتذكر من اين اتت الشراره التى اشعلت هذا الحريق فى عينيه الغاضبتين.... تمنت لو يتوقف لحظات لتسكن قسمات وجهه المتوتره فالتوتر لا بناسب وجهه اليسوعى.... رحل فى أول حافله بعد ان تأكد تماما من توقف نبضات قلبها، تاركا جثتها على الرصيف تنتظر اللا شىء

ليه....

سألنى محمد السيد انا ليه عملت البوست اللى فات
هو ده رأيى من زمان بس اللى خلانى اكتبه دلوقتى انى بحتك فى الشغل بناس عايشين بالمنطلق الذكورى للحياه..

امتى هتعرف امتىىىىىىىىى

للأسف احنا عايشين فى مجتمع ذكورى مشعارفه امتى هنستوعب بقى ان الدنيا مش راجل وست....... ربنا ماخلقش حوا عشان يحطها فى كفة توزن قدام كفة ادم ربنا خلقها عشان تتحط مع ادم فى نفس الكفه يوزنوا قدام اى حاجه تتحط فى الكفه التانيه... مفيش حاجه اسمها مساواه بين راجل وست فى حاجه اسمها كل بنى ادم ياخد حقه ويعمل واجباته ومن ضمن واجباته انه يكمل الاخر الراجل يكمل الست والست تكمل الراجل ماينفعش نقلب موازين الكون ونقوله الرجاله زى الستات والستات زى الرجاله...... لا الستات مش زى الرجاله ولا الرجاله زى الستات ربنا ماخلقناش زى بعض ربنا خلقنا نصين بيكلموا بعض لكل نص طبيعه وطبع ووظيفه وحق واكيد مش وظيفه كل نص انه يبقى زى النص التانى !!!!!!!!! مش منطقى ل كان ربنا شايف ان نص واحد يكفى كان عملنا كلنا نوع واحد عنده القدره على التناسل مع نفسه بدون الحاجه لاى كائن آخر...... الاأساس فى علاقه الرجل والمرأه التكامل وليس التنافس

دقايق

كان فى مره فى روايه او فيلم.. حاجه كده من ذكريات الطفوله يعنى... بيقولك ان 5 دقايق تغير مصير شعب وتنهى حيه بنى ادم وكلام كتير كده كنت اسمعه اقول يا سلااااااام اهو وقت وبيعدى بلا قلبة دماغ....... من كام يوم زيه زى اى يوم عمل عادى جدا انا وكريم " زميلى فى الاوده" كان عندنا شغل أخرنا شويه وساعدته فى عمل ماكيت لخريطتين وبعد ما خلصنا قلتله مش عاجبنى واحد فيهم تيجى نعيده قالى لا... ولاول مره بسمع كلام كريم منغير مناقشه لدرجه ان هو نفسه علق على الموضوع ده تانى يوم ... قفلنا المكتب ومشينا....... بعد مانزلنا بما يقدر ب 15 دقيقه احترقت الغرفه بتاعتنا بالكامل والشقه كلها اتهببت وكل البيبان اتحرقت...... من الأوده مافضلش منها غير فرده خلخال كنت معلقاها على حديده بارزه من الحيطه وقلم رصاص التحرق كل اللى على يمينه وشماله وهو ماجرالوش حاجه وعلبه الكروت

الشخصيه بتاعتى علبتها البلاستيك ساحت عليها والكروت ماتحرقتش... بقى شكلها عامل زى الصابونه بتاعه

fight club

.... وشويه حاجات تانيه..... معرفش ليه كتير بحس ان كل شء مترتب فى الكون عشانى انا شخصياكان السما فيها ربنا والارض فيها انا وكل حاجه تانيه معموله عشانى... ولو انى عارفه انه اى كلام بس حسن ترتيب ربنا للامور بيخلينى احس كده... رحمه ربنا واسعه

Judgements

why do we tend to be judgemental??? i dont know... i do this sometimes like everybody........ though i really hate to be judged cos nobody loves me enough for it and nobody knows me enough for it..... seeing me for 24 hours a day still doesnt give u a clue about who i really am if i decided to hide my truth from you...... you can judge only what u see and still u cant be fair enough about it...... why dont we just help eachother without judgements??????? we are all imprefect, i help you to be better not cos i judged you being wrong but cos u need to evolve...... you do ur things ur way and i do my things my may ... ur way is the best for you cos u know urself better and my way is perfect for me aswell though it might cause a desaster when u come to apply it on ur life... i can only point out what i see good for you but its you who choses how to get there........ on judgement day God shall use no aids cos he is the one who knows us the most and loves us the most, and he ll never judge me befor my whole life is thorough.

استاذ عبدالحميد

من الناس اللي معششين في دماغي لغايه دلوقتي كذكري رائعة من ذكريات الطفوله... كان مدرس اللغه العربيه والمواد الاجتماعيه واحيانا التربيه الدينيه كمان..... افتكر مره جابني انا وبنتين صحباتي في الفصل كنا في سنه خامسه ابتدائي كنا اشطر ٣ بنات في الفصل قالنا انتوا شاطرين وفي ناس متوسطين وناس خايبين انا عايز كل واحده منكم تمسك بنت من الخايبانين دول وتساعدها في المذاكره وتساعده في المذاكره بحيث انها تقدر علي الاقل تعدي السنه دي هم اساسا في الاغلب مش هيكملوا في التعليم اكتر من ابتدائي فعلي الاقل نساعدهم يعرفوا بس يقروا كويس ويكتبوا..... كان بيستأذن من مدرس الاعاب عشان نلطلع الفصل نذاكر للبنات وساعات كنا نقعد معاهم بعد وقت الدراسه والحصص الفاضيه..... البنات فعلا مستواهم اتحسن وكنا فرحانين اوي اننا بنعمل حاجه كويسه..... من اروع الاحاسيس في الدنيا انك تعلم حد حاجه وتبذل معاه مجهود وتشوف ثمار مجهودك ده ...... علمنا فعلا يعني ايه إخاء ومحبه ..... البنات دول كانوا ن وسط اجتماعي مفروض انه غير وسطنا ... من الوسط اللي المجتمع بيديه بالجزمه وشايف انه مش من حقه يتعامل كبي ادم وليه حقوق ..... هو بمنتهي البساطه علمنا ازاي نكسر كل قوانين المجتمع الغير معلنه ونتخطاها ونتعامل معاهم كبني ادمين...... مش عشان احنا ربنا حطنا وسط ناس معاهم فلوس اكتر من اللي مع اهالي البنات دول وأسر متعلمه اكتر من اسر البنات دول يبقي احنا احسن منهم بالعكس ده بيخلي ليهم علينا حقوق ولازم نؤديها............ وافتكر انه اول واحد في الدنيا علمنا يعني ايه دعاء........ اول يوم في السنه قالنا انا عايز اعلمكم دعاء تبتدو بيه يومكم كل يوم الصبح او علي الاقل تبتدوا بيه حصتي.... وقف علي السبوره ومسك تباشيره وكتب دعاء ... بقي ياخد كيمتين من دعاء مأثور علي كلمتين من دعاء تاني وكلمتين من عنده لحد ماعمل دعاء وحفظهولنا.... انا طبعا كنت متضايقه وكنت شايفه ان ده تشويه للادعيه وروحت البيت متضايقه اوي والحقني يا بابا غيرنا الادعيه المأثوره يالهوي يالهوي..... بابا قعد يفهمني ان الادعيه ممكن تتقال بأي طريقه وبأي شكل وأي لغه... باختصار قالي ان الادعيه مش قرآن وان حق كل واحد يدعي باللي عايزه .......وقبل امتحانات اخر السنه في خمسه ابتدائي قالنا كل واحد يذاكر كويس وهاتك يا نصايح وقالنا لو هتغشش حد .... ماتغششوش الامتحان كله غششه بس اللي ينجحه عشان فعلا ممكن يكون عنده ظروف منعته انه يذاكر كويس او يمكن خايف والخوف نساه فمتبقاش انت وظروفه عليه بس اديله اللي ينجحه فقط
يمكن كلامه غلط ويمكن صح بس في الاول وفي الآخر حاول يعلمنا حاجه تنفعنا وحاول يعلمنا ازاي ننفع غيرنا زي مابننفع نفسنا.....عمري ماقابلت ولا هقابل ناس زي مدرسيني في مدرسه الابتدائي... فعلا انا ادين ليهم بفضل كبير اكتر من اي بني ادم تاني بعد ابويا وامي

قلبى اللى كان برىء

قلبى اللى كان برىء
زى الطير الطليق
ازاى ضلت عيونه لما شاف الطريق

........................................
انا اللى غمضتله عيونه واخدته وحودت على طريق تانى.....للاسف انا اللى عملت فى نفسى....... مش عايزه حد اعمله شماعه اعلق عليها اخطائى

سفسطه

الاسبوع اللى فات نزلت اشترى بنطلون
قبل مانزل كنت عارفه ان اعايزه ايه... بنطلون واسع فضفاض... قماشه ناعمه... وسطه باستيك او برباط " بدكه يعنى هىهىهى".. لفيت ومالقيتش فاضطريت اشترى بنطلون كده كتان..... وجبت شبشب كده بكعب صغنن اوى ونعل خشب وبتاع... كان طول عمرى نفسى يبقى عندى حاجه بنعل خشب فانبسطت اوى اما لقيت الشبشب ده.. لبست الشبشب لقيته عامله مشاكل فى رجلى....... فقافيق واكل رجلى تماما طير نص صباعى ولغايه دلوقتى لسه صوابعى متعوره.... فقلت مابدهاش بقى مش لازم رجلى تتشرح كلها قبل معرف انى مينفعش البس الحاجات اللى بيبسوها البنات ...... وعنها ورجعت تانى للكوتشى العشوائى بتاعى ولبست ابنطلون الجديد عليه واوعى وشك بقى مفيش احس نن من ان الواحد يعيش طبيعته..... بس كنت حاسه ان لسه ناقص حاجه....ز شاء الله ان انزل وسط البلد امبارح وانا ماشيه كده شفت بنطلون عجبنى من اللى كنت نازله اساسا
اشتريه المره اللى فاتت... دخلت.. بكام البنطلون يا شابه تقولى 120 جنيه
... قلت يانهار كوارع بقى حته بنطلون بدكه بميه وعشرين جنيه ليييييييييييييييييه ده انا هروح بيه الشغل مش فرح !!!!!!!!...المهم خرجت يادوب لسه بتلفت كده عشان اكمل شفت البنطلون اللى كان نفسى فيه من زمان... ابو دكه السكره... هو اينعم كل ماحد هيشوفنى هيقولى بنطلون بيجامه وامى هتقولى يابنتى ايه القرف اللى انتى لابساه ده واخويا الكبير هيقولى ده بتاع نوادى وبابا فعلا قالى ده بتاع " العيال الشبيحه" الصيع يعنى هىهىهىهى.......بس طظظظظظظظظظظظظظ كل ده مايفرقش على حاله انى عايشه نفسى هو انا كده هعملهم ايه بقى..... انا ....... يعنى مازى ماكل وقت وله مزاجه كل مكان وليه لبسه.. يعنى كعب وشياكه يبقى مناسبه .. خروجه.. فرح..... زياره... العيد مثلا والا حاجه هىهىهى...... لكن انا واحده نازله من بيتنا رايحه الشغل والا نازله اروح اقعد مع واحده صحبتى اتشيك واقرف نفسى بكعب وشنطه مشعارفه عامله ازاى كريب رعاش.... بلا قلبه مخ... هو الكوتشى المتين وعليه بنطلون بدكه واى بلوزه قطن..... العجيبه ان محلات الهدوم بقت كلها مليانه هدوم على نفس الشاكلله. الجيبه اللى فيها 3 ادوار كرانيش والبنطلون الىلممشعارفه ماله منين وفيه سبعين سوسته والدريل ابو كرانيش..ز وملابس المحجبات بقى اوعى وشك المحزق والملزق بس طويل هىهى يا فرحه امى بيه يعنى ومشعارف حاجات بحمالات وحاجات منغير كمام ولا حمالات والمفروض ان بيتلبس تحتها بودى ضيق برده واديله طرحه..... كنت ماشيه بضحك طيب يعنى هو لازم كل البنات تلبس كده..... كل ماشوف الهدوم دى بحس بالسفسطه... يعنى ان كان ولابد اننا نكسى اجسامنا يبقى مش بالمنظر ده... ليه الكلكعه العجيبه دى منغير داعى....... والنبى نفسى يملوا هدوم للناس الغلابه اللى زى حالاتى اللى مش بيحبوا الهدوم السفسطائيه.... بلا وكسه

ودود كلاكيت تانى مره

جَاْرتي هَاجْرتِ
عِندَ مِحرَاب ٍ
رَشَـفت ُ رَحِـيقَ حياة ْ
مَنْ مَهِيض ِ جـَناحكِ
و أنِين ِ جـِرَاحك ِ
أيـْقظتِ فيّ عَمِـيق ِ تـَاِرِيخيْ
،شَوقيْ إلىَ بِـداءة الحياة ِ
غـَرارةِ الوجود ِ
رَجاءْ الخلود ِ
فعَشقتك ِ
وذاتَ ضحى
مِنْ محرابي َ
آثرتِ ما رجوته مِنْ تِحررك ِ مني ْ
وتَحرري منك ِ
أبَدا أنت ِ جارتي
وإن كنت ِ هَاجَرت ِ

د.سيد عثمان
والد كريم

خشب معشق

يَأَيهَا النّاس إِنّا خَلَقْنَكم مِّن ذَكَرٍ وَ أُنثى وَ جَعَلْنَكمْ شعُوباً وَ قَبَائلَ لِتَعَارَفُوا إِنّ أَكرَمَكمْ عِندَ اللّهِ أَتْقَاكُمْ إِنّ اللّهَ عَلِيمٌ خَبِيرٌ


احنا شويه حتت خشب معشق مبعتره .... مفيش حد قال ان رجل الترابيزه اهم من طاولتها و لاحد يقدر يقول ان الكرسى اهم من الترابيزه.. كل حاجه وليها وظيفتها..... لو كل واحد فينا فهم انه حته من كل..... وانه له وظيفه ...... اكيد هيجيله يوم ويعرف وظيفته ايه وهيعملها صح... نفسى بدل ماكل واحد يفضل يدور هو احسن من مين ومين احسن منه يشوف الاول هو ايه وليه هو هنا

سلمى

واحده من أعز صحباتى عندها بنوته زى القمر اسمها سلمى.. البنوته دى عمرها 8 شهور.... شفتها اول يوم اما اتولدت..... كنا فى رمضان وكان يوم فى وسط الاسبوع اول ماعرفت ان صحبتى ولدت نزلت تانى من بيتنا لحد مدينه نصر مع انى كنت لسه داخله من الباب جايه من مدينه نصر...... بس مقدرتش استنى لحد ماتروح....... كنت اول حد يشيلها بعد والدها وخالتها وجدتها..... وفضلت اكلمها كتير اوى وهى نايمه :) احم معلش هايفه انا شويه مع العيال اهى اهى..... شفتها بعد كده مرتين .. مره وهى عندها 3 شهور ومره وهى عندها 5 شهور... ماشفتهاش تنى غير من اسبوعين وهى عندها 7 شهور...... البنت بكايه جدا كأى طفل فى سنها ومبتاخدش على الاغراب بسرعه... ولو هى قاعده بتلعب مع باباها وشافت مامتها لو ما حدش شالها وداها لمامتها تبكى..... انا اول مادخلت كانت بتعيط عشان مامتها قامت تفتح الباب وبعدين دخلت المطبخ وانا دخلت الاوده للبنوته.. سكتت..... شيلتها ماعيطتش.... مامتها جت فضلت قاعده فى حجرى تلعب منغير ماتعيط......... انشغلت عنها شويه راحت شاده وشى عشان ابصلها وضحكتلى وراحت راميه نفسها فى حضنى وفضلت سانده راسها على صدرى شويه .... اول مادورت وشى عنها راحت قايمه تانى وشدت وشى.... امها بقت تضرب كف على كف تقولى بنتى عملها ماعملت كده مع حد...... المهم انا شويه ومشيت....... بعدها باسبوع رحتلها تانى بس بدرى شويه..... البنت مابطلتش لعب معايا..... ونامت فى حجرى مرتين... كانوا اربع ساعات من الجنه..... كنت حاسه نفسى فى دنيا تايه تماما.. الاطفال شىء غير عادى...... اروع شىء فى الوجود ان طفله فى سن سلمى كده تنام فى حجرى..... احساس يضاهى احساسى وانا شايفه شغلى مطبوع ومتعلق فى مكان ما والناس تقول الله حلو..... احلى من احساسى اما اتخرجت... واحلى من الحب..... احلى من كل حاجه فى الدنيا..... البنت نامت فى حجرى.. نقلتنى لدنيا تانيه تماما.... قبل ماتنام قعدت على بطنى وقعدت تتفحص فيه.. مابقيتش عارفه مين فينا اللى بيلعب بالتانى..... قعدت تستكشف دماغى زى ماتكون لعبه جديده.. طبعا الامر مايسلمش من انها عضتنى فى وشى ولعبت فى عينى البخت فى خلال طلعاتها الاستكشافيه... بس الغريبه انى ماكنتش بتضايق بالعكس كنت بفطس من الضحك..... دى اول طفله فى حياتى اشوفها وهى لسه عمرها ساعتين.... واول طفله تاخد عليه كده... هى حكايه يمكن تكون تافهه شويه.. بس بجد لو حد فيكم جرب الاحساس ده فيوم من الايام هيعرف انا ليه حكيت علىا لموقف ده


And here is the rest of it.

resurrection

عندما تبعث للحياة من جديد يكُن لديك الكثير والكثير لتفعله.... احلاما تواصلها واشياءا لتراها...احبة تلقاهم.... والكثير من الوقت تحتاجه بينك وبين نفسك حتى تعرف كيف صرت الان بعد البعث

الناى تأديب وتهذيب وإصلاح

جبت ناى الاسبوع اللى فات ولغاية دلوقتى مش راضى يطلع صوت...... الناى فلسفه ... فلسفه عاليه جدا....... مش اى حد يعرف يلعب ناى..... محتاج صبر وتوافق وفهم لنفسك وطوله بال...... يوم اما اعرف اطلع صوت من الناى هعرف انى وصلت للتوافق ... ادعولى